ՄԱՐԳԱՐԷՈՒԹԻՒՆ ԵՍԱՅԵԱՅ 16:8 - Գրաբար Աստվածաշունչ (1895)

⁸ Դաշտքն Եսեբոնայ սուգ առցեն, եւ այգիքն Սեբիմայ որ կլանէին զազգս. կոխեցէք զայգիս նորա մինչեւ Յազեր՝ եւ մի՛ հասջիք. մոլորեցայք յանապատի. առաքեալք նորա լքան, քանզի անցին ընդ ծովն։

ՄԱՐԳԱՐԷՈՒԹԻՒՆ ԵՍԱՅԵԱՅ 16:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:21

Լերինք Գեղբուայ, մի՛ իջցէ ի ձեզ ցօղ, եւ մի՛ եկեսցէ ի վերայ ձեր անձրեւ, անդաստանք պտղոց, զի անդ ապականեցաւ ասպար զօրաւորաց. վահանն Սաւուղայ ոչ օծաւ իւղով։

ՄԱՐԳԱՐԷՈՒԹԻՒՆ ԵՍԱՅԵԱՅ 10:7

Իսկ նա ոչ այսպէս ած զմտաւ, եւ ոչ այսպէս համարեցաւ յանձին, այլ դարձոյց զմիտս իւր սատակել զազգս ոչ սակաւս։

ՄԱՐԳԱՐԷՈՒԹԻՒՆ ԵՍԱՅԵԱՅ 15:4

Զի գուժեաց Եսեբոն, եւ Եղէաղէ. մինչեւ Յասսա լսելի եղեն ձայնք նոցա. վասն այսորիկ երկար Մովաբացւոյն գոչէ, եւ անձն իւր ծանիցէ.

ՄԱՐԳԱՐԷՈՒԹԻՒՆ ԵՍԱՅԵԱՅ 16:9

Վասն այսորիկ լացից իբրեւ զլալիւնն Յազերայ զայգիս Սեբիմայ, զծառատունկն քո կոտորեաց Եսեբոն եւ Եղէիղա. զի զհունձս քո եւ զկութս քո կոխեցից, եւ ամենեքեան կործանեսցին։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 24:7

Սուգ առցէ գինի, սուգ առցէ այգի, յոգւոց հանցեն ամենայն խրախճանք յանձինս իւրեանց։

ՄԱՐԳԱՐԷՈՒԹԻՒՆ ԵՐԵՄԵԱՅ 48:32

Իբրեւ զլալիւնն Յազերայ լացցուք զքեզ, այգիդ Սաբեմայ, բարունակք քո ձգեցան ընդ ծով, քաղաքք Յազերայ հասին. ի վերայ մրգոց քոց եւ ի վերայ կթոց քոց եհաս սատակումն։

ԹԻՒՔ 21:32

Եւ առաքեաց Մովսէս լրտեսել զՅազեր. եւ առին զնա եւ զաւանս նորա, եւ հանին զԱմովրհացին որ բնակեալ էր ի նմա։

ԹԻՒՔ 32:3

Ատարովթ եւ Դեբոն եւ Յազեր եւ Նեմբրա եւ Եսեբոն եւ Եղէաղէ եւ Սեբամա եւ Նաբաւ եւ Բէան,

ԹԻՒՔ 32:35

եւ զՍոփար եւ զՅազեր, եւ բարձրացուցին զնոսա՝՝,

ԹԻՒՔ 32:38

եւ զԲէեղմէովն, շուրջ ամրացուցեալս,՝՝ եւ զՍեբամայ. եւ անուանեցին ըստ անուանց իւրեանց զանուանս քաղաքացն զոր շինեցին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:19

եւ զԿարիաթեմ եւ զՍեբամա եւ զՍարեթ եւ զՍիովր ի լերինն Ենակայ,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:25

Եւ եղեն նոցա սահմանք Յազերայ, եւ ամենայն քաղաքք Գաղաադու. եւ կէս երկրի որդւոցն Ամովնայ մինչեւ ցԱրոյէր որ է յանդիման Ռաբաբայ,