ՄԱՐԳԱՐԷՈՒԹԻՒՆ ԵՐԵՄԵԱՅ 31:13 - Գրաբար Աստվածաշունչ (1895)

¹³ Յայնժամ ցնծասցեն կոյսք ի ժողովս երիտասարդաց, եւ ծերք խնդասցեն՝՝. եւ դարձուցից զսուգ նոցա ի խնդութիւն, եւ ուրախ արարից զնոսա ի տրտմութենէ իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 31:13 Iomraidhean Croise

ԵԶՐ 6:22

Եւ արարին զտօն բաղարջակերացն զեւթն օր, եւ ուրախ եղեն յԵրուսաղէմ՝՝. վասն զի ուրախ արար զնոսա Տէր Աստուած Իսրայելի՝՝. եւ Տէր դարձոյց զսիրտ թագաւորին Ասորւոց առ նոսա, զի օգնեսցէ եւ զօրացուսցէ զձեռս նոցա ի գործ տաճարին Տեառն՝՝ Աստուծոյ Իսրայելի։

ԳԻՐՔ ՆԷԵՄԵԱՅ 12:27

Եւ ի նաւակատիս պարսպին Երուսաղեմի, խնդրեցին զՂեւտացիսն ի տեղիս իւրեանց՝ ածել զնոսա յԵրուսաղէմ, եւ առնել զնաւակատիս ուրախութեամբ հանդերձ եւ գոհութեամբ եւ երգովք նուագարանօք, ծնծղայիւք եւ թմբկօք եւ սաղմոսարանօք եւ ի ձայն եղջեր փողոյ՝՝։

ԳԻՐՔ ՆԷԵՄԵԱՅ 12:43

Եւ զոհեցին յաւուր յայնմիկ զոհս մեծամեծս, եւ ուրախ եղեն յոյժ. վասն զի Աստուած արար ուրախ զնոսա յուրախութիւն մեծ. եւ կանայք նոցա եւ որդիք նոցա ուրախ եղեն, եւ լսելի եղեւ ուրախութիւն նոցա յԵրուսաղեմէ՝՝ մինչեւ ի հեռաւոր տեղիս։

ԳԻՐՔ ՍԱՂՄՈՍԱՑ 126:5

Երանի՛ որ ելից զցանկութիւն իւր ի նոցանէն. մի՛ ամաչեսցեն՝ յորժամ խօսեսցին թշնամիք նոցա ընդ նոսա առ դրանն։

ԳԻՐՔ ՍԱՂՄՈՍԱՑ 148:12

երիտասարդք եւ կուսանք, ծերք եւ տղայք.

ԳԻՐՔ ՍԱՂՄՈՍԱՑ 149:3

Օրհնեսցեն զանուն նորա օրհնութեամբ, սաղմոսիւք եւ օրհնութեամբ սաղմոս ասասցեն նմա։

ԳԻՐՔ ՍԱՂՄՈՍԱՑ 30:11

Պակասեցան ի ցաւոց կեանք իմ, եւ ամք իմ յոգւոց ելանելոյ. աղքատացաւ ի տկարութենէ զօրութիւն իմ, եւ ոսկերք իմ խռովեցան։

ՄԱՐԳԱՐԷՈՒԹԻՒՆ ԵՍԱՅԵԱՅ 12:1

Եւ ասասցես յաւուր յայնմիկ. Օրհնեցից զքեզ, Տէր, զի բարկացար ինձ, եւ դարձուցեր զսրտմտութիւն քո յինէն, եւ ողորմեցար ինձ՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 35:10

Դարձցին՝՝ եւ եկեսցեն ի Սիոն ցնծութեամբ, եւ ուրախութիւն յաւիտենից ի վերայ գլխոց նոցա. զի ի վերայ գլխոց նոցա օրհնութիւն եւ՝՝ ցնծութիւն, եւ ուրախութիւն հասցէ նոցա. մերժեցան ցաւք եւ տրտմութիւնք՝՝ եւ հեծութիւնք։

ՄԱՐԳԱՐԷՈՒԹԻՒՆ ԵՍԱՅԵԱՅ 51:11

Զի ի Տեառնէ եղիցի դարձ՝՝, եւ եկեսցեն ի Սիոն ցնծութեամբ եւ ուրախութեամբ յաւիտենից. զի ի վերայ գլխոց նոցա օրհնութիւն՝՝, եւ ուրախութիւն հասցէ նոցա. մերժեցան ցաւք եւ տրտմութիւնք եւ հեծութիւնք։

ՄԱՐԳԱՐԷՈՒԹԻՒՆ ԵՍԱՅԵԱՅ 51:3

Եւ արդ մխիթարեցից զքեզ, Սիոն, եւ մխիթարեցից զամենայն զաւերակս նորա. եւ արարից զամենայն աւերակս նորա իբրեւ զդրախտ, եւ զկողմն արեւմտից՝՝ իբրեւ զդրախտ Տեառն. ուրախութիւն եւ ցնծութիւն գտցեն ի նմա, խոստովանութիւն եւ ձայն օրհնութեան։

ՄԱՐԳԱՐԷՈՒԹԻՒՆ ԵՍԱՅԵԱՅ 60:20

Ոչ մտցէ քեզ արեգակն, եւ լուսին ի քէն՝՝ մի՛ պակասեսցէ. զի եղիցի քեզ Տէր լոյս յաւիտենական. եւ կատարեսցին աւուրք սգոյ քո։

ՄԱՐԳԱՐԷՈՒԹԻՒՆ ԵՍԱՅԵԱՅ 61:2

կոչել ամ Տեառն ընդունելի եւ օր հատուցման Աստուծոյ մերոյ, մխիթարել զամենայն սգաւորս,

ՄԱՐԳԱՐԷՈՒԹԻՒՆ ԵՍԱՅԵԱՅ 61:3

տալ սգաւորաց Սիոնի փառս. փոխանակ մոխրոյն՝ օծումն ուրախութեան, եւ սգաւորացն հանդերձ փառաց՝ փոխանակ ոգւոցն՝՝ վհատութեան, եւ կոչեսցին նոքա ազգք արդարութեան՝ տունկ Տեառն ի փառս։

ՄԱՐԳԱՐԷՈՒԹԻՒՆ ԵՐԵՄԵԱՅ 31:4

Դարձեալ շինեցից զքեզ եւ շինեսջիր, կոյսդ Իսրայելի. դարձեալ առցես զթմբուկ քո, եւ ելցես ընդ ժողովս խաղալկաց։

ՄԱՐԳԱՐԷՈՒԹԻՒՆ ԵՐԵՄԵԱՅ 33:11

ձայն ուրախութեան եւ ձայն ցնծութեան, ձայն փեսայի եւ ձայն հարսին, որք ասիցեն՝՝. Գոհացարուք զՏեառնէ ամենակալէ զի քաղցր է, զի յաւիտեան է ողորմ նորա. բերցեն պատարագս օրհնութեան ի տուն Տեառն. զի դարձուցից զգերութիւն երկրիդ այդորիկ՝ ըստ առաջնոյն, ասէ Տէր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:19

Այսպէս ասէ Տէր ամենակալ. Պահքն չորրորդք եւ պահքն հինգերորդք, պահքն եւթներորդք եւ պահքն տասներորդք՝ եղիցին տանդ Յուդայ ի խնդութիւն եւ յուրախութիւն եւ ի տօնս բարութեանց. եւ ուրախ լիջիք,՝՝ եւ զճշմարտութիւն եւ զխաղաղութիւն սիրեցէք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:22

Եւ դուք այժմ տրտմութիւն ունիք, այլ դարձեալ տեսից զձեզ, եւ ուրախ լիցին սիրտք ձեր. եւ զուրախութիւնն ձեր ոչ ոք հանիցէ ի ձէնջ։

ԴԱՏԱՒՈՐՔ 21:21

Եւ յորժամ տեսանիցէք թէ ելանեն դստերք բնակչացն Սելովայ պար առեալ պարուք, ելջիք յայգեստանեացն, եւ յափշտակեսջիք այր իւրաքանչիւր կին ի դստերաց Սելովայ, եւ երթիջիք յերկիրն Բենիամինի։