ԱՌ ԵԲՐԱՅԵՑԻՍ ԹՈՒՂԹ 2:4 - Գրաբար Աստվածաշունչ (1895)

⁴ վկայեալ յԱստուծոյ նշանօք եւ արուեստիւք եւ պէսպէս զօրութեամբք եւ մասամբք Հոգւոյն Սրբոյ ըստ իւրոց կամաց։

ԱՌ ԵԲՐԱՅԵՑԻՍ ԹՈՒՂԹ 2:4 Iomraidhean Croise

ԱՒԵՏԱՐԱՆ ԸՍՏ ՄԱՐԿՈՍԻ 16:20

Եւ նոքա ելեալ քարոզէին ընդ ամենայն երկիր Տեառն գործակցութեամբ, եւ զբանն հաստատէին ամենայն նշանօք որ երթայր զհետ նոցա։

ԱՒԵՏԱՐԱՆ ԸՍՏ ՄԱՐԿՈՍԻ 6:14

Եւ լուաւ արքայ Հերովդէս, քանզի յայտնի եղեւ անուն նորա, եւ ասէր թէ Յովհաննէս մկրտիչ յարեաւ ի մեռելոց, եւ վասն այնորիկ զօրութիւնք լինին նովաւ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 15:26

Բայց յորժամ եկեսցէ Մխիթարիչն զոր ես առաքեցից ձեզ ի Հօրէ, զՀոգին ճշմարտութեան որ ի Հօրէ ելանէ, նա վկայեսցէ վասն իմ.

ԱՒԵՏԱՐԱՆ ԸՍՏ ՅՈՎՀԱՆՆՈՒ 4:48

Ասէ ցնա Յիսուս. Եթէ ոչ նշանս ինչ եւ արուեստս տեսանէք, ոչ հաւատայք։

ԳՈՐԾՔ ԱՌԱՔԵԼՈՑ 14:3

Բազում ժամանակս շրջէին, համարձակեալք Տեառն վկայութեամբ, բանի շնորհաց իւրոց, եւ տալ՝՝ նշանս եւ արուեստս լինելոյ ի ձեռս նոցա։

ԳՈՐԾՔ ԱՌԱՔԵԼՈՑ 4:10

Յայտնի լիցի ամենեցուն ձեզ եւ ամենայն ժողովրդեանդ Իսրայելի, զի յանուն Յիսուսի Քրիստոսի Նազովրեցւոյ զոր դուքն խաչեցէք, զոր Աստուած յարոյց ի մեռելոց, նովաւ սա կայ աւասիկ առաջի ձեր ողջացեալ։

ԳՈՐԾՔ ԱՌԱՔԵԼՈՑ 5:32

Եւ մեք եմք նորա վկայք բանիցս այսոցիկ, եւ Հոգին Սուրբ զոր ետ Աստուած հնազանդելոց իւրոց։

ԱՌ ԵՓԵՍԱՑԻՍ ԹՈՒՂԹ 1:5

Յառաջագոյն սահմանեաց զմեզ յորդեգրութիւն ի ձեռն Յիսուսի Քրիստոսի ի նոյն՝ ըստ հաճութեան կամաց իւրոց,

ԱՌ ԵՓԵՍԱՑԻՍ ԹՈՒՂԹ 1:9

Եցոյց մեզ զխորհուրդս կամաց իւրոց ըստ հաճութեան իւրում, զոր յառաջագոյն եդ նովաւ,

ԱՌ ԵՓԵՍԱՑԻՍ ԹՈՒՂԹ 4:7

Այլ իւրաքանչիւր ումեք ի մէնջ տուեալ են շնորհք ըստ չափոյ պարգեւացն Քրիստոսի։

ԱՌ ԵԲՐԱՅԵՑԻՍ ԹՈՒՂԹ 6:4

Քանզի անհնար է միանգամ մկրտելոցն որ ճաշակեցին յերկնաւոր պարգեւացն, եւ հաղորդք եղեն Հոգւոյն Սրբոյ,