Biblia Todo Logo
Bìoball air-loidhne

- Sanasan -




ՄԱՐԳԱՐԷՈՒԹԻՒՆ ՈՎՍԵԱՅ 5:5 - Գրաբար Աստվածաշունչ (1895)

5 Եւ խոնարհեսցի հպարտութիւն Իսրայելի յերեսս նորա. եւ Իսրայէլ եւ Եփրեմ տկարասցին յանօրէնութիւնս իւրեանց, տկարասցի եւ Յուդա ընդ նոսա։

Faic an caibideil Dèan lethbhreac




ՄԱՐԳԱՐԷՈՒԹԻՒՆ ՈՎՍԵԱՅ 5:5
25 Iomraidhean Croise  

Որ ձեռներէց լինի տարապարտուց, առանց պատժի ոչ լիցի. իսկ որ սերմանէ զարդարութիւն, ընկալցի վարձ հաւատարիմ։՝՝


Արդարութիւն ամբծի ուղղէ զճանապարհս, եւ յամպարշտութիւն անկանի անիրաւն։


Չարեօք իւրովք մերժի ամպարիշտն. եւ որ յուսայ յանձին սրբութիւն՝ արդար է։


Զի եթէ եւթն անգամ անկանիցի արդարն՝ կանգնեսցի. իսկ ամպարիշտք տկարասցին ի չարիս։


Ծնունդ չար՝՝ ամբարտաւան աչս ունի, եւ յարտեւանունս իւր հպարտանայ։


Զի լքաւ Երուսաղէմ, եւ Հրէաստան կործանեցաւ. եւ լեզուք նոցա անօրէնութեամբք ի Տեառնէ ապստամբեցին։


Վասն որոյ խոնարհեցան փառք նոցա, եւ ամօթ երեսաց նոցա ծածկեաց զնոսա,՝՝ եւ զմեղս իւրեանց իբրեւ զՍոդոմացւոցն պատմեցին եւ յայտ արարին. վա՜յ անձանց նոցա՝ զի խորհեցան խորհուրդ չար առանձինն,


Եւ յայնժամ իսկ ոչ ինչ էին ամենեքեան որ ստեղծանէին եւ դրօշէին զսնոտիսն, որ առնէին ըստ ցանկութեան իւրեանց, որք ոչ օգնիցեն նոցա. եւ վկայք դուք էք նոցա. զի ոչ տեսանեն եւ ոչ իմանան։


Զի բազում են անօրէնութիւնք մեր առաջի քո, եւ մեղք մեր հակառակ կացին մեզ. զի անօրէնութիւնք մեր ի մեզ են, եւ զանիրաւութիւնս մեր՝ մեք մեզէն գիտեմք։


Եթէ մեղք մեր հակառակ կացին մեզ, դու, Տէր, արա վասն անուանդ քո. զի բազում են մեղք մեր առաջի քո. քեզ մեղաք։


Խրատեսցէ զքեզ ապստամբութիւնդ քո, եւ չարիք՝՝ քո կշտամբեսցեն զքեզ. եւ ծանիցես եւ տեսցես, թէ չար եւ դառն է քեզ թողուլն զիս, ասէ Տէր Աստուած քո. եւ ոչ հաճեցայ ընդ քեզ, ասէ Տէր Աստուած քո՝՝։


Ապականեսցի Շամրին, զի ընդդէմ դարձաւ Աստուծոյ իւրոյ. ի սուր անկցին, եւ ստնդիացք նոցա զքարի հարցին, եւ յղիք նոցա պայթեսցեն։


Դարձ, Իսրայէլ, առ Տէր Աստուած քո, զի տկարացար յանօրէնութիւնս քո։


Եւ տկարասցին ի տուէ, եւ տկարասցի եւ մարգարէն ընդ քեզ. գիշերոյ նմանեցուցի զմայրն քո։


Զի ես եմ իբրեւ յովազ ի վերայ Եփրեմի, եւ իբրեւ զառեւծ ի վերայ տանն Յուդայ. եւ յարձակեցայց եւ յափշտակեցից զնոսա. առից՝՝, եւ ոչ ոք իցէ որ փրկիցէ։


Եւ խոնարհեսցի հպարտութիւնն Իսրայելի յերեսս նորա. եւ ոչ դարձան առ Տէր Աստուած իւրեանց, եւ ոչ խնդրեցին զնա յամենայնի յայսմիկ։


Զի մոռացաւ Իսրայէլ զԱրարիչ իւր, եւ շինեցին մեհեանս, եւ յաճախեաց Յուդա քաղաքս պարսպաւորս. եւ առաքեցից հուր ի քաղաքս նորա, եւ կերիցէ զհիմունս նոցա՝՝։


Անկաւ տունդ Իսրայելի՝՝, եւ ոչ եւս յաւելուցու յառնել կոյսն Իսրայելի. կործանեցաւ յերկրի իւրում, եւ չիք ոք որ կանգնիցէ զնա։


Ապա ուրեմն վկայէք զանձանց, եթէ որդիք էք այնոցիկ որ կոտորէին զմարգարէսն։


Եւ ասէ ցնա. Ի բերանոյ քումմէ դատեցայց զքեզ, ծառայ անհաւատ. գիտէիր թէ ես այր մի ստամբակ եմ, բառնամ զոր ոչ եդի, հնձեմ ուր ոչ սերմանեցի.


Lean sinn:

Sanasan


Sanasan