ԵԼՔ 40:2 - Գրաբար Աստվածաշունչ (1895)

² Յամսեանն առաջնում յամսամտի ամսոյն կանգնեսցես զխորանն, զյարկ վկայութեանն։

ԵԼՔ 40:2 Iomraidhean Croise

ՄՆԱՑՈՐԴԱՑ ԱՌԱՋԻՆ 17:5

վասն զի ոչ երբեք բնակեցի ի տան յօրէ յորմէ հանի զԻսրայէլ յԵգիպտոսէ մինչեւ յօրս յայս. էի խորանաւ ի վայրաբնակս։

ՄՆԱՑՈՐԴԱՑ ԵՐԿՐՈՐԴ 29:3

Եւ եղեւ իբրեւ եկաց ի թագաւորութեանն իւրում՝՝, յառաջնում ամսեանն եբաց զդրունս տանն Տեառն, եւ կազմեաց զնոսա։

ԵԼՔ 13:4

Զի յայսմ աւուր ելանէք դուք յամսեանս կանխոց։

ԵԼՔ 19:1

Յամսեանն երրորդի ելանելոյ որդւոցն Իսրայելի յերկրէն Եգիպտացւոց, յաւուրն յայնմիկ եկին յանապատն Սինայ։

ԵԼՔ 26:1

Եւ արասցես խորան տասնփեղկեան, ի բեհեզոյ մանելոյ եւ ի կապուտակէ եւ ի ծիրանւոյ եւ ի կարմրոյ կրկնելոյ. քերոբ՝ գործ անկուածոյ՝՝ գործեսցես զնոսա։

ԵԼՔ 26:30

Եւ կանգնեսցես զխորանն ըստ օրինակին որ ցուցաւ քեզ ի լերին անդ։

ԵԼՔ 26:7

Եւ արասցես վերնափեղկս մազեղէնս նուարտան խորանին, մետասան փեղկ գործեսցես զնոսա։

ԵԼՔ 27:21

Ի խորանին վկայութեան՝ արտաքոյ վարագուրի ուխտին, լուցանիցէ զնա Ահարոն եւ որդիք իւր յերեկորեայ մինչեւ ցառաւօտ առաջի Տեառն. օրէն յաւիտենական յազգս ձեր առ ի յորդւոցն Իսրայելի։

ԵԼՔ 30:36

Եւ աղասցես ի նոցանէ մանր, եւ դիցես ի նմանէ յանդիման վկայութեանն ի խորանին վկայութեան, ուստի երեւեցայց քեզ անտի. ի սրբութիւն սրբութեանցն եղիցի ձեզ խունկն այն զոր առնիցէք։

ԵԼՔ 35:11

Զխորանն, եւ զնուարտանս իւր, եւ զվիժակս նորա, եւ զգահակս նորա, եւ զտախտակս նորա, եւ զպարզունակս նորա, եւ զսիւնակս նորա, եւ զխարիսխս նորա,

ԵԼՔ 36:18

Եւ արար օղս պղնձիս յիսուն. եւ կցեաց զխորանն զի լինիցի մի։

ԵԼՔ 40:1

Եւ խօսեցաւ Տէր ընդ Մովսիսի եւ ասէ.

ԵԼՔ 40:6

Եւ դիցես զսեղան ողջակիզացն առ դրան խորանին, յարկի վկայութեանն. եւ օծցես շուրջ զխորանն, եւ զամենայն ինչ որ ի նմա իցէ՝ սրբեսցես շուրջանակի։՝՝

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:1

Եւ եղեւ ի քսաներորդի եւ հինգերորդի ամի գերութեան մերոյ, յամսեանն առաջնում որ օր մետասան էր ամսոյն, ի չորեքտասաներորդի ամի առնլոյ քաղաքին, յաւուր յայնմիկ եղեւ ի վերայ իմ ձեռն Տեառն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 45:18

Այսպէս ասէ Տէր Աստուած. Յառաջնում ամսեանն որ օր մի իցէ ամսոյն՝ առնուցուս զուարակ մի յանդւոյ անարատ՝ քաւել զսրբութիւնն։

ԹԻՒՔ 1:1

Եւ խօսեցաւ Տէր ընդ Մովսիսի յանապատին Սինայի, ի խորանին վկայութեան, ի միում՝ ամսեանն երկրորդի, յամին երկրորդի ելանելոյ նոցա յերկրէն Եգիպտացւոց, ասէ.

ԹԻՒՔ 7:1

Եւ եղեւ յաւուր յորում կատարեաց Մովսէս առ ի կանգնելոյ զխորանն, եւ օծ զնա եւ զամենայն սպասս նորա, եւ զզոհանոցն եւ զամենայն սպաս նորա, եւ օծ զնոսա եւ սրբեաց զնոսա,

ԹԻՒՔ 9:1

Խօսեցաւ Տէր ընդ Մովսիսի յանապատին Սինայի, յամին երկրորդի ելանելոյ նոցա յԵգիպտոսէ յամսեանն առաջնում, եւ ասէ.

ԹԻՒՔ 9:15

Եւ յաւուրն յորում կանգնեցաւ խորանն՝ ծածկեաց ամպ զխորանն եւ զտունն՝՝ վկայութեան. եւ ընդ երեկս լինէր ի խորանին իբրեւ զտեսիլ հրոյ մինչեւ ցառաւօտ։