ԴԱՏԱՒՈՐՔ 1:1 - Գրաբար Աստվածաշունչ (1895)

¹ Եւ եղեւ յետ վախճանելոյն Յեսուայ՝ հարցանէին որդիքն Իսրայելի զՏէր եւ ասէին. Ո՞ ելցէ մեզ առ Քանանացին առաջնորդ՝ պատերազմել ընդ նմա։

ԴԱՏԱՒՈՐՔ 1:1 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 22:5

Եւ ասէ Յովսափատ արքայ Յուդայ՝՝ ցարքայն Իսրայելի. Աղէ, հարցէք այսօր զՏէր։

ԵԼՔ 18:15

Եւ ասէ Մովսէս ցաներն իւր. Քանզի գայ ժողովուրդդ առ իս խնդրել իրաւունս յԱստուծոյ։

ԵԼՔ 28:30

Եւ դիցես ի վերայ տախտակի դատաստանին զվերջսն շղթայագործս, յերկոցունց կողմանց տախտակին դիցես. եւ զերկուս վահանակսն դիցես ի վերայ երկուց ուսոց վակասին յերեսաց կողմանէ ի ներքուստ։՝՝ Եւ դիցես ի վերայ տախտակի դատաստանին զՅանդիմանութիւն եւ զՃշմարտութիւն՝՝. եւ եղիցի ի վերայ լանջացն Ահարոնի յորժամ մտանիցէ ի սրբութիւնն առաջի Տեառն. եւ տարցի Ահարոն զդատաստանս որդւոցն Իսրայելի ի վերայ լանջաց իւրոց առաջի Տեառն հանապազ։

ԹԻՒՔ 27:21

Եւ կացցէ առաջի Եղիազարու քահանայի, եւ հարցցեն ի նմանէ զիրաւունս յայտնութեանց՝՝ առաջի Տեառն. ըստ բանի բերանոյ նորա ելանիցեն, եւ ըստ բանի բերանոյ նորա մտանիցեն, ինքն եւ որդիքն Իսրայելի միաբան եւ ամենայն ժողովուրդն։

ԴԱՏԱՒՈՐՔ 1:27

Եւ ոչ ժառանգեաց Մանասէ զԲեթսան որ է Սկիւթուպօլիս՝՝, եւ ոչ զդստերս նորա եւ ոչ զանդաստանս նորա՝՝, եւ ոչ զԹանաք եւ զդստերս նորա, եւ ոչ զբնակիչսն Դովրայ եւ ոչ զշուրջ բնակեալսն զնովաւ՝՝ եւ ոչ զդստերս նորա. եւ ոչ զբնակիչս Բաղակայ եւ ոչ զշուրջ բնակեալսն զնովաւ եւ ոչ զդստերս նորա.՝՝ եւ ոչ զբնակիչս Յեբղամայ եւ ոչ զշուրջ բնակեալսն զնովաւ եւ՝՝ ոչ զդստերս նորա. եւ սկսաւ՝՝ Քանանացին բնակել յերկրին յայնմիկ։

ԴԱՏԱՒՈՐՔ 2:21

եւ ես ոչ յաւելից բառնալ զայր յերեսաց նոցա, յազգացն զոր եթող Յեսու որդի Նաւեայ.

ԴԱՏԱՒՈՐՔ 2:8

Եւ վախճանեցաւ Յեսու որդի Նաւեայ ծառայ Տեառն, որդի հարեւր եւ տասն ամաց.

ԴԱՏԱՒՈՐՔ 2:9

եւ թաղեցին զնա ի լերինն ժառանգութեան նորա, ի Թամնաթարէս՝ ի լերինն Եփրեմի ի հիւսիսոյ լերինն Գայասու։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:23

Եւ ելին որդիքն Իսրայելի եւ լացին առաջի Տեառն մինչեւ ցերեկոյ. եւ հարցին զՏէր եւ ասեն. Եթէ յաւելցո՞ւք մարտնչել ի պատերազմ ընդ Բենիամինի եղբօր մերում։ Եւ ասէ Տէր. Ելէք ի վերայ նոցա։

ԴԱՏԱՒՈՐՔ 20:27

քանզի անդ էր տապանակ ուխտին Տեառն Աստուծոյ յաւուրսն յայնոսիկ. եւ Փենեէս որդի Եղիազարու որդւոյ Ահարոնի կայր առաջի նորա յաւուրսն յայնոսիկ։

ԴԱՏԱՒՈՐՔ 20:28

Եւ հարցին որդիքն Իսրայելի զՏէր, եւ ասեն. Յաւելցո՞ւք միւսանգամ ելանել ի պատերազմ ընդ որդիսն Բենիամինի եղբօր մերում, թէ դադարեսցուք։ Եւ ասէ Տէր. Ելէք, եւ վաղիւ տաց զնա ի ձեռս ձեր։

ԹԱԳԱՒՈՐՈՒԹԵԱՆՑ ԱՌԱՋԻՆ 10:22

Եւ եհարց միւսանգամ Սամուէլ՝՝ զՏէր. Եթէ գայցէ՞ այսր այրն։ Եւ ասէ Տէր. Աւադիկ թաքուցեալ է ընդ կարասեաւ։