ԵԶՐ 1:8 - Գրաբար Աստվածաշունչ (1895)

⁸ ետ բերել զայն ամենայն Կիւրոս թագաւոր Պարսից ի ձեռն Միթրադատայ գանձաւորի, եւ համարեալ՝ ետ ցՍամանասար իշխան Յուդայ։

ԵԶՐ 1:8 Iomraidhean Croise

ԵԶՐ 1:11

Ամենայն կահք ոսկեղէնք եւ արծաթեղէնք՝ հինգ հազար եւ չորեք հարեւր։ Եւ ընդ ամենայն որ էին ընդ Սամանասարայ եւ՝՝ ընդ ելելոյ գերութեանն ի Բաբելոնէ յԵրուսաղէմ։

ԵԶՐ 2:2

Եւ որք էին ելեալ ընդ Զորաբաբելի, Յեսու, Նէեմի, Սարէաս, Հռէիղեաս, Մարդոքէոս, Բաղասան, Մասփար, Բագուար, Հռէում, Բաանա։ Այս է թիւ ժողովրդեան որդւոցն Իսրայելի.

ԵԶՐ 5:14

Եւ զկահ տանս այսորիկ զարծաթեղէնս եւ զոսկեղէնս՝ զորս Նաբուքոդոնոսոր ա՛ռ յԵրուսաղեմէ, եւ եկն եբեր ի տուն աստուածոց իւրոց՝՝, առեալ զայն Կիւրոսի թագաւորի ի տանէ թագաւորին, եւ ետ ցՍամանասար գանձաւոր՝՝,

ԵԶՐ 5:16

Յայնժամ Սամանասար եկն եւ արկ զհիմն տաճարիս Տեառն Աստուծոյ յԵրուսաղէմ. եւ յայնմ հետէ շինեմք, եւ ոչ եւս է կատարեալ։

ԵԶՐ 5:2

Յայնժամ յարեան Զորաբաբէլ Սաղաթիելեանց եւ Յեսու Յովսեդեկեանց՝ եւ սկսան շինել զտուն Տեառն Աստուծոյ Իսրայելի՝՝, եւ միաբանեալ ընդ նոսա մարգարէքն Աստուծոյ օգնէին նոցա։

ՄԱՐԳԱՐԷՈՒԹԻՒՆ ԵՐԵՄԵԱՅ 51:44

Եւ խնդրեցից զվրէժ ի Բելայ ի Բաբելոն, եւ հանից զոր եկուլն ի բերանոյ նորա, եւ մի՛ եւս ժողովեսցին առ նա ազգք. նա եւ պարիսպքն Բաբելացւոց անկան։

ՄԱՐԳԱՐԷՈՒԹԻՒՆ ԱՆԳԵԱՅ 1:1

Յամին երկրորդի Դարեհի արքայի, յամսեանն վեցերորդի, որ օր մի էր ամսոյն, եղեւ բան Տեառն ի ձեռն Անգէի մարգարէի եւ ասէ. Խօսեաց ընդ Զորաբաբելի որդւոյ Սաղաթիելի յազգէ Յուդայ, եւ ընդ Յեսուայ որդւոյ Յովսեդեկեայ քահանայի մեծի, եւ ասասցես.

ՄԱՐԳԱՐԷՈՒԹԻՒՆ ԱՆԳԵԱՅ 1:14

Եւ զարթոյց Տէր զոգի Զորաբաբելի որդւոյ Սաղաթիելի յազգէ Յուդայ, եւ զոգի Յեսուայ Յովսեդեկեայ քահանայի մեծի, եւ զոգի ամենայն մնացորդաց ժողովրդեանն. եւ մտանէին եւ գործէին զգործ ի տան Տեառն ամենակալի Աստուծոյ իւրեանց, ի քսան եւ ի չորս ամսոյն վեցերորդի, յամին երկրորդի Դարեհի արքայի։