ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:1 - Գրաբար Աստվածաշունչ (1895)

¹ Եղբարք իմ, մի՛ աչառանօք ունիցիք զհաւատսն Տեառն մերոյ Յիսուսի Քրիստոսի, որ Տէրն է՝՝ փառաց։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:1 Iomraidhean Croise

ՄՆԱՑՈՐԴԱՑ ԵՐԿՐՈՐԴ 19:7

եւ արդ եղիցի երկեւղ Տեառն ի վերայ ձեր, պահեցէք եւ արարէք, զի ոչ գոյ Տեառն Աստուծոյ մերոյ անիրաւութիւն, եւ ոչ երեսաց աչառել, եւ ոչ առնուլ կաշառս։

ԱՌԱԿՔ ՍՈՂՈՄՈՆԻ 24:23

Զայս ասեմ ձեզ իմաստնոցդ. խելամուտ լինել իրաւանց մի՛ ամաչէք.՝՝ ակն առնուլ ի դատաստանի չէ բարւոք։

ԱՌԱԿՔ ՍՈՂՈՄՈՆԻ 28:21

Որ ակն ածէ զերեսս անօրինաց յանդիմանել՝ չէ բարւոք. այնպիսին պատառոյ հացի վաճառէ զմարդ։՝՝

ՂԵՒՏԱԿԱՆ 19:15

Անիրաւութիւն ի դատաստանի մի՛ առնիցես, եւ ակն աղքատի մի՛ առնուցուս, եւ մի՛ երեսաց աչառիցես հարստի. արդարութեամբ դատեսցիս զընկեր քո։

Մատթեոսի Աւետարան 22:16

Եւ առաքեն առ նա զաշակերտս իւրեանց Հերովդիանոսօքն հանդերձ, եւ ասեն. Վարդապետ, գիտեմք զի ճշմարիտ ես, եւ զճանապարհն Աստուծոյ ճշմարտութեամբ ուսուցանես, եւ ոչ է քեզ փոյթ զումեքէ, եւ ոչ հայիս յերեսս մարդոյ։

ԳՈՐԾՔ ԱՌԱՔԵԼՈՑ 10:34

Եբաց Պետրոս զբերան իւր եւ ասէ. Ճշմարտութեամբ հասեալ եմ, զի ոչ գոյ ակնառութիւն առ ի յԱստուծոյ.

ԳՈՐԾՔ ԱՌԱՔԵԼՈՑ 20:21

տալ վկայութիւն Հրէից եւ հեթանոսաց զապաշխարութեանն որ առ Աստուած, եւ զհաւատոցն որ ի Տէր մեր Յիսուս Քրիստոս։

ԳՈՐԾՔ ԱՌԱՔԵԼՈՑ 24:24

Եւ յետ աւուրց ինչ եկն Փելիքս հանդերձ Դրուսիղաւ կնաւ իւրով, որ էր Հրեայ, կոչեաց զՊաւղոս եւ լուաւ ի նմանէ վասն որ ի Յիսուս Քրիստոս հաւատոցն։

ԳՈՐԾՔ ԱՌԱՔԵԼՈՑ 7:2

Եւ նա ասէ. Արք եղբարք եւ հարք, լուարուք ինձ. Աստուած փառաց երեւեցաւ հօր մերում Աբրահամու մինչդեռ ի Միջագետս էր, մինչչեւ բնակեցուցեալ էր զնա՝՝ ի Խառան. եւ ասէ ցնա.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:11

Քանզի անձկացեալ եմ տեսանել զձեզ, զի փոխեցից ի ձեզ շնորհս ինչ հոգեւորս առ ի հաստատել զձեզ.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 2:8

զոր ոչ ոք յիշխանաց աշխարհիս այսորիկ ծանեաւ. զի եթէ էր ծանուցեալ, ոչ արդեւք զՏէրն փառաց ի խաչ հանէին։

ԵՐԿՐՈՐԴՈՒՄՆ ՕՐԻՆԱՑ 1:17

եւ մի՛ առնուցուս ակն ի դատաստանի, ըստ փոքուն եւ ըստ մեծին դատիցիս՝՝. եւ մի՛ խորշիցիս յերեսաց մարդոյ, զի դատաստանն Աստուծոյ է. եւ բան ինչ որ ծանրագոյն քան զձեզ իցէ, հասուսջիք առ իս եւ լուայց։

ԵՐԿՐՈՐԴՈՒՄՆ ՕՐԻՆԱՑ 16:19

Եւ մի՛ աչառիցեն երեսաց, եւ մի՛ առնուցուն՝՝ կաշառս. քանզի կաշառ կուրացուցանէ զաչս իմաստնոց, եւ ապականէ զբանս արդարոց։

ԱՌ ԿՈՂՈՍԱՑԻՍ ԹՈՒՂԹ 1:4

իբրեւ լուաք՝՝ զհաւատսն ձեր որ ի Քրիստոս Յիսուս ի Տէր մեր՝՝, եւ զսէրն զոր ընդ ամենայն սուրբս ունիք.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:19

ունիցիս հաւատս սրբովք մտօք, զոր ոմանց մերժեալ յանձանց իւրեանց՝ նաւակոծեցան ի հաւատսն.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 5:21

Վկայութիւն դնեմ առաջի Աստուծոյ եւ Յիսուսի Քրիստոսի եւ ընտրելոց հրեշտակաց, զի զայդ պահեսցես առանց մտահաճութեան, մի՛ ինչ առնել աչառանօք։

ԱՌ ՏԻՏՈՍ ԹՈՒՂԹ 1:1

Պաւղոս, ծառայ Աստուծոյ եւ առաքեալ Յիսուսի Քրիստոսի, ըստ հաւատոց ընտրելոցն Աստուծոյ, եւ ի գիտութիւն ճշմարտութեան որ ընդ աստուածպաշտութեանն է,

ԱՌ ՏԻՏՈՍ ԹՈՒՂԹ 2:13

եւ ակնկալցուք երանելի յուսոյն, եւ յայտնութեան փառաց մեծին Աստուծոյ եւ Փրկչին մերոյ Յիսուսի Քրիստոսի.

ԱՌ ԵԲՐԱՅԵՑԻՍ ԹՈՒՂԹ 1:3

որ է լոյս փառաց եւ նկարագիր էութեան նորա, որ կրէ զամենայն բանիւ զօրութեան իւրոյ, սրբութիւն մեղաց մերոց արարեալ՝ նստաւ ընդ աջմէ Մեծութեանն ի բարձունս։

ԱՌ ԵԲՐԱՅԵՑԻՍ ԹՈՒՂԹ 12:2

հայեսցուք ի զօրագլուխն հաւատոց եւ ի կատարիչն Յիսուս, որ փոխանակ ուրախութեանն որ նմա առաջի կայր՝ յանձն առ զխաչն, արհամարհեաց զամօթն, նստաւ ընդ աջմէ աթոռոյն Աստուծոյ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:16

Մի՛ խաբիք, եղբարք իմ սիրելիք.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:19

Գիտասջիք, եղբարք իմ սիրելիք, եղիցի ամենայն մարդ արագ առ ի լսել, եւ ծանր առ ի խօսել, եւ ծանր առ ի բարկանալ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:3

հայիցիք ընդ այն որ ունիցի զհանդերձսն պայծառս, եւ ասիցէք եթէ՝ Դու նիստ աստ պատուով. եւ ցաղքատն ասիցէք եթէ՝ Յոտն կաց դու այտի. կամ թէ՝ Եկ նիստ առ պատուանդանիս իմում,

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:9

Իսկ եթէ աչառիցէք, մեղս գործէք՝ յանդիմանեալք յօրինացն իբրեւ օրինազանցք։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:17

Իսկ վերին իմաստութիւնն նախ զի սուրբ է, եւ ապա խաղաղարար, հեզ, դիւրահաւան, լի ողորմութեամբ եւ պտղովք բարեաց, անխիղճ, առանց կեղծաւորութեան։

ԹՈՒՂԹ ՊԵՏՐՈՍԻ ԵՐԿՐՈՐԴ 1:1

Շմաւոն Պետրոս, ծառայ եւ առաքեալ Յիսուսի Քրիստոսի, որոց հանգիտապատիւ մեզ հասէքդ հաւատոց յարդարութիւն Աստուծոյ մերոյ եւ Փրկչին Յիսուսի Քրիստոսի.

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:16

Սոքա են տրտնջողք եւ շոգմոգք, երթեալ ըստ իւրեանց անձանց ցանկութեանց, եւ բերանք նոցա զամբարտաւանս բարբառին, առնուն ակն երեսաց վասն օգտի։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 14:12

Եւ համբերութիւն սրբոցն աստ է. այս՝ որք պահեն զպատուիրանս Աստուծոյ եւ զհաւատս Յիսուսի։