ԵԶՐ 3:1 - Գրաբար Աստվածաշունչ (1895)

¹ Եւ ժամանեաց եհաս ամիսն եւթներորդ. եւ էին որդիքն Իսրայելի յիւրաքանչիւր քաղաքս. եւ ժողովեցան ամենայն ժողովուրդն իբրեւ զմի այր յԵրուսաղէմ։

ԵԶՐ 3:1 Iomraidhean Croise

ԳԻՐՔ ՆԷԵՄԵԱՅ 7:72

Եւ այլ ժողովուրդն ետ դահեկանս երկուս բեւրս, եւ կահ՝՝ արծաթի՝ երկու հազար. եւ պատմուճանս քահանայիցն՝ վաթսուն եւ եւթն։

ԳԻՐՔ ՆԷԵՄԵԱՅ 7:73

Եւ նստան քահանայքն եւ Ղեւտացիքն եւ դռնապանքն եւ երգեցիկք սաղմոսասացքն, եւ ի ժողովրդենէն, եւ Նաթանիմացիքն, եւ ամենայն Իսրայէլ ի քաղաքս իւրեանց։ Եւ ժամանեաց եհաս ամիսն եւթներորդ, եւ էին որդիքն Իսրայելի ի քաղաքս իւրեանց։

ԳԻՐՔ ՆԷԵՄԵԱՅ 8:1

Եւ ժողովեցան ամենայն ժողովուրդքն իբրեւ զայր մի ի հրապարակն առաջի դրան ջուրցն, եւ ասացին ցԵզրա գրիչ օրինացն Տեառն՝՝, զի բերցէ զօրէնսն Մովսիսի զոր հրամայեալ է Տեառն Աստուծոյ Իսրայելի։

ԳԻՐՔ ՆԷԵՄԵԱՅ 8:14

Եւ գտին գրեալ յօրէնսն զի էր հրամայեալ Տեառն Աստուծոյ Մովսիսի, որպէս արժան է որդւոցն Իսրայելի բնակել ի տաղաւարս ի տօնի եւթներորդ ամսոյն,

ՂԵՒՏԱԿԱՆ 16:29

Եւ եղիցի ձեզ այն օրէն յաւիտենական, յամսեանն եւթներորդի ի տասն ամսոյն, լլկեսջիք զանձինս ձեր, եւ զամենայն գործ մի՛ գործիցէք. բնակն եւ պանդուխտն որ յեցեալ իցէ ի ձեզ։

ՂԵՒՏԱԿԱՆ 23:24

Խօսեաց ընդ որդիսն Իսրայելի եւ ասասցես. Յամսեանն եւթներորդի որ օր մի իցէ ամսոյն, եղիցի ձեզ հանգիստ, յիշատակ փողոց, կոչեցեալ սուրբ Տեառն՝՝։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:9

Զի յայնժամ դարձուցից ի վերայ ժողովրդոց լեզու յազգս նոցա՝՝, ի կարդալ ամենեցուն զանուն Տեառն, ի ծառայել նոցա նմա ընդ միով լծով.

ԳՈՐԾՔ ԱՌԱՔԵԼՈՑ 2:46

Հանապազօր կանխեալ միաբանութեամբ ի տաճարն, եւ առտնին բեկանէին զհացն, եւ առնուին կերակուր ուրախութեամբ եւ միամտութեամբ սրտի.

ԳՈՐԾՔ ԱՌԱՔԵԼՈՑ 4:32

Եւ բազմութեան հաւատացելոցն էր սիրտ եւ անձն մի. եւ ոչ ոք ի նոցանէ ասէր զընչից իւրոց թէ իւր իցէ, այլ էր նոցա ամենայն ինչ հասարակաց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 1:10

Աղաչեմ զձեզ, եղբարք, անուամբն Տեառն մերոյ Յիսուսի Քրիստոսի. զի զնոյն բան ունիցիք ամենեքեան, եւ մի՛ իցեն ի ձեզ հերձուածք. քանզի էիք՝՝ հաստատեալք ի նոյն միտս եւ ի նոյն հանճար։

ԵՐԿՐՈՐԴՈՒՄՆ ՕՐԻՆԱՑ 16:16

Զերիս ժամանակս ի տարւոջ յանդիման լիցի ամենայն արու քո առաջի Տեառն Աստուծոյ քո ի տեղւոջն զոր ընտրեսցէ Տէր. ի տօնի բաղարջակերացն, եւ ի տօնի եւթներորդացն, եւ ի տօնի տաղաւարահարացն. եւ ոչ երեւեսցիս առաջի Տեառն Աստուծոյ քո՝՝ ունայնաձեռն.

ԴԱՏԱՒՈՐՔ 20:1

Եւ ելին ամենայն որդիքն Իսրայելի, եւ եկեղեցացաւ ժողովուրդն իբրեւ զայր մի ի Դանայ մինչեւ ցԲերսաբէէ եւ երկիրն Գաղաադու՝ առ Տէր ի Մասփա։