ՄԱՐԳԱՐԷՈՒԹԻՒՆ ԵՐԵՄԵԱՅ 32:8 - Գրաբար Աստվածաշունչ (1895)

⁸ Եւ եկն առ իս Անամայէլ որդի Սեղովմայ հօրեղբօր իմոյ՝ ըստ բանի Տեառն ի սրահ բանտին եւ ասէ ցիս. Ստացիր զագարակն իմ որ է յԱնաթովթ յերկրին Բենիամինի, զի քեզ պարտ է ստանալ զժառանգութիւնն, եւ դու իսկ երիցագոյն ես՝՝. եւ գիտացի՝ թէ բան Տեառն է։

ՄԱՐԳԱՐԷՈՒԹԻՒՆ ԵՐԵՄԵԱՅ 32:8 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 2:26

Եւ ցԱբիաթար քահանայ ասէ արքայ. Երթ յԱնաթովթ յագարակ քո, զի այր մահու ես դու յաւուր յայսմիկ. եւ ոչ՝՝ սպանից զքեզ, զի կրեցեր զտապանակ ուխտին Տեառն առաջի հօր իմոյ. եւ զի չարչարեցար ամենայն ուրեք ուր չարչարեցաւ հայր իմ։

ԹԱԳԱՒՈՐՈՒԹԵԱՆՑ ԵՐՐՈՐԴ 22:25

Եւ ասէ Միքիա. Ահա դու իսկ տեսցես յաւուր յայնմիկ յորում մտանիցես սենեակ ի սենեկէ թաքչել։

ՄՆԱՑՈՐԴԱՑ ԱՌԱՋԻՆ 6:60

Եւ ի ցեղէն Բենիամինի, զԳաբա՝ եւ զզատուցեալսն նորա, եւ զԳաղեմէթ՝ եւ զզատուցեալսն նորա, եւ զՂաբեէ՝ եւ զզատուցեալսն նորա,՝՝ զԱնաթովթ՝ եւ զզատուցեալսն նորա, զԱնքովս՝ եւ զզատուցեալսն նորա.՝՝ ամենայն քաղաքք չորեքտասան, քաղաքք տոհմից իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 1:1

Պատգամն Աստուծոյ, որ եղեւ ի վերայ՝՝ Երեմիայի Քեղկեայ, ի քահանայից անտի՝ որ բնակեալ էր՝՝ յԱնաթովթ յերկրին Բենիամինի։

ՄԱՐԳԱՐԷՈՒԹԻՒՆ ԵՐԵՄԵԱՅ 32:2

Եւ յայնժամ զօր արքային Բաբելացւոց պաշարեաց զԵրուսաղէմ. եւ Երեմիա մարգարէ կայր ի կալանս ի սրահի բանտին՝ որ էր յապարանս թագաւորին Յուդայ,

ՄԱՐԳԱՐԷՈՒԹԻՒՆ ԵՐԵՄԵԱՅ 32:25

Եւ դու, Տէր, ասես ցիս. Ստացիր քեզ ագարակ արծաթոյ. եւ գրեցի մուրհակ եւ կնքեցի, եւ կացուցի վկայս՝՝. եւ քաղաքս մատնեցաւ ի ձեռս Քաղդէացւոցն։

ՄԱՐԳԱՐԷՈՒԹԻՒՆ ԵՐԵՄԵԱՅ 32:7

Ահաւադիկ Անամայէլ որդի Սեղովմայ հօրեղբօր քո գայ առ քեզ եւ ասէ. Ստացիր դու քեզ զագարակն իմ, որ է յԱնաթովթ, զի քեզ իսկ է անկ ըստ մերձաւորութեան առնուլ ի ստացուած։

ՄԱՐԳԱՐԷՈՒԹԻՒՆ ԵՐԵՄԵԱՅ 33:1

Եւ եղեւ բան Տեառն առ Երեմիա երկրորդ անգամ, եւ նա կայր տակաւին կապեալ ի սրահի բանտին, եւ ասէ.

ՄԱՐԳԱՐԷՈՒԹԻՒՆ ԵՐԵՄԵԱՅ 37:12

եւ եկն եհաս ի դուռն Բենիամինի. եւ անդ էր այր մի առ ում մտեալ էր նորա, անուն Սարու՝՝ որդի Սեղեմեայ, որդւոյ Անանեայ. կալաւ զԵրեմիա մարգարէ եւ ասէ. Առ Քաղդէացիսն փախուցեալ երթաս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 12:7

Եւ արարի այնպէս ըստ ամենայնի զոր պատուիրեաց ինձ Տէր, եւ արկայ հանդերձ գերութեան զաւուրս՝՝. եւ փորեցի ընդ երեկոյս զորմն ձեռամբ իմով, եւ երթայի գաղտագողի կորակոր առաջի նոցա՝՝։

ՄԱՐԳԱՐԷՈՒԹԻՒՆ ԶԱՔԱՐԵԱՅ 11:11

Եւ ցրեսցի յաւուր յայնմիկ, եւ ծանիցեն Քանանացիքն զխաշինս պահեստի իմոյ, զի բան Տեառն է՝՝։

ԱՒԵՏԱՐԱՆ ԸՍՏ ՅՈՎՀԱՆՆՈՒ 4:53

Գիտաց հայրն նորա եթէ յայնմ ժամու յորում ասացն ցնա Յիսուս թէ՝ Որդին քո կենդանի է. եւ հաւատաց ինքն եւ ամենայն տուն իւր։