ՄԱՐԳԱՐԷՈՒԹԻՒՆ ԵՐԵՄԵԱՅ 29:20 - Գրաբար Աստվածաշունչ (1895)

²⁰ Եւ դուք լուարուք զբան Տեառն, ամենայն գերիդ, զոր առաքեցի յԵրուսաղեմէ ի Բաբելոն։

ՄԱՐԳԱՐԷՈՒԹԻՒՆ ԵՐԵՄԵԱՅ 29:20 Iomraidhean Croise

ՄԱՐԳԱՐԷՈՒԹԻՒՆ ԵՐԵՄԵԱՅ 24:5

Իբրեւ զթուզդ քաղցր, այդպէս ծանեայ զգերեալսդ Յուդայ, զորս առաքեցի ի տեղւոջէդ յայդմանէ յերկիրն Քաղդէացւոց ի բարութիւն.

ՄԱՐԳԱՐԷՈՒԹԻՒՆ ԵՐԵՄԵԱՅ 29:1

Եւ այս բանք են թղթոյն զոր առաքեաց Երեմիա մարգարէ յԵրուսաղեմէ առ ծերս գերութեանն եւ առ քահանայս եւ առ սուտ մարգարէսն. Թուղթ ի Բաբելոն առ գերին՝՝ եւ առ ամենայն ժողովուրդն զորս գերեաց Նաբուքոդոնոսոր յԵրուսաղեմէ ի Բաբելոն,

ՄԱՐԳԱՐԷՈՒԹԻՒՆ ԵՐԵՄԵԱՅ 29:2

յետ տանելոյ Յեքոնեայ արքայի եւ տիկնոջն եւ ներքինեաց եւ իշխանաց Յուդայ յԵրուսաղեմէ, եւ ամենայն ազատաց եւ արուեստագիտաց եւ կալանաւորակապաց՝՝ յԵրուսաղեմէ.

ՄԱՐԳԱՐԷՈՒԹԻՒՆ ԵՐԵՄԵԱՅ 29:31

Առաքեա առ ամենայն գերին եւ ասասցես. Այսպէս ասէ Տէր ի վերայ Սամեայ Եղիմացւոյ. Փոխանակ զի մարգարէացաւ ձեզ Սամեա, եւ ես ոչ առաքեցի զնա, եւ յուսացոյց զձեզ ի նանրութիւն,

ՄԱՐԳԱՐԷՈՒԹԻՒՆ ԵԶԵԿԻԵԼԻ 11:9

Եւ հանից զձեզ ի միջոյ դորա, եւ մատնեցից զձեզ ի ձեռս օտարաց, եւ արարից ի ձեզ դատաստան.

ՄԱՐԳԱՐԷՈՒԹԻՒՆ ԵԶԵԿԻԵԼԻ 3:11

եւ երթ մուտ ի մէջ գերութեանն, առ որդիս ժողովրդեան քո, խօսեսցիս ընդ նոսա եւ ասասցես. Այսպէս ասէ Տէր Տէր. եթէ իցէ լուիցեն եւ անսայցեն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 3:15

եւ մտի վերամբարձ ի մէջ գերութեանն, եւ շրջեցայ առ բնակչօքն Քոբար գետոյ՝ որ էին անդ. եւ նստայ աւուրս եւթն դադարեալ՝՝ ի մէջ նոցա։

ՄԱՐԳԱՐԷՈՒԹԻՒՆ ՄԻՔԻԱՅ 4:10

Երկնեա եւ զօրացիր, եւ մերձեաց՝՝, դուստր Սիոնի, իբրեւ զծննդական. զի այժմ ելցես ի քաղաքէ, եւ բնակեցուցից զքեզ՝՝ ի դաշտի, եւ հասցես մինչեւ ի Բաբելոն. եւ անտի փրկեսցէ զքեզ՝՝ եւ անտի ապրեցուսցէ զքեզ Տէր Աստուած քո՝՝ ի ձեռաց թշնամեաց քոց։