ԱՌ ԳԱՂԱՏԱՑԻՍ ԹՈՒՂԹ 2:2 - Գրաբար Աստվածաշունչ (1895)

² Եւ ելի ըստ յայտնութեանն. եւ զգացուցի նոցա զաւետարանն զոր քարոզէի ի հեթանոսս, առանձինն այնոցիկ որ կարծեալքն էին, գուցէ ընդունայն ինչ ընթացեալ իցեմ կամ ընթանայցեմ։

ԱՌ ԳԱՂԱՏԱՑԻՍ ԹՈՒՂԹ 2:2 Iomraidhean Croise

ԺՈՂՈՎՕՂ 10:1

Ճանճք մեռեալք զազրացուցանեն զեւղս անուշունս. պատուական է սակաւիկ ինչ յիմաստութենէ, քան զմեծ փառս անմտութեամբ՝՝։

Մատթեոսի Աւետարան 10:16

Ահաւասիկ ես առաքեմ զձեզ իբրեւ զոչխարս ի մէջ գայլոց. եղերուք այսուհետեւ խորագէտք իբրեւ զօձս, եւ միամիտք իբրեւ զաղաւնիս։

ԳՈՐԾՔ ԱՌԱՔԵԼՈՑ 15:12

Լռեաց ամենայն ժողովուրդն եւ լսէին Բառնաբայ եւ Պաւղոսի պատմելոյն, որչափ արար Աստուած նշանս եւ արուեստս ի հեթանոսս ի ձեռն նոցա։

ԳՈՐԾՔ ԱՌԱՔԵԼՈՑ 15:2

Եւ ի լինել ոչ սակաւ հակառակութեան եւ խնդրոյ Պաւղոսի եւ Բառնաբայ ընդ նոսա, եդին ելանել Պաւղոսի եւ Բառնաբայ եւ ոմանց ի նոցանէ առ առաքեալսն եւ երիցունս յԵրուսաղէմ վասն խնդրոյն այնորիկ։

ԳՈՐԾՔ ԱՌԱՔԵԼՈՑ 15:4

Եւ հասեալ յԵրուսաղէմ, ընկալեալք յեկեղեցւոյն եւ յառաքելոցն եւ յերիցանց՝ պատմեցին որչափ ինչ արար ընդ նոսա Աստուած։

ԳՈՐԾՔ ԱՌԱՔԵԼՈՑ 18:9

Եւ ասէ Տէր ի գիշերի տեսլեամբ ցՊաւղոս. Մի՛ երկնչիր, այլ խօսեաց եւ մի՛ լռեր,

ԳՈՐԾՔ ԱՌԱՔԵԼՈՑ 23:11

Եւ ի վաղուեան գիշերին եկաց առ նմա Տէր եւ ասէ. Քաջալերեաց, Պաւղէ, զի որպէս վկայեցեր վասն իմ յԵրուսաղէմ, սոյնպէս պարտ է քեզ եւ ի Հռովմ վկայել։

ԳՈՐԾՔ ԱՌԱՔԵԼՈՑ 5:34

Յարուցեալ ոմն ի մէջ ատենին, փարիսեցի, որում անուն էր Գամաղիէլ, օրէնսուսոյց, պատուական ամենայն ժողովրդեանն, հրամայեաց սակաւիկ մի զարսն արտաքս տանել։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 9:16

Ապա ոչ ըստ այնմ ինչ է որ կամիցին, եւ ոչ ըստ այնմ՝ որ ընթանայցէ, այլ՝ ըստ Աստուծոյ որ ողորմի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:23

մեք քարոզեսցուք զխաչելեալն Քրիստոս, Հրէից գայթակղութիւն եւ հեթանոսաց յիմարութիւն.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 2:2

Զի ոչ եթէ ի մտի եդի գիտել ինչ ի ձեզ, բայց միայն զՅիսուս Քրիստոս, եւ զնոյն ի խաչ ելեալ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:24

Ո՞չ գիտէք եթէ որ յասպարիսին ընթանան, ընթանալ ամենեքին ընթանան, բայց մի ոք առնու զյաղթութեանն. այնպէս ընթացարուք զի հասանիցէք։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:26

Արդ ես իսկ այնպէս ընթանամ, ոչ որպէս յաներեւոյթս. այնպէս մրցիմ, որպէս ոչ թէ զհողմս ինչ կոծելով.

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 12:1

Արդ պարծել ինչ պարտ իցէ, այլ օգնէ ինչ ոչ. բայց եկից ի տեսիլս եւ ի յայտնութիւնս Տեառն։

ԱՌ ԳԱՂԱՏԱՑԻՍ ԹՈՒՂԹ 1:12

քանզի եւ ոչ ես ի մարդոյ առի, եւ ոչ ուսայ յումեքէ, այլ ի յայտնութենէն Յիսուսի Քրիստոսի։

ԱՌ ԳԱՂԱՏԱՑԻՍ ԹՈՒՂԹ 1:16

յայտնել զՈրդին իւր ինեւ, զի աւետարանեցից զնա ի հեթանոսս, անդէն վաղվաղակի ոչինչ զգացուցի մարմնոյ եւ արեան,

ԱՌ ԳԱՂԱՏԱՑԻՍ ԹՈՒՂԹ 1:6

Զարմանամ զի այդպէս վաղվաղակի փոփոխիք յայնմանէ որ կոչեացն զձեզ ի շնորհսն Քրիստոսի յայլ աւետարան.

ԱՌ ԳԱՂԱՏԱՑԻՍ ԹՈՒՂԹ 2:6

Բայց զկարծելոցն եթէ իցեն ինչ, որպիսիք ոք երբեմն էին, չէ ինչ ինձ փոյթ. քանզի Աստուած ակն մարդկան ոչ առնու. զի ինձ կարծեալքն այնպիսի ինչ ոչ զգացուցին.

ԱՌ ԳԱՂԱՏԱՑԻՍ ԹՈՒՂԹ 2:9

իբրեւ գիտացին զշնորհսն որ տուեալ էին ինձ, Յակովբոս եւ Կեփաս եւ Յովհաննէս որ կարծեալ սիւնքն էին, ձեռն ետուն հաւանութեան ինձ եւ Բառնաբայ. զի մեք՝ ի հեթանոսս, եւ նոքա՝ ի թլփատութեանն.

ԱՌ ԳԱՂԱՏԱՑԻՍ ԹՈՒՂԹ 5:7

Բարւոք ընթանայիք. ո՞ կասեցոյց զձեզ ճշմարտութեանն չհաւանել։

ԱՌ ՓԻԼԻՊԵՑԻՍ ԹՈՒՂԹ 2:16

զբանն կենաց ունել յանձինս ի պարծանս ինձ յաւուրն Քրիստոսի, զի ոչ ընդունայն ինչ ընթացայ եւ ոչ ընդունայն վաստակեցի։

ԱՌ ՓԻԼԻՊԵՑԻՍ ԹՈՒՂԹ 2:29

Ընկալջիք զնա ի Տէր ամենայն խնդութեամբ, եւ զայնպիսիսն առ պատուականս ունիջիք.

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 3:5

Վասն այնորիկ եւ ես, զի ոչ եւս ունէի ժոյժ, առաքեցի գիտել զհաւատսն ձեր, գուցէ արդեւք փորձեաց եւ զձեզ փորձիչն, եւ ընդունայն լինիցի ջանն մեր։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:7

Զբարւոք պատերազմ պատերազմեցայ, զընթացսն կատարեցի, զհաւատսն պահեցի։

ԱՌ ԵԲՐԱՅԵՑԻՍ ԹՈՒՂԹ 12:1

Այսուհետեւ եւ մեք որ այսչափ շուրջ զմեւք մածեալ ունիմք զբազմութիւն վկայից, զհպարտութիւն զամենայն ի բաց ընկեսցուք եւ զմեղս կարեւորս, համբերութեամբ ընթասցուք ի պատերազմ որ առաջի կայ մեզ.