ՄԱՐԳԱՐԷՈՒԹԻՒՆ ԵՍԱՅԵԱՅ 37:4 - Գրաբար Աստվածաշունչ (1895)

⁴ Լուիցէ Տէր Աստուած քո զբանս Ռափսակայ, զոր առաքեաց արքայն Ասորեստանեայց տէրն նորա՝ նախատել զԱստուած կենդանի, եւ նախատել բանիւք զորս լուաւ Տէր Աստուած քո. եւ արդ խնդրեսցես ի Տեառնէ Աստուծոյ քումմէ՝՝ վասն մնացելոցս այսոցիկ։

ՄԱՐԳԱՐԷՈՒԹԻՒՆ ԵՍԱՅԵԱՅ 37:4 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:12

Թերեւս տեսցէ Տէր զտառապանս իմ, եւ հատուսցէ ինձ բարիս փոխանակ անիծից նորա յաւուր յայսմիկ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:18

Եւ բարկացաւ Տէր յոյժ Իսրայելի, եւ մերժեաց զնոսա յերեսաց իւրոց. եւ ոչ մնաց՝ բայց միայն ցեղն Յուդայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:4

Թերեւս լուիցէ Աստուած քո զպատգամս Ռափսակայ, զոր առաքեաց զնա արքայն Ասորեստանեայց տէր իւր նախատել զԱստուած կենդանի եւ հայհոյել բանիւք, զորս լուաւ Տէր Աստուած քո. եւ արասցես աղօթս ի վերայ մնացորդացս որ մնացին։

ՄՆԱՑՈՐԴԱՑ ԵՐԿՐՈՐԴ 28:19

Վասն զի նկուն արար Տէր զՅուդա յաղագս Աքազու արքայի Յուդայ, զի՝՝ ի բաց եկաց ապստամբութեամբ ի Տեառնէ։

ՄՆԱՑՈՐԴԱՑ ԵՐԿՐՈՐԴ 34:21

Երթայք խնդրեցէք ի Տեառնէ վասն իմ եւ վասն ամենեցուն մնացելոցս յԻսրայելէ եւ Յուդայ յաղագս բանից գրոցդ այդոցիկ որք գտան. վասն զի մեծ սրտմտութիւն Տեառն բորբոքեալ է ի մեզ. զի ոչ լուան հարքն մեր զբանս Տեառն առնել ըստ ամենայնի որ ինչ գրեալ է ի գիրսդ յայդոսիկ։

ԳԻՐՔ ՍԱՂՄՈՍԱՑ 106:23

Ոյք իջանէին ի ծով նաւովք, եւ առնէին զգործս ի ջուրս բազումս։

ԳԻՐՔ ՍԱՂՄՈՍԱՑ 50:21

Յայնժամ հաճեսցիս ընդ պատարագս արդարութեան, ուխտից պատարագս՝՝ հանցեն ի սեղան քո զուարակս։

ՄԱՐԳԱՐԷՈՒԹԻՒՆ ԵՍԱՅԵԱՅ 1:8

Լքեալ թողցի դուստր Սիոնի իբրեւ զտաղաւար յայգւոջ, եւ իբրեւ զհովանի մրգապահաց ի մէջ սեխենեաց, եւ իբրեւ զքաղաք պաշարեալ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:9

Եւ եթէ ոչ Տեառն զօրութեանց թողեալ էր մեզ զաւակ՝ իբրեւ զՍոդոմ լինէաք, եւ Գոմորայ նմանէաք։

ՄԱՐԳԱՐԷՈՒԹԻՒՆ ԵՍԱՅԵԱՅ 10:20

Եւ եղիցի յաւուր յայնմիկ ոչ եւս յաւելցին մնացորդքն Իսրայելի եւ ապրեալքն Յակոբայ, եւ ոչ եւս ապաստան լինիցին՝՝ ի զրկիչսն իւրեանց, այլ եղիցին ապաստան յԱստուած ի Սուրբն Իսրայելի ճշմարտութեամբ։

ՄԱՐԳԱՐԷՈՒԹԻՒՆ ԵՍԱՅԵԱՅ 10:22

Եւ եթէ եղիցի ժողովուրդն Իսրայելի իբրեւ զաւազ ծովու, սակաւ ինչ մնացորդք մնասցեն ի նոցանէ.

ՄԱՐԳԱՐԷՈՒԹԻՒՆ ԵՍԱՅԵԱՅ 11:11

Եւ եղիցի յաւուր յայնմիկ՝ յաւելցէ Տէր ցուցանել զձեռն իւր, նախանձելիս առնել՝՝ զմնացորդս ժողովրդեան իւրոյ՝ որ մնացեալ իցեն յԱսորեստանեայց եւ յԵգիպտացւոց եւ ի Բաբելացւոց եւ յԵթովպացւոց եւ յԵղամացւոց եւ յելիցն արեւու եւ յԱրաբացւոց՝՝ եւ ի կղզեաց ծովու։

ՄԱՐԳԱՐԷՈՒԹԻՒՆ ԵՍԱՅԵԱՅ 36:13

Յոտն եկաց Ռափսակ եւ աղաղակեաց ի ձայն մեծ Հրեարէն՝ եւ ասէ. Լուարուք զպատգամս թագաւորին մեծի արքային Ասորեստանեայց.

ՄԱՐԳԱՐԷՈՒԹԻՒՆ ԵՍԱՅԵԱՅ 36:18

Մի՛ խաբեսցէ զձեզ Եզեկիա՝ եւ ասասցէ թէ Աստուած փրկէ զձեզ՝՝. միթէ փրկեցի՞ն աստուածք ազգացն զիւրաքանչիւր երկիր ի ձեռաց արքային Ասորեստանեայց։

ՄԱՐԳԱՐԷՈՒԹԻՒՆ ԵՍԱՅԵԱՅ 36:20

Ո՞ ոք յաստուածոց ամենայն ազգացն այնոցիկ կարաց փրկել զերկիր իւր ի ձեռաց իմոց, զի եւ ձեր Աստուածդ՝՝ փրկեսցէ զԵրուսաղէմ ի ձեռաց իմոց։

ՄԱՐԳԱՐԷՈՒԹԻՒՆ ԵՍԱՅԵԱՅ 37:17

Խոնարհեցո, Տէր, զունկն քո եւ լուր. բաց, Տէր, զաչս քո. նայեաց, Տէր, լուր, Տէր, եւ տես՝՝ զպատգամս զոր առաքեաց Սենեքերիմ արքայ Ասորեստանեայց նախատել զԱստուած կենդանի։

ՄԱՐԳԱՐԷՈՒԹԻՒՆ ԵՍԱՅԵԱՅ 37:31

Եւ եղիցին մնացորդքն Հրէաստանի արձակել արմատս ի խոնարհ, եւ տալ պտուղ ի վեր։

ՄԱՐԳԱՐԷՈՒԹԻՒՆ ԵՍԱՅԵԱՅ 37:32

Զի յԵրուսաղէմ եղիցին մնացեալք, եւ ի լերին Սիոնի ապրեալք. զի նախանձ Տեառն զօրութեանց արար զայս։

ՄԱՐԳԱՐԷՈՒԹԻՒՆ ԵՍԱՅԵԱՅ 37:5

Եւ եկին ծառայքն Եզեկեայ արքայի առ Եսայի։

ՄԱՐԳԱՐԷՈՒԹԻՒՆ ԵՍԱՅԵԱՅ 41:14

Մի՛ երկնչիր, որդնդ Յակոբեան, զածածդ Իսրայելեան. ես օգնեցի քեզ, ասէ Աստուած, որ փրկելոցն է զքեզ՝ Սուրբն Իսրայելի։

ՄԱՐԳԱՐԷՈՒԹԻՒՆ ԵՍԱՅԵԱՅ 46:3

Լուարուք ինձ, տունդ Յակոբայ, եւ ամենայն մնացեալքդ Իսրայելի, ընտրեալքդ յորովայնէ՝ եւ խրատեալք ի մանկութենէ մինչեւ ցծերութիւն,

ՄԱՐԳԱՐԷՈՒԹԻՒՆ ԵՐԵՄԵԱՅ 26:19

Միթէ սպանանելով սպա՞ն զնա Եզեկիա արքայ Յուդայ եւ ամենայն Հրէաստան. ո՞չ ապաքէն զահի հարան ի Տեառնէ, եւ խնդրեցին յերեսաց՝՝ Տեառն. եւ դադարեաց Տէր յամենայն չարեացն զոր խօսեցաւ ի վերայ նոցա. եւ մեք արարաք չարիս մեծամեծ յանձինս մեր։

ՄԱՐԳԱՐԷՈՒԹԻՒՆ ԵՐԵՄԵԱՅ 42:2

եւ ասեն ցԵրեմիա մարգարէ. Անկցի գութ մեր առաջի երեսաց քոց, եւ կաց յաղօթս վասն մեր առ Տէր Աստուած քո վասն մնացորդացս այսոցիկ. զի մնացաք սակաւք ի բազմաց, որպէս քո աչք տեսանեն զմեզ.

ՄԱՐԳԱՐԷՈՒԹԻՒՆ ՅՈՎԵԼԱՅ 2:17

Ընդ աստիճանս եւ ընդ սեղանն լացցեն քահանայք եւ պաշտօնեայք Տեառն, եւ ասասցեն. Խնայեա. Տէր, ի ժողովուրդս քո, եւ մի՛ տար զժառանգութիւն քո ի նախատինս՝ տիրել ի վերայ նորա ազգաց. զի մի՛ ասասցեն ի հեթանոսս թէ՝ Ո՞ւր է Աստուած նոցա։

ՄԱՐԳԱՐԷՈՒԹԻՒՆ ԱՄՈՎՍԱՅ 5:15

թէ՝ Ատեցաք զչարիս, եւ սիրեցաք՝՝ զբարիս. հաստատեցէք զիրաւունս ի դրունս ձեր, զի ողորմեսցի Տէր Աստուած՝՝ մնացորդաց Յովսեփայ։

ՄԱՐԳԱՐԷՈՒԹԻՒՆ ԱՄՈՎՍԱՅ 7:2

Եւ եղիցի եթէ վախճանեսցէ ուտել՝՝ զխոտ երկրին. եւ ասեմ. Տէր Տէր՝՝, խնայեա. քանզի ո՞վ իցէ որ կանգնեսցէ զՅակոբ, զի սակաւաւոր է։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:27

Եսայի աղաղակէ վասն Իսրայելի. Եթէ իցէ թիւ որդւոցն Իսրայելի իբրեւ զաւազ ծովու՝ սակաւ ինչ մնացորդք մնասցեն՝՝։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:16

Խոստովան եղերուք միմեանց զմեղս, եւ աղօթս արարէք ի վերայ միմեանց որպէս զի բժշկեսջիք. քանզի յոյժ զօրաւոր են աղօթք արդարոյ յօգնականութիւն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:12

Եւ այժմ խնդրեմ ի քէն զլեառնն զայն, որպէս ասաց Տէր յաւուր յայնմիկ. զի դու ինքնին լուար զբանս զայս յաւուր յայնմիկ. եւ արդ աւանիկ Ենակիմք են անդ, եւ քաղաքք ամուրք եւ մեծամեծք. արդ եթէ Տէր ընդ իս է,՝՝ սատակեցից զնոսա, որպէս ասաց ինձ Տէր։

ԹԱԳԱՒՈՐՈՒԹԵԱՆՑ ԱՌԱՋԻՆ 12:19

Եւ ասէ ամենայն ժողովուրդն ցՍամուէլ. Կաց յաղօթս առ Տէր Աստուած քո վասն ծառայից քոց, եւ մի՛ մեռցուք. զի յաւելաք յամենայն մեղս մեր եւ ի չարիս, եւ խնդրեցաք մեզ թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 12:23

Եւ ինձ քաւ լիցի մեղանչել Տեառն, հեղգալ առ ի չառնելոյ աղօթս վասն ձեր. եւ ծառայեցէք Տեառն,՝՝ եւ ցուցից ձեզ զճանապարհն զբարի եւ զուղիղ։

ԹԱԳԱՒՈՐՈՒԹԵԱՆՑ ԱՌԱՋԻՆ 14:6

Եւ ասէ Յովնաթան ցպատանին ցկապարճակիրն իւր. Եկ անցցուք ի կիրճս անթլփատիցն այնոցիկ, թերեւս արասցէ ինչ մեզ Տէր. զի ոչինչ է խտիր Տեառն ապրեցուցանել բազմօք կամ սակաւուք։

ԹԱԳԱՒՈՐՈՒԹԵԱՆՑ ԱՌԱՋԻՆ 17:26

Եւ խօսեցաւ Դաւիթ ընդ արսն որ շուրջ կային զնովաւ եւ ասէ. Զի՞նչ առնիցի առն որ հարկանիցէ զայլազգին զայն, եւ բառնայցէ զնախատինս յԻսրայելէ. զի զի՞նչ է այլազգին այն անթլփատ, զի նախատեաց զճակատս Աստուծոյ կենդանւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:36

Զառեւծ եւ զարջ սատակէր ծառայ քո. եւ եղիցի այլազգին անթլփատ իբրեւ զմի ի նոցանէն. եւ արդ ո՞չ երթայց սատակեցից զնա, եւ բարձից այսօր զնախատինս յԻսրայելէ, զի ո՞ ոք է այն անթլփատ որ՝՝ նախատեաց զբանակս Աստուծոյ կենդանւոյ։

ԹԱԳԱՒՈՐՈՒԹԵԱՆՑ ԱՌԱՋԻՆ 7:8

Եւ ասեն որդիքն Իսրայելի ցՍամուէլ. Մի՛ դադարեր ի գոչելոյ վասն մեր առ Տէր Աստուած քո, եւ փրկեսցէ զմեզ ի ձեռաց այլազգեացն։