ՄԱՐԳԱՐԷՈՒԹԻՒՆ ԵՍԱՅԵԱՅ 39:7 - Գրաբար Աստվածաշունչ (1895)

⁷ Եւ յորդւոց քոց որ ելանիցեն ի քէն՝ զորս դուն ծնանիցիս, տարցին եւ արասցեն ներքինիս ի տան թագաւորին Բաբելացւոց։

ՄԱՐԳԱՐԷՈՒԹԻՒՆ ԵՍԱՅԵԱՅ 39:7 Iomraidhean Croise

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:10

Ի ժամանակի յայնմիկ ել Նաբուքոդոնոսոր արքայ՝՝ Բաբելոնի յԵրուսաղէմ, եւ եկն քաղաքն ի պաշարումն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:12

Եւ ել Յովաքին արքայ Յուդայ առ արքայն Բաբելացւոց ինքն եւ ծառայք իւր, եւ մայր իւր եւ իշխանք իւր եւ ներքինիք իւր. եւ առ զնա արքայն Բաբելացւոց, յամի ութերորդի թագաւորութեան իւրոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 24:15

Եւ խաղացոյց զՅովաքին ի Բաբելոն, եւ զմայր թագաւորին եւ զկանայս նորա եւ զներքինիս նորա. եւ զզօրաւորս երկրին վարեաց ի գերութիւն յԵրուսաղեմէ ի Բաբելոն։

ՄՆԱՑՈՐԴԱՑ ԵՐԿՐՈՐԴ 33:11

Եւ ած Տէր ի վերայ նորա զիշխանս զօրու արքային Ասորեստանեայց. կալան զնա եւ կապեցին կապանօք եւ տարան ի Բաբելոն։

ՄՆԱՑՈՐԴԱՑ ԵՐԿՐՈՐԴ 36:10

Եւ ի դառնալ տարւոյն առաքեաց արքայն Նաբուքոդոնոսոր եւ տարաւ զնա ի Բաբելոն, հանդերձ ցանկալի սպասուք տանն Տեառն. եւ թագաւորեցոյց զՍեդեկիաս եղբայր հօր նորա ի վերայ Յուդայ յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 36:20

Եւ գերեաց զմնացորդսն ի Բաբելոն. եւ էին անդ՝ նմա եւ որդւոց նորա ի ծառայութիւն, մինչեւ ի թագաւորութիւնն Մարաց.

ՄԱՐԳԱՐԷՈՒԹԻՒՆ ԵՐԵՄԵԱՅ 39:7

Եւ զաչսն Սեդեկեայ կուրացոյց, եւ կապեաց զնա պղնձի շղթայիւք տանել զնա ի Բաբելոն։