ԵԶՐ 3:3 - Գրաբար Աստվածաշունչ (1895)

³ Եւ պատրաստեցին զզոհարանն ըստ կազմութեան իւրում. վասն զի կասկածէին յազգաց երկրին. եւ մատուցին ի վերայ նորա ողջակէզս վաղվաղակի Տեառն Աստուծոյ իւրեանց՝՝, մի՝ ընդ առաւօտս, եւ մի՝ ընդ երեկոյս։

ԵԶՐ 3:3 Iomraidhean Croise

ՄՆԱՑՈՐԴԱՑ ԱՌԱՋԻՆ 16:40

մատուցանել ողջակէզս Տեառն ի վերայ սեղանոյ ողջակիզացն հանապազ առաւօտուց եւ երեկորին. եւ ըստ ամենայնի զոր ինչ գրեալ է յօրէնսն Տեառն զոր պատուիրեաց որդւոցն Իսրայելի ի ձեռն Մովսիսի ծառային Աստուծոյ՝՝։

ՄՆԱՑՈՐԴԱՑ ԵՐԿՐՈՐԴ 4:1

Եւ արար սեղան պղնձի՝ ի քսան կանգնոյ զերկայնութիւն, եւ ի քսան կանգնոյ զլայնութիւն, եւ զբարձրութիւն ի տասն կանգնոյ։

ԵԶՐ 4:4

Եւ ժողովուրդք երկրին այնորիկ լքուցանէին զձեռս ժողովրդեանն Հրէաստանի, եւ խափանէին զնոսա ի շինելոյ։

ԵԶՐ 5:15

եւ ասէ ցնա. Զամենայն սպասդ եւ զկահ ա՛ռ եւ երթ յԵրուսաղէմ ի տուն Տեառն որ է անդ, եւ տար դիր զկահդ՝՝ ի տեղւոջ իւրում։

ՄԱՐԳԱՐԷՈՒԹԻՒՆ ԵԶԵԿԻԵԼԻ 43:16

Եւ բունն յերկոտասան կանգնոյ՝՝ առ երկոտասան կանգուն ի լայնութիւն, չորեքկուսի ի չորեսին կողմանս իւր։