ԱՌ ԵԲՐԱՅԵՑԻՍ ԹՈՒՂԹ 2:2 - Գրաբար Աստվածաշունչ (1895)

² Զի եթէ որ ի ձեռն հրեշտակաց խօսեցաւ բանն՝ հաստատուն եղեւ, եւ ամենայն յանցաւորութիւն եւ անհնազանդութիւն ընկալաւ զպատիժ պատուհասի,

ԱՌ ԵԲՐԱՅԵՑԻՍ ԹՈՒՂԹ 2:2 Iomraidhean Croise

ԳԻՐՔ ՍԱՂՄՈՍԱՑ 68:17

Լուր ինձ, Տէր, զի քաղցր է ողորմութիւն քո, ըստ բազում գթութեան քում հայեաց յիս.

ԹԻՒՔ 11:33

Մինչդեռ միսն յատամունս նոցա էր՝ յառաջ քան զպակասելն, եւ Տէր բարկացաւ ժողովրդեանն, եւ եհար Տէր զժողովուրդն հարուածս մեծամեծս յոյժ։

ԹԻՒՔ 16:49

Եւ եղեն մեռեալք ի սատակմանն չորեքտասան հազար եւ եւթն հարեւր, թող զմեռեալսն վասն Կորխայ։

ԹԻՒՔ 21:6

Եւ առաքեաց Տէր ի ժողովուրդն օձս կոտորիչս, եւ հարկանէին զժողովուրդն. եւ մեռաւ ժողովուրդ բազում յորդւոցն Իսրայելի։

ԹԻՒՔ 25:9

Եւ եղեն մեռեալքն ի հարուածոցն յայնցանէ քսան եւ չորք հազարք։

ԳՈՐԾՔ ԱՌԱՔԵԼՈՑ 7:53

Ոյք առէք զօրէնս ի հրամանս հրեշտակաց, եւ ոչ պահեցէք։

ԱՌ ԳԱՂԱՏԱՑԻՍ ԹՈՒՂԹ 3:19

Իսկ զի՞նչ իցեն օրէնք. յանցուածոց վասն յաւելան, մինչեւ եկեսցէ զաւակն, որում խոստացեալն էր՝ կարգեալ հրեշտակօք ի ձեռն միջնորդի։

ԵՐԿՐՈՐԴՈՒՄՆ ՕՐԻՆԱՑ 17:12

Եւ մարդ ոք որ առնիցէ հպարտութեամբ առ ի չլսելոյ քահանային որ կայցէ պաշտել յանուն Տեառն Աստուծոյ քո՝՝, կամ դատաւորին որ իցէ յաւուրսն յայնոսիկ՝՝, մեռցի մարդն այն, եւ բարձցես զչարն յԻսրայելէ։

ԵՐԿՐՈՐԴՈՒՄՆ ՕՐԻՆԱՑ 17:2

Եւ եթէ գտցի ի միջի քում, ի միում ի քաղաքացն զոր Տէր Աստուած քո տացէ քեզ, այր կամ կին որ առնիցէ զչար առաջի Տեառն Աստուծոյ քո, անցանել զուխտիւ նորա,

ԵՐԿՐՈՐԴՈՒՄՆ ՕՐԻՆԱՑ 17:5

հանցես զայրն զայն կամ զկին որ արարին զբանն չար ի դրունս ձեր, եւ քարկոծեցէք՝՝ զնոսա քարամբք եւ մեռցին։

ԵՐԿՐՈՐԴՈՒՄՆ ՕՐԻՆԱՑ 27:26

Անիծեալ ամենայն մարդ՝ որ ոչ կացցէ յամենայն բանս օրինացս այսոցիկ առնել զսոսա. եւ ասասցէ ամենայն ժողովուրդն. Եղիցի։

ԵՐԿՐՈՐԴՈՒՄՆ ՕՐԻՆԱՑ 32:2

Ակնկալեսցի իբրեւ զանձրեւ բարբառ իմ, եւ իջցեն իբրեւ զցօղ պատգամք իմ, իբրեւ զանձրեւ ի վերայ սիզոյ եւ իբրեւ զտեղատարափ ի վերայ խոտոյ.

ԱՌ ԵԲՐԱՅԵՑԻՍ ԹՈՒՂԹ 1:1

Բազում մասամբք եւ բազում օրինակօք կանխաւ խօսեցաւ Աստուած ընդ հարսն մեր մարգարէիւք.

ԱՌ ԵԲՐԱՅԵՑԻՍ ԹՈՒՂԹ 10:28

Արհամարհեալ ուրուք զօրէնսն Մովսիսի, առանց ողորմութեանց առ երկուք կամ երիւք վկայիւք մեռանէր.

ԱՌ ԵԲՐԱՅԵՑԻՍ ԹՈՒՂԹ 10:35

Արդ մի՛ մերժէք ի ձէնջ զհամարձակութիւնն ձեր, յորում կայ մեծաց վարձուց հատուցումն։

ԱՌ ԵԲՐԱՅԵՑԻՍ ԹՈՒՂԹ 11:26

Կարեւոր համարեցաւ զնախատինսն Քրիստոսի քան զմեծութիւն գանձուցն՝՝ Եգիպտացւոց, զի հայեցեալ ակն ունէր վարձուցն հատուցման։

ԱՌ ԵԲՐԱՅԵՑԻՍ ԹՈՒՂԹ 11:6

Բայց առանց հաւատոց անհնար է հաճոյ լինել. այլ հաւատալ արժան է այնմ որ մերձենայ առ Աստուած՝ թէ է Աստուած. եւ որ խնդրենն զնա՝ լինի պարգեւատու։

ԱՌ ԵԲՐԱՅԵՑԻՍ ԹՈՒՂԹ 12:25

Զգոյշ լերուք, գուցէ հրաժարիցէք յայնմանէ որ խօսեցաւն. զի եթէ նոքա ոչ կարացին զերծանել, հրաժարեալք յայնմանէ որ յերկրին հրաման տայր, ո՜րչափ եւս առաւել մեք, եթէ յերկնաւորէն թիկունս դարձուցանիցեմք.

ԹՈՒՂԹ ՊԵՏՐՈՍԻ ԵՐԿՐՈՐԴ 1:19

Եւ ունիմք հաստատագոյն զբանն մարգարէական, որում եթէ անսայցէք, բարւոք առնէք, իբրեւ ճրագի որ տայցէ լոյս ի խաւարչտին տեղւոջ, մինչեւ տիւն լուսաւորեսցէ եւ արուսեակն ծագեսցէ ի սիրտս ձեր։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:5

Յիշեցուցանել ձեզ այսուհետեւ կամ է ինձ որ գիտէքդ զամենայն, զի Աստուած միանգամ՝՝ զժողովուրդն փրկեաց յԵգիպտոսէ. երկրորդ անգամ զանհաւատսն կորոյս։