ԵԼՔ 4:18 - Գրաբար Աստվածաշունչ (1895)

¹⁸ Գնաց Մովսէս եւ դարձաւ առ Յոթոր աներ իւր եւ ասէ ցնա. Դարձայց եւ երթայց առ եղբարս իմ որ յԵգիպտոս, եւ տեսից, թէ տակաւին կենդանի՞ իցեն։ Եւ ասէ Յոթոր ցՄովսէս. Ողջ երթ։

ԵԼՔ 4:18 Iomraidhean Croise

ԾՆՈՒՆԴՔ 45:3

Ասէ Յովսէփ ցեղբարսն իւր. Ես եմ Յովսէփ. արդարեւ տակաւին կենդանի՞ իցէ հայր իմ։ Եւ ոչ կարէին եղբարքն նորա տալ նմա պատասխանի, զի խռովեցան յերեսաց նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:10

Եւ առաքեաց Եղիսէ առ նա հրեշտակ եւ ասէ. Երթ լուա եւթն անգամ ի Յորդանան, եւ դարձցի մարմին քո եւ սրբեսցիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:19

Եւ ասէ Եղիսէ ցՆէեման. Երթ խաղաղութեամբ։ Եւ գնաց ի նմանէ յերկրէն Իսրայելի՝՝։

ԵԼՔ 2:21

Եւ բնակեցաւ Մովսէս առ առնն, եւ ետ զՍեպփովրա դուստր իւր Մովսիսի կնութեան։

ԵԼՔ 3:1

Եւ Մովսէս արածէր զխաշինս Յոթորայ աներոյ իւրոյ՝ քրմին Մադիանացւոց. եւ ած զխաշինսն յանապատ, եւ եկն ի լեառնն Աստուծոյ ի Քորեբ։

ԱՒԵՏԱՐԱՆ ԸՍՏ ՂՈՒԿԱՍՈՒ 7:50

Եւ նա ասէ ցկինն. Հաւատք քո կեցուցին զքեզ, երթ ի խաղաղութիւն։

ԳՈՐԾՔ ԱՌԱՔԵԼՈՑ 15:36

Իսկ յետ աւուրց ինչ ասէ Պաւղոս ցԲառնաբաս. Դարձցուք եւ շրջեսցուք զեղբարբք ըստ ամենայն քաղաքաց յորս քարոզեցաք զբանն Տեառն թէ որպէս ունիցին։

ԳՈՐԾՔ ԱՌԱՔԵԼՈՑ 16:36

Եւ պատմեաց բանտապետն զբանսն՝ Պաւղոսի, եթէ՝ Առաքեցին զօրագլուխքն զի արձակիցիք. արդ ելէք եւ երթայք խաղաղութեամբ։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:1

Որ միանգամ ընդ լծով ծառայութեան իցեն, զիւրաքանչիւր տեարս պատուի արժանի համարեսցին. զի մի՛ անունն Աստուծոյ եւ վարդապետութիւնն հայհոյեսցի։

ԴԱՏԱՒՈՐՔ 18:6

Եւ ասէ ցնոսա քահանայն. Երթայք ի խաղաղութիւն. առաջի Տեառն է ճանապարհ ձեր զոր երթայք։

ԹԱԳԱՒՈՐՈՒԹԵԱՆՑ ԱՌԱՋԻՆ 1:17

Ետ նմա պատասխանի Հեղի եւ ասէ. Երթ ի խաղաղութիւն, եւ Աստուած Իսրայելի տացէ քեզ զամենայն խնդրուածս քո զոր խնդրեցեր ի նմանէ։