ՄԱՐԳԱՐԷՈՒԹԻՒՆ ԵՐԵՄԵԱՅ 41:1 - Գրաբար Աստվածաշունչ (1895)

¹ Եւ եղեւ յամսեանն եւթներորդի եկն Իսմայէլ որդի Նաթանայ, որդւոյ Եղիսամայ յազգէ թագաւորին, եւ ծառայք թագաւորին, եւ տասն այր ընդ նմա առ Գոդողիա որդի Աքիկամայ ի Մասփա, եւ կերան հաց ի միասին ի Մասփա։

ՄԱՐԳԱՐԷՈՒԹԻՒՆ ԵՐԵՄԵԱՅ 41:1 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:27

Եւ դարձոյց զԱբեններ ի Քեբրոն, եւ խոտորեցոյց զնա Յովաբ ի կողմանց դրանն խօսել ընդ նմա դաւաճանութեամբ. եւ եհար ընդ սնակուշտն, եւ մեռաւ. վասն արեանն Ասայելի եղբօր Յովաբայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:1

Եւ Գոթողիա մայր Ոքոզեայ, ետես եթէ մեռան որդիք նորա, կորոյս՝՝ զամենայն զաւակ թագաւորութեանն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:22

Եւ զժողովուրդն որ մնաց ի Յուդայ՝ եթող Նաբուքոդոնոսոր արքայ Բաբելոնի, եւ կացոյց ի վերայ նոցա զԳոդողիա որդի Աքիկամայ որդւոյ Սափանայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:25

Եւ եղեւ յամսեանն եւթներորդի եկն Իսմայէլ որդի Նաթանեայ որդւոյ Եղիսամայ ի զաւակէ թագաւորաց, եւ տասն այր ընդ նմա, եւ հարին զԳոդողիա եւ մեռաւ, եւ զՀրեայսն եւ զՔաղդէացիսն որ էին ընդ նմա ի Մասփա։

ՄՆԱՑՈՐԴԱՑ ԵՐԿՐՈՐԴ 22:10

Եւ Գոթողիա մայրն Ոքոզեայ ետես թէ մեռաւ որդին նորա, յարեաւ եւ կորոյս զամենայն զաւակ թագաւորութեանն ի տանն Յուդայ։

ԳԻՐՔ ՍԱՂՄՈՍԱՑ 109:5

Եւ Տէր ընդ աջմէ քումմէ, խորտակեսցէ յաւուր բարկութեան զթագաւորս։

ԳԻՐՔ ՍԱՂՄՈՍԱՑ 41:9

Ի տուէ պատուիրեաց Տէր զողորմութիւն իւր, գիշերի զօրհնութիւն նոր. եւ աղօթք իմ առ Աստուած վասն կենաց իմոց։

ԱՌԱԿՔ ՍՈՂՈՄՈՆԻ 13:10

Անզգամն թշնամանօք գործէ զչարիս՝՝, իսկ որ իրաւախոհքն են յանձինս՝ իմաստունք են։

ԱՌԱԿՔ ՍՈՂՈՄՈՆԻ 27:4

Անողորմ է սրտմտութիւն, եւ սաստիկ է բարկութիւն, այլ նախանձ եւ ոչ իմիք ժուժկալէ՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 36:12

էջ ի տուն թագաւորին ի դիւան դպրապետին. եւ անդ նստէին ամենայն իշխանքն, Եղիսամա դպրապետ, եւ Դաղիա որդի Սամէի, եւ Եղնաթան որդի Աքոբովրայ, եւ Գամարիա որդի Սափանեայ, եւ Սեդեկիա որդի Անանեայ, եւ ամենայն իշխանքն։

ՄԱՐԳԱՐԷՈՒԹԻՒՆ ԵՐԵՄԵԱՅ 36:20

Եւ մտին առ արքայ ի սրահ անդր. եւ զմատեանն ետուն պահել ի տան Եղիսամայ դպրապետի, եւ պատմեցին արքայի զամենայն զբանսն։

ՄԱՐԳԱՐԷՈՒԹԻՒՆ ԵՐԵՄԵԱՅ 39:14

եւ առին զԵրեմիա ի բանտէ անտի, եւ ետուն ցԳոդողիա որդի Աքիկամայ՝ որդւոյ Սափանայ, եւ հանին՝՝ զնա ի տունն, եւ անդ նստէր ի մէջ ժողովրդեան։

ՄԱՐԳԱՐԷՈՒԹԻՒՆ ԵՐԵՄԵԱՅ 40:13

Եւ Յովնան որդի Կարէի եւ ամենայն զօրավարք զօրացն որ էին ի բացի՝ եկին առ Գոդողիա ի Մասփա,

ՄԱՐԳԱՐԷՈՒԹԻՒՆ ԵՐԵՄԵԱՅ 40:5

Եւ մինչդեռ աստ եմ, երթ յով եւ կամիս. եւ՝՝ դարձիր առ Գոդողիա որդի Աքիկամայ որդւոյ Սափանայ, զոր կացոյց արքայն Բաբելացւոց ի վերայ երկրիդ Հրէաստանի, եւ բնակեսցես ընդ նմա ի մէջ ժողովրդեանն. ապա թէ ոչ, ըստ ամենայն հաճութեան աչաց քոց երթալոյ՝ երթիցես. եւ ետ նմա դահճապետն նպարակս եւ պարգեւս, եւ արձակեաց։

ՄԱՐԳԱՐԷՈՒԹԻՒՆ ԵՐԵՄԵԱՅ 40:6

Եւ եկն Երեմիա առ Գոդողիա որդի Աքիկամայ ի Մասփա, եւ նստաւ անդ ի մէջ ժողովրդեան երկրին մնացելոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 40:7

Եւ լուան ամենայն զօրավարք զօրաց որ էին ի բացի՝ ինքեանք եւ զօրք իւրեանց, թէ կացոյց արքայն Բաբելացւոց զԳոդողիա որդի Աքիկամայ ի վերայ երկրին, եւ յանձն արար նմա զարս եւ զկանայս եւ ժողովուրդ բազում՝՝ եւ յաղքատաց ժողովրդեան երկրին զորս ոչ խաղացոյց ի Բաբելոն։

ՄԱՐԳԱՐԷՈՒԹԻՒՆ ԵՐԵՄԵԱՅ 40:8

Եկին առ Գոդողիա ի Մասփայ, Իսմայէլ որդի Նաթանայ եւ Յովնան եւ Յովնաթան որդիք Կարէի, եւ Սարեա որդի Թանաթեմայ, եւ որդիք Ովփերի որդւոյ Նետոփատայ, եւ Յեզոնիա որդի Մաքաթայ, ինքեանք եւ արք որ ընդ նոսա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 17:13

Եւ առցէ ի զաւակէ թագաւորութեանն, եւ դիցէ ընդ նմա ուխտ, եւ անցուսցէ ընդ նզովս՝՝, եւ զիշխանս երկրին առցէ,

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:18

Ոչ վասն ամենեցուն ձեր ասեմ, զի ես գիտեմ զորս ընտրեցիդ. այլ զի լցցի գիրն թէ՝ Որ ուտէր ընդ իս հաց՝ արար ինձ խաբէութիւն։