ՄԱՐԳԱՐԷՈՒԹԻՒՆ ԵՐԵՄԵԱՅ 32:5 - Գրաբար Աստվածաշունչ (1895)

⁵ եւ ի Բաբելոն մտցէ Սեդեկիա, եւ անդ նստցի մինչեւ այց արարից դմա, ասէ Տէր. զի՞ մարտնչիք ընդ Քաղդէացիսն ուստի ոչինչ յաջողիցիք։

ՄԱՐԳԱՐԷՈՒԹԻՒՆ ԵՐԵՄԵԱՅ 32:5 Iomraidhean Croise

ՄՆԱՑՈՐԴԱՑ ԵՐԿՐՈՐԴ 13:12

Եւ ահաւասիկ ընդ մեզ իշխան Տէր, եւ քահանայք նորա եւ փողք նշանակաց նշանակել ի մեզ. եւ դուք, որդիք Իսրայելի, պատերազմի՞ք ընդ Տեառն Աստուծոյ հարցն մերոց, եւ ոչ եւս՝՝ աջողեսցի ձեզ։

ՄՆԱՑՈՐԴԱՑ ԵՐԿՐՈՐԴ 24:20

Եւ Հոգին Տեառն զգեցաւ Ազարիաս որդի՝՝ Յովիդայեայ քահանայի, յարեաւ ի մէջ ամենայն ժողովրդեանն եւ ասէ. Այսպէս ասէ Տէր. Ընդէ՞ր խոտորեցայք ի պատուիրանացն Տեառն, եւ ոչ յաջողեսցի ձեզ. վասն զի թողէք դուք զՏէր, եւ նա լքցէ զձեզ։

ԱՌԱԿՔ ՍՈՂՈՄՈՆԻ 21:30

Ոչ է մարդոյ իմաստութիւն, ոչ արութիւն եւ ոչ խորհուրդ առ Աստուած։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 2:37

զի եւ անտի եւս ձեռս ի գլուխ ելցես. զի մերժեաց Տէր զյոյսն քո, եւ ոչ եւս աջողեսցիս ի նմա։

ՄԱՐԳԱՐԷՈՒԹԻՒՆ ԵՐԵՄԵԱՅ 27:22

Ի Բաբելոն երթիցեն, եւ անդ եղիցին մինչեւ յօրն յորում այց արարից նոցա, այսպէս ասէ Տէր. Հանից զնոսա եւ դարձուցից ի տեղիդ յայդ։

ՄԱՐԳԱՐԷՈՒԹԻՒՆ ԵՐԵՄԵԱՅ 32:24

Եւ արդ ահա հասեալ է զոր՝՝ ի քաղաքս առնուլ զսա, եւ մատնեցաւ քաղաքս ի ձեռս Քաղդէացւոցն որ տան ընդ սմա պատերազմ յերեսաց սրոյ եւ սովոյ եւ մահու. որպէս եւ խօսեցար նոյնպէս եւ եղեւ, զոր դու իսկ տեսանես։

ՄԱՐԳԱՐԷՈՒԹԻՒՆ ԵՐԵՄԵԱՅ 32:6

Եւ եղեւ բան Տեառն առ Երեմիա՝՝ եւ ասէ.

ՄԱՐԳԱՐԷՈՒԹԻՒՆ ԵՐԵՄԵԱՅ 33:5

եկելոցն՝՝ մարտնչել ընդ Քաղդէացիս, եւ լնուլ զնոսա դիակամբք մարդկան, զորս հարի բարկութեամբ իմով եւ սրտմտութեամբ, եւ դարձուցի զերեսս իմ ի նոցանէ վասն ամենայն չարութեանց նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 37:10

Եւ եղեւ իբրեւ մերժեցաւ զօր Քաղդէացւոցն յԵրուսաղեմէ, յերեսաց զօրացն փարաւոնի,

ՄԱՐԳԱՐԷՈՒԹԻՒՆ ԵՐԵՄԵԱՅ 39:4

Եւ եղեւ իբրեւ ետես զնոսա Սեդեկիա արքայ Յուդայ, եւ ամենայն արք պատերազմօղք, փախեան եւ ելին գիշերի ի քաղաքէ անտի ընդ ճանապարհ բուրաստանին արքունի, ընդ դուռնն որ էր ի մէջ պարսպացն. եւ ելին ընդ ճանապարհ Արաբայ։

ՄԱՐԳԱՐԷՈՒԹԻՒՆ ԵՐԵՄԵԱՅ 39:5

Եւ զհետ եղեն նոցա զօրք Քաղդէացւոցն, եւ հասին Սեդեկեայ յԱրաբովթ Երիքովայ, կալան զնա եւ ածին առ Նաբուքոդոնոսոր արքայ Բաբելացւոց ի Ռեբղաթա յերկիրն Եմաթայ, եւ խօսեցաւ ընդ նմա դատաստանօք։

ՄԱՐԳԱՐԷՈՒԹԻՒՆ ԵՐԵՄԵԱՅ 39:7

Եւ զաչսն Սեդեկեայ կուրացոյց, եւ կապեաց զնա պղնձի շղթայիւք տանել զնա ի Բաբելոն։

ՈՂԲՔ 1:14

Կանխեաց Տէր ի վերայ ամպարշտութեան իմոյ, եւ արկ զինեւ զձեռն իւր. ծանրացոյց զլուծ իւր ի վերայ պարանոցի իմոյ՝՝, տկարացաւ զօրութիւն իմ. մատնեաց զիս Տէր ի ձեռս ցաւոց իմոց, եւ ոչ կարեմ հանդարտել։

ՄԱՐԳԱՐԷՈՒԹԻՒՆ ԵԶԵԿԻԵԼԻ 12:12

Եւ իշխանն ի մէջ նոցա կորակոր գնասցէ, գաղտագողի շրջեսցի՝՝, զորմն հատեալ ելցէ, զերեսս ծածկեալ գնասցէ, եւ մի՛ տեսցէ զերկիրդ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 12:13

Եւ արկից զցանց իմ զնովաւ, եւ պատեսցի ուռկանաւ ի պաշարումն. եւ ածից զնա ի Բաբելոն յերկիրդ Քաղդէացւոց, եւ զդա մի՛ տեսցէ, եւ այդր վախճանեսցի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 17:15

Եւ ապստամբեսցի՝՝ ի նմանէ առաքել հրեշտակս յԵգիպտոս, տալ նմա երիվարս եւ զօրս բազումս. եթէ իցէ աջողեսցի՞, եթէ իցէ ապրեսցի՞ որ առնէն իրս հակառակս՝՝, եւ անցանէ ըստ ուխտ. եթէ իցէ ապրեսցի՞։

ԹԻՒՔ 14:41

Եւ ասէ Մովսէս. Ընդէ՞ր անցէք զբանիւ Տեառն, եւ ոչ աջողեսցի ձեզ։