ՄԱՐԳԱՐԷՈՒԹԻՒՆ ԵՐԵՄԵԱՅ 50:21 - Գրաբար Աստվածաշունչ (1895)

²¹ Ել դառնութեամբ ի վերայ նորա, եւ ի բնակչաց նորա խնդրեսջիր վրէժս. սուր եւ ապականութիւն զկնի նորա՝՝, ասէ Տէր, եւ արասջիր ըստ ամենայնի զոր պատուիրեցի քեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 50:21 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:11

Եւ ասէ Դաւիթ ցԱբեսսա եւ ցամենայն ծառայս իւր. Ահաւանիկ որդի իմ որ ելեալ է յորովայնէ իմմէ՝ խնդրէ զանձն իմ, ո՜րչափ եւս որդին Յեմինայ. թոյլ տուք նմա եւ անիծցէ, զի Տէր ասաց նմա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:25

Իսկ արդ առանց Տեա՞ռն ինչ ելանիցեմք ի տեղիս յայս ապականել զսա. Տէր ասաց ցիս. Ել յերկիրն յայն եւ ապականեա զնա։

ՄՆԱՑՈՐԴԱՑ ԵՐԿՐՈՐԴ 36:23

Այսպէս ասէ Կիւրոս արքայ Պարսից. Զամենայն թագաւորութիւնս երկրի ետ ինձ Տէր Աստուած երկնից. եւ նա պատուիրեաց ինձ շինել իւր տուն յԵրուսաղէմ ի Հրէաստանի։ Որ ոք ի ձէնջ յամենայն ժողովրդենէ նորա իցէ, Տէր Աստուած իւր եղիցի ընդ նմա, եւ ելցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 10:6

զի զբարկութիւն իմ յազգ անօրէն արձակեցից, եւ իմում ժողովրդեան կարգեցից առնել զաւար եւ զյափշտակութիւն, կոխան առնել զքաղաքս եւ դնել զնոսա ի փոշի։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 44:28

որ ասեմ ցԿիւրոս թէ՝ Իմաստնասջիր, եւ զամենայն կամս իմ արասցես. որ ասեմ ցԵրուսաղէմ թէ՝ Շինեսջիր, եւ զտաճարն իմ սուրբ հաստատեցից՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 48:14

Ժողովեսցին ամենեքեան եւ լուիցեն՝ թէ ո՛ պատմեաց նոցա զայն։ Առ սէր քո արարի զկամս քո ի վերայ Բաբելոնի, բառնալ զզաւակն Քաղդէացւոց.

ՄԱՐԳԱՐԷՈՒԹԻՒՆ ԵՍԱՅԵԱՅ 48:15

ես կոչեցի եւ ես խօսեցայ. ածի զնա՝ եւ յաջողեցի զճանապարհս նորա։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 34:22

Ահաւասիկ ես հրաման տաց, ասէ Տէր, եւ դարձուցից զնոսա այդրէն ի քաղաքդ. մարտիցեն ընդ դմա եւ առցեն զդա, եւ այրեսցեն զդա հրով. եւ զքաղաքսն Յուդայ տաց յանապատ ի բնակչաց իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 48:10

Անիծեալ լիցի որ գործէ զգործ Տեառն հեղգութեամբ, եւ անիծեալ լիցի որ վերացուսցէ զսուր իւր յարենէ նորա։

ՄԱՐԳԱՐԷՈՒԹԻՒՆ ԵՐԵՄԵԱՅ 50:15

Խրախոյս բարձէք շուրջ զնովաւ, զի լքան ձեռք իւր. անկան մահարձանք, եւ կործանեցան պարիսպք նորա, զի վրէժխնդրութիւն յԱստուծոյ է. խնդրեցէք վրէժս ի դմանէ, որպէս արարն՝ արարէք դմա։

ՄԱՐԳԱՐԷՈՒԹԻՒՆ ԵՐԵՄԵԱՅ 50:3

Զի ել ի վերայ նորա ազգ ի հիւսիսոյ, նա դիցէ զերկիր նորա յապականութիւն. եւ ոչ ոք իցէ որ բնակիցէ ի նմա ի մարդոյ մինչեւ յանասուն, զի խախտեցան եւ գնացին։

ՄԱՐԳԱՐԷՈՒԹԻՒՆ ԵՐԵՄԵԱՅ 50:9

Զի ահաւասիկ ես յարուցից եւ ածից ի վերայ Բաբելացւոց զժողովս ազգաց մեծամեծաց յերկրէ հիւսիսոյ, եւ ճակատեսցին զնովաւ. եւ անտի ըմբռնեսցի, իբրեւ նետ իմաստուն պատերազմողի՝ որ ոչ դարձցի ունայն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 23:23

զորդիսն Բաբելացւոց եւ զամենայն Քաղդէացիսն, զՓակուդ եւ զՍուէ եւ զԿուէ, եւ զամենայն որդիսն Ասորեստանեայց ընդ նոսա, զերիտասարդս ընտիրս, զիշխանս, զզօրավարս, զսպառազէնս՝ զանուանիս զհեծեալս՝՝ յերիվարս։

ԵՐԿՐՈՐԴՈՒՄՆ ՕՐԻՆԱՑ 33:27

եւ ծածկոյթ Աստուծոյ իշխանութեանն, եւ ի զօրութենէ բազկաց մշտնջենաւորաց՝՝. եւ մերժեսցէ յերեսաց քոց զթշնամին, եւ ասասցէ թէ՝ Կորիր։

ԹԱԳԱՒՈՐՈՒԹԵԱՆՑ ԱՌԱՋԻՆ 15:3

Եւ արդ երթ եւ հարցես զԱմաղէկ եւ զՅարիմ եւ՝՝ զամենայն որ ինչ նորա իցէ. եւ մի՛ ապրեցուցանիցես ի նոցանէ, եւ սատակեսցես զնա եւ կորուսցես յառնէ մինչեւ ցկին եւ ի տղայոյ մինչեւ ցստնդիացն, եւ յարջառոյ մինչեւ ցոչխար եւ յուղտուէ մինչեւ ցէշ։