ՄԱՐԳԱՐԷՈՒԹԻՒՆ ԵՐԵՄԵԱՅ 12:1 - Գրաբար Աստվածաշունչ (1895)

¹ Արդար ես դու, Տէր, եւ մատուցից առաջի քո աղերս՝՝. բայց խօսեցայց զիրաւունս. զի՞ է զի ճանապարհք ամպարշտաց յաջողեալ են, եւ երջանկացան ամենեքեան որ արհամարհեն զարհամարհանս։

ՄԱՐԳԱՐԷՈՒԹԻՒՆ ԵՐԵՄԵԱՅ 12:1 Iomraidhean Croise

ԾՆՈՒՆԴՔ 18:25

Քաւ լիցի քեզ առնել զայն բան. սպանանել զարդարն ընդ ամպարշտի, եւ լինիցի արդարն իբրեւ զամպարիշտն. քաւ լիցի քեզ որ դատիս զամենայն երկիր, մի՛ արասցես զայն դատաստան։

ԵԶՐ 9:15

Տէր, Աստուած Իսրայելի, դու արդար եւ ճշմարիտ ես, որ ոչ սպառեցեր զզաւակ մեր, այլ մնաց մեր արմատ եւ զաւակ մինչեւ ցայսօր. եւ արդ ահաւասիկ եմք այսօր առաջի քո յանօրէնութիւնս մեր, եւ ոչ եւս կարեմք ամբառնալ զգլուխ մեր եւ կալ առաջի երեսաց քոց. զի բազմացան անօրէնութիւնք մեր եւ չարիք առաւել քան զգլուխս մեր՝՝։

ԳԻՐՔ ՆԷԵՄԵԱՅ 9:33

Եւ դու արդար ես յամենայնի զոր ածեր ի վերայ մեր վասն մեղաց մերոց. վասն զի ճշմարտութեամբ արարեր.

ԳԻՐՔ ՅՈԲԱՅ 12:6

Սակայն մի՛ ոք որ չար իցէ՝ յուսասցի անպարտ լինել. ամենայն որ միանգամ բարկացուցանեն զՏէր, միթէ ո՞չ լինիցի նոցա խնդիրք։՝՝

ԳԻՐՔ ՅՈԲԱՅ 13:3

Բայց սակայն ես ընդ Տեառն խօսեցայց, յանդիմանեցայց առաջի նորա՝ եթէ կամեսցի։

ԳԻՐՔ ՅՈԲԱՅ 24:12

Որք ի քաղաքաց եւ ի տանց իւրեանց զրկեցան, անձինք տղայոց մեծամեծս հեծեծեցին. եւ նա այնմ այցելութիւն ընդէ՞ր ոչ առնիցէ։

ԳԻՐՔ ՅՈԲԱՅ 24:23

Հիւանդացեալ՝ եւ մի՛ ակն կալցի ողջանալոյ, այլ անկցի ախտիւ. զի զբազումս չարչարեաց բարձրութիւն նորա։

ԳԻՐՔ ՅՈԲԱՅ 8:17

Ի վերայ կարկառի քարանց ննջեսցէ, եւ ի մէջ մանրախիճ քարանց կեցցէ. եթէ ընկլցէ զնա տեղին՝ ստեսցէ։

ԳԻՐՔ ՍԱՂՄՈՍԱՑ 37:1

Սաղմոս Դաւթի. առ ի յիշատակ շաբաթու։

ԳԻՐՔ ՍԱՂՄՈՍԱՑ 51:4

զօրհանապազ զանիրաւութիւն՝՝ խորհեցաւ ի լեզուի իւրում, որպէս ածելի սուր սրեաց զնենգութիւն։

ԳԻՐՔ ՍԱՂՄՈՍԱՑ 51:6

Սիրեաց նա զամենայն խօսս կործանման, եւ զլեզուս նենգաւորս։

ԱՌԱԿՔ ՍՈՂՈՄՈՆԻ 1:32

Փոխանակ զի զրկէին զտղայս՝ կոտորեսցին, եւ կշտամբութիւն զամպարիշտս սատակեսցէ։՝՝

ԺՈՂՈՎՕՂ 8:14

Գոյ ընդունայնութիւն որ եղեալ է ի վերայ երկրի. զի են արդարք՝ որոց ժամանեն առ նոսա գործք ամպարշտաց, եւ են ամպարիշտք զի հասանեն նոցա իբրեւ զգործս արդարոց. եւ ասացի ես թէ՝ Սակայն եւ այն ընդունայնութիւն է։

ՄԱՐԳԱՐԷՈՒԹԻՒՆ ԵՍԱՅԵԱՅ 41:21

Մերձեալ են իրաւունք ձեր, ասէ Տէր Աստուած. մերձեալ են իրաւունք ձեր՝՝, ասէ Թագաւորն Յակոբայ։

ՄԱՐԳԱՐԷՈՒԹԻՒՆ ԵՍԱՅԵԱՅ 48:8

զի ոչ գիտես եւ ոչ իմանաս, եւ ոչ ի սկզբանէ բացեր զականջս քո. զի գիտացի թէ արհամարհելով արհամարհեսցես՝՝, եւ անօրէն անդստին յորովայնէ կոչեսցիս։

ՄԱՐԳԱՐԷՈՒԹԻՒՆ ԵՐԵՄԵԱՅ 11:20

Տէր զօրութեանց, որ ընտրես զիրաւունս, եւ քննես զերիկամունս եւ զսիրտս, տեսից առ ի քէն զվրէժխնդրութիւն առ ի նոսա. զի քեզ յայտնեցի զիրաւունս իմ։

ՄԱՐԳԱՐԷՈՒԹԻՒՆ ԵՐԵՄԵԱՅ 12:6

Քանզի եւ եղբարքն քո եւ տուն հօր քո, եւ նոքա դաւեցին քեզ, եւ նոքին աղաղակեցին զկնի քո, կուտեցան ի վերայ քո. մի՛ հաւատար նոցա զի խօսեսցին զքէն չարութիւն։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 3:20

Բայց որպէս անգոսնէ կին զամուսին իւր, այնպէս անգոսնեաց զիս տունդ Իսրայելի, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 3:7

Եւ ասացի յետ այնչափ պոռնկութեան նորա՝՝. Դարձ առ իս, եւ ոչ դարձաւ. եւ ետես զցոփութիւն նորա ուխտադրուժն Յուդա։

ՄԱՐԳԱՐԷՈՒԹԻՒՆ ԵՐԵՄԵԱՅ 32:16

Եւ կացի յաղօթս առ Տէր, յետ տալոյն զմուրհակ ստացուածոյն ցԲարուք որդի Ներեայ, եւ ասեմ.

ՄԱՐԳԱՐԷՈՒԹԻՒՆ ԵՐԵՄԵԱՅ 5:11

Զի արհամարհելով արհամարհեցին զիս տունն Իսրայելի եւ տունն Յուդայ, ասէ Տէր.

ՄԱՐԳԱՐԷՈՒԹԻՒՆ ԵՐԵՄԵԱՅ 9:2

Ո՜ տայր ինձ յանապատի դոյզն օթեւանս՝՝, եւ թողուի զժողովուրդ իմ եւ գնայի ի դոցանէ. զի ամենեքեան շնան առ հասարակ ժողովք արհամարհողաց։

ՈՂԲՔ 1:18

Արդար է Տէր Աստուած, զի ես դառնացուցի զնա. լուարուք զայս, ամենայն ժողովուրդք, եւ տեսէք զցաւս իմ. օրիորդք իմ եւ երիտասարդք իմ վարեցան ի գերութիւն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:25

Եւ ասէք թէ՝ Ոչ աջող է ճանապարհ Տեառն. արդ լուարուք, տունդ Իսրայելի, միթէ ի՞մ ճանապարհ չիցէ աջող. ո՞չ ապաքէն ձեր ճանապարհք չեն աջող։

ՄԱՐԳԱՐԷՈՒԹԻՒՆ ՈՎՍԵԱՅ 6:7

Եւ նոքա եղեն իբրեւ զմարդ ոք՝՝ որ անցանէ զուխտիւ. արդ արհամարհեաց զիս Գաղաադ

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 1:4

Վասն այնորիկ ցրուեցան օրէնք, եւ իրաւունք ի գլուխ ոչ ելանեն, զի ամպարիշտն յաղթահարէ զարդարն. վասն այնորիկ ելանէր դատաստանն թեւր։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:5

Այլ Տէր արդար է ի միջի նորա. եւ ոչ արասցէ անիրաւութիւն. ընդ առաւօտս կանխաւ տացէ զիրաւունս իմ ի լոյս, եւ ոչ թաքիցէ. եւ ոչ ծանիցէ զանիրաւութիւն ի պահանջել,

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:17

Որ բարկացուցանէք զԱստուած՝՝ բանիւք ձերովք, եւ ասէք. Ի՞ւ բարկացուցաք զնա. յասելն ձեր թէ՝ Ամենայն որ զչար գործէ՝ բարւոք թուի առաջի Տեառն, եւ ընդ այն իսկ հաճեցաւ նա. եւ՝ Ո՞ւր է Աստուած արդարութեան։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:15

Եւ արդ մեք երանեմք այլոց, եւ բարեշէն են ամենեքին որ գործեն զանօրէնութիւն, եւ ընդդէմ դարձան Աստուծոյ եւ կեցին։

ԵՐԿՐՈՐԴՈՒՄՆ ՕՐԻՆԱՑ 32:4

Աստուած՝ որոյ ճշմարիտ են գործք նորա, եւ ամենայն ճանապարհք նորա իրաւամբք, Աստուած հաւատարիմ է եւ ոչ գոյ ի նմա անիրաւութիւն, արդար եւ անարատ է Տէր։