ՄԱՐԳԱՐԷՈՒԹԻՒՆ ԵՍԱՅԵԱՅ 66:3 - Գրաբար Աստվածաշունչ (1895)

³ Բայց անօրէնն որ մատուցանէ ինձ եզն պատարագ՝ այնպէս է, որպէս թէ հարկանիցէ ոք զկառափն մարդոյ. եւ որ մատուցանէ զոչխար պատարագ՝ այնպէս է, որպէս թէ զշուն ոք մորթիցէ. եւ որ մատուցանէ ոք նաշիհ՝ այնպէս է, որպէս թէ հեղուցու ոք զարիւն խոզի. եւ որ տայցէ զկնդրուկն ի խունկս յիշատակաց՝ այնպէս է, որպէս զհայհոյիչն. եւ ինքեանք ընտրեցին զճանապարհս իւրեանց, եւ զգարշելիս իւրեանց զոր անձինք իւրեանց ախորժեցին։

ՄԱՐԳԱՐԷՈՒԹԻՒՆ ԵՍԱՅԵԱՅ 66:3 Iomraidhean Croise

ԱՌԱԿՔ ՍՈՂՈՄՈՆԻ 15:8

Պատարագք ամպարշտաց պիղծ են առաջի Աստուծոյ, ուխտք ուղղոց՝ ընդունելի են նմա։

ԱՌԱԿՔ ՍՈՂՈՄՈՆԻ 21:27

Պատարագք ամպարշտաց պիղծ են առաջի Տեառն՝՝, քանզի անօրէնութեամբ իսկ մատուցանեն զնոսա։

ՄԱՐԳԱՐԷՈՒԹԻՒՆ ԵՍԱՅԵԱՅ 44:19

Եւ ոչ ածին զմտաւ զի ոչ ծանեան խորհրդովք՝ թէ զկէս փայտին այրեցին ի հուր, եւ ի վերայ կայծականց նորա հաց արարին, եւ միս խորովեցին եւ կերան, եւ զկէսն ի նմանէ արարին պատկեր եւ երկիր պագանեն նմա։

ՄԱՐԳԱՐԷՈՒԹԻՒՆ ԵՍԱՅԵԱՅ 53:6

Ամենեքեան իբրեւ ոչխարք մոլորեալք. այր ի ճանապարհի իւրում մոլորեցաւ, եւ Տէր մատնեաց զնա առ մեղս մեր.

ՄԱՐԳԱՐԷՈՒԹԻՒՆ ԵՍԱՅԵԱՅ 57:17

Վասն մեղաց առ սակաւ մի տրտմեցուցի զնա, հարի զնա՝ եւ դարձուցի զերեսս իմ ի նմանէ, եւ տրտմեցաւ եւ գնաց թախծեալ առաջի իմ զճանապարհս իւր։

ՄԱՐԳԱՐԷՈՒԹԻՒՆ ԵՍԱՅԵԱՅ 65:12

ես մատնեցից զձեզ ի սուր, եւ ամենեքեան կոտորեսջիք. զի կոչեցի զձեզ՝ եւ ոչ լուարուք. խօսեցայ՝ եւ ստունգանեցէք, եւ արարէք չար առաջի իմ, եւ զոր ոչ կամէի՝ ընտրեցէք։

ՄԱՐԳԱՐԷՈՒԹԻՒՆ ԵՍԱՅԵԱՅ 65:2

Զօր հանապազ ձգեցի զձեռն իմ առ ժողովուրդն անհաւան եւ հակառակող՝՝, որ գնային զճանապարհ որ ոչ էր բարւոք, այլ զհետ մեղացն իւրեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 66:17

Որ սրբինն եւ մաքրին ի պարտէզս եւ ի սրահս իւրեանց՝՝, որ ուտեն միս խոզենի եւ զգարշելիսն եւ զմուկնն, ի միասին սատակեսցին նոքա, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 6:20

Ընդէ՞ր է այդ զի բերես ինձ խունկս՝՝ ի Սաբայ, եւ կինամոմոն յերկրէ հեռաստանէ. ողջակէզքն ձեր չեն ընդունելի, եւ զոհք ձեր ինձ ոչ քաղցրացան։

ՂԵՒՏԱԿԱՆ 2:2

Եւ տարցի զայն առ քահանայսն որդիս Ահարոնի. եւ լցեալ զձեռն իւր ի նաշհոյ անտի իւղովն հանդերձ, եւ զամենայն զկնդրուկն նորա, դիցէ քահանայն զյիշատակ նորա ի վերայ սեղանոյն զոհ ի հոտ անուշից Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 2:14

Պատասխանի ետ Անգէոս եւ ասէ.

ԵՐԿՐՈՐԴՈՒՄՆ ՕՐԻՆԱՑ 14:8

Եւ խոզ զի թաթահերձ եւ կճղակաբաշխ է եւ որոճէ ոչ՝ անսուրբ իցէ նա ձեզ. ի մսոյ նոցա մի՛ ուտիցէք, եւ ի մեռեալ նոցա մի՛ մերձենայցէք։

ԵՐԿՐՈՐԴՈՒՄՆ ՕՐԻՆԱՑ 23:18

Մի՛ տարցիս զկապէնս պոռնկի, եւ մի՛ զշանսխուրս ի տուն Աստուծոյ քո յամենայն ուխտս. զի պիղծ են առաջի Տեառն Աստուծոյ քո երկոքեան։

ԴԱՏԱՒՈՐՔ 10:14

Երթայք աղաղակեցէք առ աստուածսն զոր ընտրեցէք ձեզ, եւ նոքա փրկեսցեն զձեզ ի ժամանակի նեղութեանց ձերոց։

ԴԱՏԱՒՈՐՔ 21:25

Յաւուրսն յայնոսիկ ոչ գոյր թագաւոր Իսրայելի, եւ այր իւրաքանչիւր զհաճոյս աչաց իւրոց առնէր։

ԴԱՏԱՒՈՐՔ 5:8

Ցանկացան իբրեւ գարեղէն նկանակի աստուածոց օտարաց սնոտւոց. յայնժամ պատերազմեցան քաղաքք իշխանաց, ծածկութեամբ նորոց գեղարդանց, քառասուն հազար այր՝՝ ի մէջ Իսրայելի։