ԱՌ ԳԱՂԱՏԱՑԻՍ ԹՈՒՂԹ 2:8 - Գրաբար Աստվածաշունչ (1895)

⁸ (զի որ յաջողեացն Պետրոսի յառաքելութիւն թլփատութեանն, յաջողեաց եւ ինձ ի հեթանոսս.)

ԱՌ ԳԱՂԱՏԱՑԻՍ ԹՈՒՂԹ 2:8 Iomraidhean Croise

ԳՈՐԾՔ ԱՌԱՔԵԼՈՑ 1:25

առնուլ զվիճակ պաշտամանս այսորիկ եւ զառաքելութեան, յորմէ անկաւ Յուդաս գնալ ի տեղի իւր։

ԳՈՐԾՔ ԱՌԱՔԵԼՈՑ 1:8

այլ առջիք զօրութիւն ի հասանել Հոգւոյն Սրբոյ ի վերայ ձեր. եւ եղիջիք ինձ վկայք յԵրուսաղէմ եւ յամենայն Հրէաստանի եւ ի Սամարիա եւ մինչեւ ի ծագս երկրի։

ԳՈՐԾՔ ԱՌԱՔԵԼՈՑ 15:12

Լռեաց ամենայն ժողովուրդն եւ լսէին Բառնաբայ եւ Պաւղոսի պատմելոյն, որչափ արար Աստուած նշանս եւ արուեստս ի հեթանոսս ի ձեռն նոցա։

ԳՈՐԾՔ ԱՌԱՔԵԼՈՑ 19:26

Եւ տեսանէք եւ լսէք եթէ ոչ միայն զԵփեսացւոց, այլ գրեթէ զամենայն իսկ Ասիացւոց, Պաւղոսս այս հաւանեցուցեալ շրջեաց բազում ժողովս ասել թէ՝ Ոչ են աստուածք ձեռագործք։

ԳՈՐԾՔ ԱՌԱՔԵԼՈՑ 21:19

Եւ ողջոյն տուեալ նոցա՝ պատմէր մի ըստ միոջէ զոր արար Աստուած ի հեթանոսս ի ձեռն պաշտաման նորա։

ԳՈՐԾՔ ԱՌԱՔԵԼՈՑ 22:21

Եւ ասէ ցիս. Գնա, զի ես ի հեթանոսս հեռաւորս առաքեցից զքեզ։

ԳՈՐԾՔ ԱՌԱՔԵԼՈՑ 4:4

Իսկ բազումք ի լսողաց բանին հաւատացին, եւ եղեւ թիւ մարդկանն իբրեւ հազարաց հնգից։

ԳՈՐԾՔ ԱՌԱՔԵԼՈՑ 8:17

Յայնժամ եդին զձեռս ի վերայ նոցա, եւ առնուին Հոգի Սուրբ։

ԳՈՐԾՔ ԱՌԱՔԵԼՈՑ 9:15

Ասէ ցնա Տէր. Երթ դու, զի անօթ ընտրութեան է ինձ նա, կրել զանուն իմ առաջի հեթանոսաց եւ թագաւորաց եւ որդւոցն Իսրայելի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:10

Այլ շնորհօքն Աստուծոյ եմ զինչ եւ իցեմ. եւ շնորհք նորա որ յիս՝ ընդունայն ինչ ոչ եղեն. այլ առաւել քան զնոսա ամենեսին վաստակեցի, եւ ոչ եթէ ես՝ այլ շնորհքն Աստուծոյ որ ընդ իս։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:2

Թէպէտ եւ այլոց չիցեմ առաքեալ, այլ դէպ ձեզ եմ. զի կնիք իսկ առաքելութեան իմոյ դուք էք ի Տէր։

ԱՌ ԳԱՂԱՏԱՑԻՍ ԹՈՒՂԹ 3:5

Իսկ արդ որ բաշխեաց ի ձեզ զՀոգին եւ յաջողեաց ի ձեզ զզօրութիւնս՝ ի գործո՞ց օրինաց էր, եթէ ի լրոյ հաւատոց։

ԱՌ ԿՈՂՈՍԱՑԻՍ ԹՈՒՂԹ 1:29

յոր եւ աշխատիմ պատերազմեալ ըստ յաջողութեան նորա որ աջողեալ է յիս զօրութեամբ։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 2:13

Վասն այնորիկ եւ մեք գոհանամք զԱստուծոյ անպակաս, զի առեալ զլուր բանին Աստուծոյ առ ի մէնջ՝ ընկալարուք, ոչ իբրեւ զբան մարդկան, այլ որպէս ճշմարտիւ զբան Աստուծոյ, որ եւ յաջողեալ իսկ է ի ձեզ հաւատացեալսդ։