ԵԶՐ 3:5 - Գրաբար Աստվածաշունչ (1895)

⁵ Եւ մատուցանէին այլ եւս ողջակէզս՝՝ յամսագլուխս եւ ի շաբաթս, եւ՝՝ յամենայն տօնս տարեկանաց Տեառն սրբութեանց, եւ զամենայն ակամայիցն զոր մեղանչէին՝՝ Տեառն։

ԵԶՐ 3:5 Iomraidhean Croise

ՄՆԱՑՈՐԴԱՑ ԵՐԿՐՈՐԴ 31:14

Եւ Կորէ որդի Յեմնայ Ղեւտացի՝ դռնապանն ընդ արեւելս կողմն ի վերայ տանեացն տալ զպտուղսն Տեառն, եւ զսրբութիւն սրբութեանցն,

ԵԶՐ 3:6

Եւ յառաջնում ամսեանն եւթներորդին սկսան մատուցանել ողջակէզս Տեառն Աստուծոյ, եւ տանն Տեառն ոչ եւս էր հիմն արկեալ։

ԳԻՐՔ ՆԷԵՄԵԱՅ 10:34

Եւ վիճակս արկցուք վասն ժառանգութեան փայտիցն, որ երթայ քահանայիցն եւ Ղեւտացւոցն, եւ ժողովուրդն բերցէ ի տուն Աստուծոյ մերոյ, ի տունս՝՝ հարցն մերոց ըստ ժամանակս ժամանակս ամ ըստ ամէ, զորս արժան է այրել ի վերայ սեղանոյ զոհից Տեառն Աստուծոյ մերոյ, որպէս եւ գրեալ է յօրէնսն Մովսիսի։

ՄԱՐԳԱՐԷՈՒԹԻՒՆ ԵՐԵՄԵԱՅ 33:18

եւ քահանայիցն Ղեւտացւոց՝ մի՛ պակասեսցէ այր յերեսաց իմոց՝ մատուցանել ողջակէզս եւ զոհել զոհս, եւ արկանել խունկս՝՝ զամենայն աւուրս։

ՂԵՒՏԱԿԱՆ 1:2

Խօսեաց դու ընդ որդիսդ Իսրայելի, եւ ասասցես ցդոսա. Այր ոք ի ձէնջ եթէ մատուցանիցէ պատարագ Տեառն՝ ի խաշանց, յարջառոյ կամ յոչխարէ մատուցանիցէք զպատարագս ձեր։

ՂԵՒՏԱԿԱՆ 1:3

Եթէ ողջակէզ իցէ պատարագն նորա յարջառոց, արու անարատ մատուսցէ, առ դուրս խորանին վկայութեան ածցէ զնա ընդունելութիւն ի նմանէ՝ առ ի քաւելոյ՝՝ առաջի Տեառն։

ՂԵՒՏԱԿԱՆ 23:2

Խօսեաց ընդ որդիսն Իսրայելի եւ ասասցես ցնոսա. Տօնս Տեառն զոր առնիցէք, կոչեցեալք եւ սուրբք՝՝ այնք իցեն իմ տօնք.

ԹԻՒՔ 28:14

Եւ նուէր նոցա կէս դորակին գինւոյ լիցի առ զուարակ մի, եւ երրորդ դորակին լիցի առ խոյ մի, եւ չորրորդ դորակին լիցի առ գառն մի. այս ողջակէզք իցեն ամիս յամսոյ յամիսս տարւոյն։

ԹԻՒՔ 28:19

եւ մատուսջիք ողջակէզս եւ ընծայս՝՝ Տեառն, զուարակս երկուս յանդւոյ եւ խոյ մի, գառինս տարեւորս անարատս եւթն.

ԹԻՒՔ 28:27

եւ մատուսջիք ողջակէզս ի հոտ անուշից Տեառն՝ զուարակս երկուս յանդւոյ եւ խոյ մի, գառինս տարեւորս անարատս եւթն.

ԹԻՒՔ 29:13

Եւ մատուսջիք ողջակէզս ընծայս՝՝ ի հոտ անուշից Տեառն, յաւուրն առաջնում՝՝ զուարակս յանդւոյ երեքտասան, խոյս երկուս, գառինս տարեւորս չորեքտասան, անարատք լինիցին.

ԹԻՒՔ 29:2

Եւ արասջիք ողջակէզս ի հոտ անուշից Տեառն, զուարակ մի յանդւոյ, խոյ մի, գառինս տարեւորս անարատս եւթն,

ԹԻՒՔ 29:39

Զայս առնիցէք ի տօնս ձեր Տեառն. թող զուխտսն ձեր եւ զողջակէզսն ձեր եւ զկամայականսն ձեր եւ զզոհսն ձեր եւ զնուէրսն ձեր եւ զփրկութիւնսն ձեր։

ԹԻՒՔ 29:8

Մատուսջիք ողջակէզս ի հոտ անուշից ընծայս Տեառն. զուարակ մի յանդւոյ, խոյ մի, գառինս տարեւորս անարատս եւթն.

ԵՐԿՐՈՐԴՈՒՄՆ ՕՐԻՆԱՑ 12:17

Մի՛ ժտիցես ուտել ի քաղաքս քո զտասանորդս ցորենոյ քո եւ զգինւոյ քո եւ զիւղոյ քո, զանդրանիկս արջառոյ քո եւ զոչխարի քո, եւ զամենայն ուխտս զոր ուխտիցէք, եւ զխոստովանութիւնս ձեր եւ զպտուղս ձեռաց ձերոց՝՝.

ԵՐԿՐՈՐԴՈՒՄՆ ՕՐԻՆԱՑ 12:6

եւ մատուսջիք զողջակէզս ձեր եւ զզոհս ձեր եւ զտասանորդս ձեր եւ զպտուղս ձեր՝՝ եւ զուխտս ձեր եւ զկամայականս ձեր եւ զխոստովանութիւնս ձեր՝՝, եւ զանդրանիկս արջառոյ եւ ոչխարի ձերոյ.