ՄԱՐԳԱՐԷՈՒԹԻՒՆ ԵՍԱՅԵԱՅ 26:17 - Գրաբար Աստվածաշունչ (1895)

¹⁷ որպէս որ երկնիցէն մերձ ի ծնանել, եւ առ ցաւս իւր ճչիցէ. այնպէս եղեաք սիրելւոյն քում. վասն երկիւղի քոյ, Տէր։

ՄԱՐԳԱՐԷՈՒԹԻՒՆ ԵՍԱՅԵԱՅ 26:17 Iomraidhean Croise

ԾՆՈՒՆԴՔ 3:16

Եւ ցկինն ասէ. Բազմացուցանելով բազմացուցից զտրտմութիւնս քո եւ զհեծութիւնս քո. տրտմութեամբ ծնցես որդիս, եւ առ այր քո դարձ քո, եւ նա տիրեսցէ քեզ։

ԳԻՐՔ ՍԱՂՄՈՍԱՑ 48:6

Ընդէ՞ր բնաւ երկնչիմ ես յաւուր չարի. զի անօրէնութիւնք գնացից իմոց շուրջ եղեն զինեւ։

ՄԱՐԳԱՐԷՈՒԹԻՒՆ ԵՍԱՅԵԱՅ 13:8

Խռովեսցին հրեշտակք, եւ՝՝ երկունք կալցին զնոսա իբրեւ զկանայս ծննդականս. փռնկայցեն այր ընդ ընկերի՝ եւ զայրասցին, եւ զդէմս իւրեանց ի բոցագոյն դարձուսցեն՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 21:3

Վասն այսորիկ լցաւ մէջ իմ դողութեամբ, եւ երկունք կալան զիս իբրեւ զծննդական. պնդեցայ՝ զի մի՛ լուայց, փութացայ՝ զի մի՛ տեսից։

ՄԱՐԳԱՐԷՈՒԹԻՒՆ ԵՍԱՅԵԱՅ 37:3

Եւ ասեն ցնա. Այսպէս ասէ Եզեկիա. Այսօր է օր նեղութեան եւ նախատանաց եւ կշտամբութեան եւ բարկութեան՝՝, յորում աւուր հասեալ են երկունք ծննդականի՝ եւ ոչ կարէ ծնանել։

ՄԱՐԳԱՐԷՈՒԹԻՒՆ ԵՐԵՄԵԱՅ 30:6

Հարցէք եւ տեսէք, եթէ ծնա՞ւ երբեք արու. զի տեսի զամենայն այր եւ ձեռք իւր ի վերայ միջոյ իւրոյ իբրեւ ծննդականի, եւ դարձան երեսք ամենայն ի գոյն դալկան։

ՄԱՐԳԱՐԷՈՒԹԻՒՆ ԵՐԵՄԵԱՅ 4:31

Զի զձայն իբրեւ զերկանց անդրանկածնի լուայ զհեծութեան քո. ձայն դստեր Սիոնի մեղկասցի, եւ լքցէ զձեռս իւր.՝՝ Վա՜յ ինձ, զի պակասեաց անձն իմ ի վերայ սպանելոցն։

ՄԱՐԳԱՐԷՈՒԹԻՒՆ ԵՐԵՄԵԱՅ 6:24

Լուաք զլուր նոցա. եւ լքան ձեռք մեր, նեղութիւնք կալան զմեզ իբրեւ երկունք ծննդականի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:21

Կին յորժամ ծնանիցի, տրտմութիւն է նմա, զի հասեալ է ժամ նորա. այլ յորժամ ծնցի զմանուկն, ոչ եւս յիշէ զնեղութիւնն վասն խնդութեանն, զի ծնաւ մարդ յաշխարհ։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 5:3

Յորժամ ասիցեն թէ խաղաղութիւն եւ շինութիւն է, յայնժամ յանկարծակի հասցէ նոցա սատակումն, որպէս երկն յղւոյ, եւ մի՛ ապրեսցեն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 12:2

Եւ էր յղի, եւ ճչէր յերկնելն, եւ բազում վշտօք մերձ էր ի ծնանել։