ՄԱՐԳԱՐԷՈՒԹԻՒՆ ԵՍԱՅԵԱՅ 41:22 - Գրաբար Աստվածաշունչ (1895)

²² Մերձեսցին եւ պատմեսցեն ձեզ որ ինչ անցք անցանելոց իցեն. եւ կամ՝՝ զառաջինսն եթէ զինչ էին՝ ասացէք. ի մտի դիցուք, եւ գիտասցուք զի՛նչ առաջին եւ զի՛նչ առ յապա։

ՄԱՐԳԱՐԷՈՒԹԻՒՆ ԵՍԱՅԵԱՅ 41:22 Iomraidhean Croise

ՄԱՐԳԱՐԷՈՒԹԻՒՆ ԵՍԱՅԵԱՅ 41:26

Ո՞ պատմեսցէ զայն՝ որ ի սկզբանէն է՝՝, զի գիտասցուք. եւ զեւս յառաջագոյնսն, եւ ասասցուք թէ՝ Ճշմարիտ է. չիք որ ասէ յառաջագոյն՝՝, եւ ոչ որ լսէ զբանս ձեր։

ՄԱՐԳԱՐԷՈՒԹԻՒՆ ԵՍԱՅԵԱՅ 42:9

Որ ինչ ի սկզբանէն էր, այն եկն եհաս, եւ զնորս ես պատմեցից ձեզ. եւ մինչչեւ պատմեալ՝ ցուցաւ ձեզ։

ՄԱՐԳԱՐԷՈՒԹԻՒՆ ԵՍԱՅԵԱՅ 44:7

Ո՞վ է իբրեւ զիս, յառաջ կացցէ, ձայն տացէ, պատմեսցէ եւ պատրաստեսցի ինձ՝ յորմէ հետէ արարի զմարդն յաւիտեան. եւ որ ինչ գալոցն իցէ, մինչչեւ եկեալ իցէ պատմեսցեն ձեզ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 45:21

Եթէ պատմեսցեն, աղէ մերձեսցին զի գիտասցեն՝՝ ի միասին. ո՞ լսելի արար զայս ամենայն ի սկզբանէ, եւ յայսմհետէ պատմեցաւ ձեզ. ես եմ Աստուած՝ եւ չիք այլ ոք բաց յինէն.՝՝ արդար եւ փրկիչ, եւ չիք ոք բաց յինէն։

ՄԱՐԳԱՐԷՈՒԹԻՒՆ ԵՍԱՅԵԱՅ 45:22

Դարձարուք առ իս՝ եւ ապրեսջիք որ եկեալդ էք ի ծագաց երկրէ՝՝. ես եմ Աստուած՝ եւ չիք այլ ոք։

ՄԱՐԳԱՐԷՈՒԹԻՒՆ ԵՍԱՅԵԱՅ 46:10

որ պատմիցէ յառաջագոյն զվերջինսն մինչչեւ եղեալ իցեն, եւ միանգամայն կատարեսցին՝՝. եւ ասացի թէ՝ Ամենայն խորհուրդք իմ հաստատեսցին, եւ զամենայն զոր կամիմ արարից,

ՄԱՐԳԱՐԷՈՒԹԻՒՆ ԵՍԱՅԵԱՅ 48:14

Ժողովեսցին ամենեքեան եւ լուիցեն՝ թէ ո՛ պատմեաց նոցա զայն։ Առ սէր քո արարի զկամս քո ի վերայ Բաբելոնի, բառնալ զզաւակն Քաղդէացւոց.

ՄԱՐԳԱՐԷՈՒԹԻՒՆ ԵՍԱՅԵԱՅ 48:3

Զառաջինսն տակաւին պատմեմ, ել ի բերանոյ իմմէ, եւ լսելի եղեւ. յանկարծակի արարի՝ եւ եկն եհաս։

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:19

Յայսմհետէ իսկ ասեմ ձեզ մինչչեւ եղեալ, զի յորժամ լինիցի, հաւատասջիք թէ ես եմ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:14

Նա զիս փառաւորեսցէ, զի յիմմէ անտի առնուցու եւ պատմեսցէ ձեզ։