ՄԱՐԳԱՐԷՈՒԹԻՒՆ ԵՐԵՄԵԱՅ 38:13 - Գրաբար Աստվածաշունչ (1895)

¹³ Եւ ձգեցին զնա պարանօքն, եւ հանին զնա ի գբոյ անտի. եւ նստաւ Երեմիա ի սրահի բանտին։

ՄԱՐԳԱՐԷՈՒԹԻՒՆ ԵՐԵՄԵԱՅ 38:13 Iomraidhean Croise

ԾՆՈՒՆԴՔ 37:28

Եւ անցանէին արք Մադիանացիք, վաճառականք, եւ ձգեցին հանին զՅովսէփ ի գբոյ անտի, եւ վաճառեցին զՅովսէփ Իսմայելացւոցն քսան դահեկանի. եւ իջուցին զՅովսէփ յԵգիպտոս։

ԹԱԳԱՒՈՐՈՒԹԵԱՆՑ ԵՐՐՈՐԴ 22:27

եւ ասասջիք. Այսպէս ասէ արքայ. Դիք զդա ի բանտի, եւ կերիցէ հաց նեղութեան եւ ջուր նեղութեան, մինչեւ դարձայց խաղաղութեամբ։

ԳԻՐՔ ՆԷԵՄԵԱՅ 3:25

կալաւ Փաղաք որդի Ուզայի՝ ընդդէմ անկեանն. եւ զաշտարակն որ էր արտաքոյ ապարանից թագաւորին վերագոյն քան զգաւիթ բանտին. եւ զհետ նորա Փաթաւա որդի Փարոսայ։

ԱՌԱԿՔ ՍՈՂՈՄՈՆԻ 29:10

Արք արեանց՝ ատեան զարդար, իսկ ուղիղք փափաքեսցեն յանձն նորա,

ՄԱՐԳԱՐԷՈՒԹԻՒՆ ԵՐԵՄԵԱՅ 26:16

Եւ ասեն իշխանքն եւ ամենայն ժողովուրդն ցքահանայս եւ ցմարգարէսն. Ոչ է դատաստան մահու առնդ այդորիկ, զի յանուն Տեառն Աստուծոյ խօսեցաւ առ մեզ։

ՄԱՐԳԱՐԷՈՒԹԻՒՆ ԵՐԵՄԵԱՅ 32:2

Եւ յայնժամ զօր արքային Բաբելացւոց պաշարեաց զԵրուսաղէմ. եւ Երեմիա մարգարէ կայր ի կալանս ի սրահի բանտին՝ որ էր յապարանս թագաւորին Յուդայ,

ՄԱՐԳԱՐԷՈՒԹԻՒՆ ԵՐԵՄԵԱՅ 38:12

եւ ասէ Աբդեմելէք Եթէովպացի ցԵրեմիա. Դիր զհին կապերտսդ եւ զբուրդսդ ընդ անթովք ձեռաց քոց ի ներքոյ պարանացդ։ Եւ արար Երեմիա այնպէս։

ՄԱՐԳԱՐԷՈՒԹԻՒՆ ԵՐԵՄԵԱՅ 38:28

Եւ նստաւ Երեմիա ի սրահի բանտին, մինչեւ ի ժամանակն յորում առաւն Երուսաղէմ։

ՄԱՐԳԱՐԷՈՒԹԻՒՆ ԵՐԵՄԵԱՅ 38:6

Եւ առին զԵրեմիա, եւ ընկեցին զնա ի գուբն Մեղքեայ որդւոյ թագաւորին, որ էր ի սրահի բանտին. եւ իջուցին զԵրեմիա պարանօք ի գուբն. եւ ի գբի անդ ջուր ոչ էր, այլ լոկ տիղմ. եւ կայր Երեմիա ի տղմին։

ՈՂԲՔ 3:58

Դատեցեր, Տէր, զդատաստան անձին իմոյ. փրկեցեր զկեանս իմ։

ԳՈՐԾՔ ԱՌԱՔԵԼՈՑ 23:35

Լուայց քեզ, ասէ, յորժամ եւ չարախօսքն քո եկեսցեն։ Եւ հրամայեաց յապարանսն Հերովդի պահել զնա։

ԳՈՐԾՔ ԱՌԱՔԵԼՈՑ 24:27

Եւ ի կատարել երկուց ամաց՝ եկն փոխանակ Փելիքսի Փեստոս Պորկիոս. իբրեւ կամեցաւ շնորհս առնել Հրէիցն Փելիքս, եթող զՊաւղոս կապեալ։

ԳՈՐԾՔ ԱՌԱՔԵԼՈՑ 28:16

Եւ իբրեւ մտաք ի Հռովմ, հրամայեցաւ Պաւղոսի լինել առանձինն հանդերձ զինուորաւն պահպանաւ իւրով։

ԳՈՐԾՔ ԱՌԱՔԵԼՈՑ 28:30

Եւ եղեւ զերկեամ մի բովանդակ իւրով վարձու։