Biblia Todo Logo
Bìoball air-loidhne

- Sanasan -




ՄԱՐԳԱՐԷՈՒԹԻՒՆ ՈՎՍԵԱՅ 14:3 - Գրաբար Աստվածաշունչ (1895)

3 Առէք ընդ ձեզ բանս, եւ դարձարուք առ Տէր Աստուած ձեր՝՝, եւ ասացէք ցնա. Կարող ես թողուլ զմեղս մեր, զի մի՛ առնուցուք անիրաւութիւն, այլ ընդունիցիք զբարիս՝՝, եւ հատուսցուք զպտուղ շրթանց մերոց եւ վայելեսցեն ի բարութեան սիրտք ձեր՝՝։

Faic an caibideil Dèan lethbhreac




ՄԱՐԳԱՐԷՈՒԹԻՒՆ ՈՎՍԵԱՅ 14:3
36 Iomraidhean Croise  

Ի ժամանակին յայնմ եկն Անանիաս մարգարէ առ Ասա արքայ Յուդայ եւ ասէ ցնա. Վասն զի յուսացար դու յարքայն Ասորեաց եւ ոչ յուսացար ի Տէր Աստուած քո, յաղագս այնորիկ ապրեցաւ զօր արքային Իսրայելի ի ձեռաց քոց։


Բժշկէ զբեկեալ սիրտս, եւ պատէ զամենայն վէրս նոցա։


այն որ տայ անասնոց զկերակուր իւրեանց, ձագուց ագռաւուց՝ որ կարդան առ նա։


Երեսք Տեառն ի վերայ չարագործաց, սատակել յերկրէ զյիշատակս նոցա։


Բազում եղեն քան զհեր գլխոյ իմոյ ոյք ատէին զիս ի տարապարտուց. զօրացան յիս թշնամիք իմ եւ ատելիք իմ ի նանիր. ինչ զոր ոչ յափշտակեալ էր՝ տուժէի նոցա։


Քանզի արդ ամաչեսցեն ի կուռս իւրեանց ընդ որս ինքեանք հաճեալ էին, եւ զգեցցին զամօթ ի դրօշեալս իւրեանց զորս ինքեանքն արարին, եւ ամաչեսցեն ի պարտէզս իւրեանց որոց ցանկացան։


Զի յաւուր յայնմիկ հանցէ՝՝ մարդ զգարշելիս իւր զարծաթեղէնս եւ զոսկեղէնս՝ զոր արարին երկիր պագանել՝ սնոտեացն եւ չղջիկանաց.


Վասն այսորիկ բարձցի անօրէնութիւն Յակոբայ. եւ այս է օրհնութիւն նորա, յորժամ բարձից ի նմանէ զմեղս նորա. ի ժամանակի յորում մանրեսցեն իբրեւ զփոշի մանր՝ զամենայն քարինս մեհենաց քոց. եւ մի՛ եւս մնասցեն գործք պաշտամանցն նոցա, այլ կոտորեսցին իբրեւ զմայրի փայտահարաց։


այլ ասէիք. Երիվարօք մերովք՝՝ փախիցուք. վասն այսորիկ փախստականք լինիցիք. եւ ասիցէք. Երագ երիվարօք մերովք փախիցուք. վասն այսորիկ երագագոյնք քան զձեզ՝՝ եղիցին որ հալածենն զձեզ։


որ գնայիք իջանել յերկիրն Եգիպտացւոց, եւ զիս ոչ հարցանէիք. գտանել օգնականութիւն ի փարաւոնէ, եւ թիկունս առնել զԵգիպտացիսն։


Վա՜յ ոյք իջանեն յԵգիպտոս վասն օգնականութեան. որ ի հեծեալս՝՝ եւ ի կառս յուսացեալ իցեն՝ թէ բազումք են, եւ բազմութիւն երիվարաց՝՝ յոյժ. եւ ոչ էին յուսացեալ ի Սուրբն Իսրայելի, եւ զԱստուած ոչ խնդրեցին։


յայր Եգիպտացի՝ եւ ոչ յԱստուած, ի մարմինս երիվարաց՝ եւ ոչ գոյր օգնականութիւն՝՝. այլ Տէր արկցէ ի վերայ նոցա զձեռն իւր, եւ տաժանեսցին օգնականքն, եւ կործանեսցին օգնեալքն ի նոցանէն. եւ առ հասարակ ամենեքեան սատակեսցին։


Այլ արդ եկայք խառնեցարուք՝՝ ընդ տեառն իմում արքային Ասորեստանեայց, եւ տաց ձեզ երկուս հազարս երիվարաց, եթէ կարիցէք տալ հեծեալս ի վերայ նոցա։


եւ չիք մնալ որբոյն քում թէ կեցցէ, եւ այրիք նոցա յիս յուսացան։՝՝


Եւ ցանեցից ի վերայ ձեր ջուր սուրբ, եւ սրբեսջիք. յամենայն պղծութեանց ձերոց, եւ յամենայն կռոց ձերոց սրբեցից զձեզ.


Զի մի՛ եւս պղծեսցին ի կուռս իւրեանց եւ ի գարշելիս իւրեանց եւ յամենայն ամպարշտութիւնս իւրեանց. եւ փրկեցից զդոսա յամենայն անօրէնութեանց դոցա զոր՝՝ մեղան ի նոսա, եւ սրբեցից զդոսա, եւ եղիցին ինձ ի ժողովուրդ, եւ ես եղէց դոցա յԱստուած։


Այլ Եփրեմ այս չար՝՝, զհետ եղեւ խորշակի. զօրհանապազ զնանրութիւն եւ զսնոտիս յաճախեաց. եդ ուխտ ընդ Ասորեստանեայս, եւ եւղ յԵգիպտոս տանէր։


Եւ արդ դարձեալ յաւելին ի մեղանչել, եւ արարին իւրեանց ձուլածոյս յարծաթոյ իւրեանց, ի նմանութիւն պատկերի կռոց, գործ ճարտարաց՝ նուիրել նոցա. եւ նոքա ասեն. Զոհեցէք մարդիկ, զի պակասեցին որթք՝՝։


Դարձցին եւ նստցին ընդ յարկաւ նորա, կեցցեն եւ հաստատեսցին ցորենով. եւ ծաղկեսցէ՝՝ իբրեւ զորթ. յիշատակ նորա իբրեւ զգինի Լիբանանու եղիցի։ Եփրեմայ՝


Եւ բարձից զանուանս Բահաղիմայ ի բերանոյ նորա, եւ մի՛ եւս յիշեսցին անուանք նոցա։


Ի քուեայս հարցանէին, եւ գաւազանօք նորա պատմէին նմա.՝՝ այսով պոռնկութեան մոլորեցան, եւ պոռնկեցան յԱստուծոյ իւրեանց։


Ետես Եփրեմ զախտ իւր, եւ Յուդա զցաւս իւր, եւ գնաց Եփրեմ առ Ասորեստանեայս, եւ առաքեաց հրեշտակս առ արքայն Յարիմայ. եւ նա ոչ կարաց փրկել զձեզ, եւ ոչ հանգուցանել զձեզ ի ցաւոց։


Եւ էր Եփրեմ իբրեւ զաղաւնի անմիտ՝ որոյ ոչ իցէ սիրտ. յԵգիպտոս խրախուսէին, եւ առ Ասորեստանեայս գնացին։


Եւ՝՝ զայն հիւսն գործեաց, եւ ոչ Աստուած. քանզի մոլորեցուցիչ է՝՝ որթն քո, Շամրին։


Զի գնացին առ Ասորեստանեայս. զուարթացաւ առանձինն Եփրեմ, սիրեաց զկաշառս։


Այլ ես ի ձայն օրհնութեան եւ խոստովանութեան՝՝ մատուցից քեզ պատարագ, զոր ուխտեցի, եւ հատուցից փրկութեան Տեառն՝՝։


Եւ եղիցի յաւուր յայնմիկ բարձցէ Տէր՝՝ զանուանս կռոց յերկրէ, եւ ոչ եւս եղիցի յիշատակ նոցա. եւ զսուտ մարգարէսն եւ զայսս պիղծս բարձից յերկրէ։


Ոչ թողից զձեզ որբս, գամ առ ձեզ։


Զի մի՛ յաճախեսցէ իւր երիվարս, եւ մի՛ դարձուսցէ զժողովուրդն յԵգիպտոս. զի Տէր ասաց, թէ՝ Մի՛ եւս յաւելուցուք դառնալ ընդ նոյն ճանապարհ։


Lean sinn:

Sanasan


Sanasan