ՄԱՐԳԱՐԷՈՒԹԻՒՆ ԱՆԳԵԱՅ 1:1 - Գրաբար Աստվածաշունչ (1895)

¹ Յամին երկրորդի Դարեհի արքայի, յամսեանն վեցերորդի, որ օր մի էր ամսոյն, եղեւ բան Տեառն ի ձեռն Անգէի մարգարէի եւ ասէ. Խօսեաց ընդ Զորաբաբելի որդւոյ Սաղաթիելի յազգէ Յուդայ, եւ ընդ Յեսուայ որդւոյ Յովսեդեկեայ քահանայի մեծի, եւ ասասցես.

ՄԱՐԳԱՐԷՈՒԹԻՒՆ ԱՆԳԵԱՅ 1:1 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 10:15

թող զհարկացն կարգելոց եւ զվաճառաց վաճառականաց, եւ զամենայն թագաւորաց այնր կողման՝՝ եւ նախարարաց երկրին։

ԹԱԳԱՒՈՐՈՒԹԵԱՆՑ ԵՐՐՈՐԴ 14:18

Եւ կոծեցան զնա, եւ թաղեցին ամենայն Իսրայէլ ըստ բանին Տեառն զոր խօսեցաւ ի ձեռն ծառայի իւրոյ Աքիայ մարգարէի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:25

Նա մերժեաց զսահմանս Իսրայելի ի մտիցն Եմաթայ մինչեւ ցծովն Արաբայ ըստ բանին Տեառն Աստուծոյ Իսրայելի՝ զոր խօսեցաւ ի ձեռն ծառայի իւրոյ Յովնանու որդւոյ Ամաթեայ մարգարէի ի Գեթքոբերայ։

ՄՆԱՑՈՐԴԱՑ ԱՌԱՋԻՆ 3:17

Եւ որդիք Յեքոնիայ, Ասիր, Սաղաթիէլ որդի նորա։

ՄՆԱՑՈՐԴԱՑ ԱՌԱՋԻՆ 3:19

Եւ որդիք Սաղաթիելի՝՝, Զորաբաբէլ եւ Սեմէի. եւ որդիք Զորաբաբելի՝ Մասողամոս եւ Անանիաս եւ Սաղովմէ քոյր նոցա,

ԵԶՐ 1:8

ետ բերել զայն ամենայն Կիւրոս թագաւոր Պարսից ի ձեռն Միթրադատայ գանձաւորի, եւ համարեալ՝ ետ ցՍամանասար իշխան Յուդայ։

ԵԶՐ 10:18

Եւ գտան յորդւոց քահանայիցն որք ունէին զկանայս յայլազգեացն, յորդւոցն Յեսովայ Յովսեդեկեանց եւ եղբօր նորա Մանասէի եւ Եղիազարու, Յարիբ եւ Գադալիա.

ԵԶՐ 2:2

Եւ որք էին ելեալ ընդ Զորաբաբելի, Յեսու, Նէեմի, Սարէաս, Հռէիղեաս, Մարդոքէոս, Բաղասան, Մասփար, Բագուար, Հռէում, Բաանա։ Այս է թիւ ժողովրդեան որդւոցն Իսրայելի.

ԵԶՐ 2:63

Եւ ասէ Անամեսիթա ցնոսա. Չէ արժան ձեզ ուտել ի սրբութեան սրբութեանցն՝ մինչեւ յարիցէ քահանայապետ եւ յայտնեալ ցուցցէ, եւ նովաւ լուսաւորեսցի ամենայն մինչեւ ի սպառ՝՝։

ԵԶՐ 3:2

Եւ յարեաւ Յեսու Յովսեդեկեանց եւ եղբարք նորա քահանայք, եւ Զորաբաբէլ որդի Սաղաթիելի եւ եղբարք նորա վեց, եւ շինեցին սեղան զոհից Տեառն Աստուծոյ Իսրայելի՝ մատուցանել ի վերայ նորա ողջակէզս, ըստ գրելոցն յօրէնսն Մովսիսի առնն Աստուծոյ։

ԵԶՐ 3:8

Եւ յերկրորդ ամի ելանելոյ նոցա՝ յորժամ եկին ի տաճարն Տեառն յԵրուսաղէմ յամսեանն երկրորդի, սկսաւ Զորաբաբէլ Սաղաթիելեանց եւ Յեսու Յովսեդեկեանց, եւ եղբարք նոցա, եւ քահանայքն եւ Ղեւտացիքն եւ ամենայն եկեալքն ի գերութենէն յԵրուսաղէմ. եւ կացուցին զՂեւտացիսն ի քսանամենից եւ ի վեր՝ վերակացուս ի վերայ գործոց տանն Տեառն։

ԵԶՐ 4:2

եւ մերձեցան առ Զորաբաբէլ եւ առ իշխանս հայրապետացն, եւ ասեն ցնոսա. Շինեսցուք եւ մեք ընդ ձեզ, եւ որպէս եւ դուք խնդրեսցուք ի Տեառնէ Աստուծոյ ձերմէ. քանզի՝՝ եւ մեք նոյնպէս զոհեմք զոհս, յօրէ յորմէ Ասորդան թագաւոր Ասորւոց ած զմեզ այսր։

ԵԶՐ 4:24

Յայնժամ խափանեալ դատարկացաւ գործ տաճարին Տեառն Աստուծոյ յԵրուսաղէմ, եւ էր դատարկացեալ մինչեւ յերկրորդ ամն Դարեհի արքայի Պարսից։

ԵԶՐ 5:1

Եւ մարգարէանային Անգեաս եւ Զաքարիաս Ադդովայ, մարգարէանային ի վերայ Հրէաստանի եւ Երուսաղեմի՝՝ յանուն Տեառն Աստուծոյ Իսրայելի։

ԵԶՐ 5:3

Յայնմ ժամանակի եկն առ նոսա Թաթանա իշխան կողմանց գետոյն Եփրատու, եւ Սաթրաբուզան եւ ծառայակիցք նոցա, եւ ասեն ցնոսա. Ո՞ հրամայեաց ձեզ շինել զտունս զայս, եւ կամ ո՞յր բանիւ կանգնեցէք զաշտարակս դորա,

ԵԶՐ 6:14

Եւ ծերքն Հրէից եւ Ղեւտացիքն շինէին՝՝, ի ժամանակս մարգարէութեանն Անգեայ եւ Զաքարեայ որդւոյ Ադդովայ. եւ շինեցին եւ հաստատեցին ըստ հրամանին Տեառն Աստուծոյ Իսրայելի. եւ որպէս հրամայեցին Կիւրոս թագաւոր եւ Դարեհ, եւ ի ժամանակս Արտաշիսի թագաւորին Պարսից։

ԳԻՐՔ ՆԷԵՄԵԱՅ 12:1

Եւ այս են քահանայք եւ Ղեւտացիք որ ելին ընդ Զորաբաբելի Սաղաթիելեանց եւ Յեսուայ Յովսեդեկեանց. Սարայիա, Երեմիա, Եզրա եւ Ամարիա, Մաղուք, Ատտուս, Սեքենիա։

ԳԻՐՔ ՆԷԵՄԵԱՅ 5:14

Եւ յօրէն յայնմանէ յորմէ հետէ պատուիրեցի՝ զի մի՛ լիցին նոցա իշխանք Յուդայ՝՝, ի քսաներորդ ամէն մինչեւ յամն երեսներորդ երկրորդ Ատաշիսի արքայի՝ զերկոտասան ամ, ես եւ եղբարք իմ եղաք իշխանք. բռնի զուրուք մեք ոչ կերաք եւ արբաք։

ԳԻՐՔ ՆԷԵՄԵԱՅ 7:7

որք եկին ընդ Զորաբաբելի եւ ընդ Յեսուայ եւ ընդ Նէեմայ Ազարեանց՝՝. Ռայեղմիայ, Նայեմանի, Մարտեքու, Բեղման, Մատատփարաթ, Եզրա, Բագուիէ, Նաւում, Բարանա, Մոփրա՝՝։ Արք ժողովրդեանն Իսրայելի.

ԳԻՐՔ ՆԷԵՄԵԱՅ 8:9

Եւ ասէ Նէեմի՝ որ է Աթարսաթա, եւ Եզրա քահանայ եւ գրիչ, եւ Ղեւտացիքն որ իմացուցանէին ժողովրդեանն. եւ ասեն ամենայն ժողովրդեանն. Օրս այս՝ օր սուրբ է Տեառն Աստուծոյ մերոյ, մի՛ սգայք եւ մի՛ լայք։ Քանզի լային ժողովուրդքն, յորժամ լուան զբանս օրինացն։

ԵԼՔ 4:13

Եւ ասէ. Աղաչեմ զքեզ, Տէր, առ քեզ ի ձեռն զայլ ոք զօրաւոր զոր առաքիցես։

ՄԱՐԳԱՐԷՈՒԹԻՒՆ ԱՆԳԵԱՅ 1:12

Եւ լուաւ Զորաբաբէլ որդի Սաղաթիելի յազգէ Յուդայ՝՝, եւ Յեսու Յովսեդեկեայ քահանայ մեծ, եւ ամենայն մնացորդք ժողովրդեանն ձայնի Տեառն Աստուծոյ իւրեանց, եւ զպատգամս Անգէի մարգարէի, որպէս առաքեաց զնա Տէր Աստուած նոցա առ նոսա՝՝. եւ երկեաւ ժողովուրդն յերեսաց Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 1:14

Եւ զարթոյց Տէր զոգի Զորաբաբելի որդւոյ Սաղաթիելի յազգէ Յուդայ, եւ զոգի Յեսուայ Յովսեդեկեայ քահանայի մեծի, եւ զոգի ամենայն մնացորդաց ժողովրդեանն. եւ մտանէին եւ գործէին զգործ ի տան Տեառն ամենակալի Աստուծոյ իւրեանց, ի քսան եւ ի չորս ամսոյն վեցերորդի, յամին երկրորդի Դարեհի արքայի։

ՄԱՐԳԱՐԷՈՒԹԻՒՆ ԱՆԳԵԱՅ 1:2

Այսպէս ասէ Տէր ամենակալ՝՝. Ժողովուրդդ այդ ասեն. Ոչ է հասեալ ժամանակ շինելոյ զտունն Տեառն։

ՄԱՐԳԱՐԷՈՒԹԻՒՆ ԱՆԳԵԱՅ 1:3

Եւ եղեւ բան Տեառն ի ձեռն Անգէի մարգարէի՝ եւ ասէ.

ՄԱՐԳԱՐԷՈՒԹԻՒՆ ԱՆԳԵԱՅ 2:10

Ի քսաներորդի եւ չորրորդի՝ իններորդի ամսեանն, յամի երկրորդի Դարեհի, եղեւ բան Տեառն առ Անգէ մարգարէ, եւ ասէ.

ՄԱՐԳԱՐԷՈՒԹԻՒՆ ԱՆԳԵԱՅ 2:20

Եւ եղեւ բան Տեառն կրկին անգամ առ Անգէ մարգարէ, ի քսան եւ ի չորս ամսոյն. եւ ասէ.

ՄԱՐԳԱՐԷՈՒԹԻՒՆ ԱՆԳԵԱՅ 2:21

Ասա ցԶորաբաբէլ Սաղաթիելի յազգէ Յուդայ. Դարձեալ միւսանգամ՝՝ շարժեմ զերկինս եւ զերկիր, զծով եւ զցամաք,՝՝

ՄԱՐԳԱՐԷՈՒԹԻՒՆ ԱՆԳԵԱՅ 2:4

Եւ արդ զօրացիր դու, Զորաբաբէլ, ասէ Տէր, եւ զօրացիր, Յեսու Յովսեդեկեայ քահանայ մեծ, եւ զօրասցի ամենայն ժողովուրդ երկրիդ, ասէ Տէր, եւ գործեցէք զի ես ընդ ձեզ եմ, ասէ Տէր ամենակալ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 1:1

Յամսեանն ութերորդի՝ յամի երկրորդի Դարեհի արքայի, եղեւ բան Տեառն առ Զաքարիա մարգարէ որդի Բարաքեայ, որդւոյ Ադդովայ եւ ասէ.

ՄԱՐԳԱՐԷՈՒԹԻՒՆ ԶԱՔԱՐԵԱՅ 3:1

Եւ եցոյց ինձ Տէր զՅեսու քահանայ մեծ, զի կայր առաջի հրեշտակին Տեառն. եւ Սատանայ կայր ընդ աջմէ նորա հակառակել ընդ նմա։

ՄԱՐԳԱՐԷՈՒԹԻՒՆ ՄԱՂԱՔԻԱՅ 1:8

Զի թէ մատուցանիցէք զկոյրն ի պատարագ՝ չիցէ՞ չար, եւ եթէ մատուցանիցէք զկաղն կամ զհիւանդոտն՝ չիցէ՞ չար. աղէ, մատո զնա իշխանին քում, թէ ընդունիցի՞ զքեզ, կամ թէ առնուցո՞ւ քեզ ակն, ասէ Տէր ամենակալ։

ԱՒԵՏԱՐԱՆ ԸՍՏ ՂՈՒԿԱՍՈՒ 3:27

որ Յովնանայն, որ Րեսայն, որ Զօրաբաբելին, որ Սաղաթիելին, որ Ներայն,