ՄԱՐԳԱՐԷՈՒԹԻՒՆ ԵՍԱՅԵԱՅ 5:9 - Գրաբար Աստվածաշունչ (1895)

⁹ Նա աւանիկ ազդ եղեւ յականջս Տեառն զօրութեանց այդ ամենայն՝՝. զի եթէ եղիցին տունք բազումք, սակայն յաւեր դարձցին. եւ եթէ մեծամեծք եւ գեղեցիկք իցեն, ոչ ոք իցէ որ բնակիցէ ի նոսա։

ՄԱՐԳԱՐԷՈՒԹԻՒՆ ԵՍԱՅԵԱՅ 5:9 Iomraidhean Croise

ՄՆԱՑՈՐԴԱՑ ԵՐԿՐՈՐԴ 36:21

առ ի լնուլ բանին Տեառն ի բերանոյ Երեմիայի, մինչեւ ընկալաւ երկիրն զշաբաթս իւր. եւ շաբաթանալով զամենայն աւուրս աւերածոյն իւրոյ, շաբաթացաւ ի կատարումն ամացն եւթանասնից։

ԳԻՐՔ ՅՈԲԱՅ 15:28

Բնակեսցէ ի քաղաքս աւերակս, եւ մտցէ ի տունս անշէնս. զոր նոքա պատրաստեցին՝ այլք տարցին՝՝։

ԳԻՐՔ ՅՈԲԱՅ 20:21

եւ մի՛ լիցին մթերք կերակրոց նորա. վասն այնորիկ մի՛ ծաղկեսցեն բարունակք նորա։՝՝

ԱՌԱԿՔ ՍՈՂՈՄՈՆԻ 15:27

Սատակէ զանձն իւր կաշառառուն՝՝, իսկ որ ատեայ զկաշառս՝ կեցցէ։ Ողորմութեամբ եւ հաւատովք՝ սրբին մեղք. երկիւղիւ Տեառն խորշի ամենայն ոք ի չարէ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 22:14

Եւ այն յայտնեալ կայ յականջս Տեառն զօրութեանց. Զի ոչ թողուցուն ձեզ մեղքդ այդոքիկ՝ մինչեւ մեռանիցիք, ասէ Տէր զօրութեանց։

ՄԱՐԳԱՐԷՈՒԹԻՒՆ ԵՍԱՅԵԱՅ 27:10

Եւ որ շէնն մնասցէ՝ եղիցի իբրեւ զհօտ մակաղեալ եւ իբրեւ զխաշն լքեալ, եւ եղիցի բազում ժամանակս յարօտս երէոց, եւ անդ հանգիցեն. եւ յետ բազում ժամանակաց՝ ոչ գտցի ի նմա դեղ դալար, զի ցամաքեցաւ։

ՄԱՐԳԱՐԷՈՒԹԻՒՆ ԵՍԱՅԵԱՅ 5:6

Եւ թողից զայգի իմ՝՝, եւ մի՛ յատցի եւ մի՛ բրեսցի, եւ բուսցի ի նմա փուշ իբրեւ ի խոպանի՝՝. եւ պատուէր տաց ամպոց իմոց՝ զի մի՛ տեղասցեն յայգի իմ։

ՄԱՐԳԱՐԷՈՒԹԻՒՆ ԱՄՈՎՍԱՅ 3:7

Վասն այնորիկ ոչ արասցէ Տէր Աստուած իրս ինչ, եթէ ոչ յայտնեսցէ զխրատն ծառայից իւրոց մարգարէից։

ՄԱՐԳԱՐԷՈՒԹԻՒՆ ԱՄՈՎՍԱՅ 5:11

Վասն այնորիկ փոխանակ զի կռփէիք զաղքատս եւ կաշառս ընտրանաւ առնուիք ի նոցանէն, ապարանս զարդարեալս շինեսջիք, եւ մի՛ բնակեսջիք ի նոսա, այգիս ցանկալիս տնկեսջիք, եւ զգինի նոցա մի՛ արբջիք։

ՄԱՐԳԱՐԷՈՒԹԻՒՆ ԱՄՈՎՍԱՅ 6:11

Եւ նա ասասցէ թէ՝ Ոչ. եւ մի՛ ասասցէ թէ՝ Լուռ լեր. վասն այնորիկ է զի ոչ անուանէին՝՝ զանուն Տեառն։

Մատթեոսի Աւետարան 22:7

Իսկ թագաւորն իբրեւ լուաւ, բարկացաւ, եւ առաքեաց զզօրս իւր եւ սատակեաց զսպանողսն զայնոսիկ, եւ զքաղաքն նոցա այրեաց։

Մատթեոսի Աւետարան 23:38

Ահա թողեալ լիցի ձեզ տունդ ձեր աւերակ։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:4

Ահաւասիկ վարձք մշակաց որ գործեն զանդս ձեր, առ ձեզ են,՝՝ զրկեալն ի ձէնջ, աղաղակէ, եւ բողոք հնձողացն եհաս յականջս Տեառն զօրութեանց։