ԵԼՔ 3:1 - Գրաբար Աստվածաշունչ (1895)

¹ Եւ Մովսէս արածէր զխաշինս Յոթորայ աներոյ իւրոյ՝ քրմին Մադիանացւոց. եւ ած զխաշինսն յանապատ, եւ եկն ի լեառնն Աստուծոյ ի Քորեբ։

ԵԼՔ 3:1 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 19:19

Եւ գնաց անտի, եւ եգիտ զԵղիսէ որդի Սափատայ, եւ նա վարէր երկոտասան եզամբք. եւ զոյգք զոյգք եզանց առաջի նորա, եւ ինքն ի վերայ երկոտասանիցն՝՝. եւ եհաս Եղիա առ նա, եւ ընկէց զմաշկեակն իւր ի վերայ նորա.

ԹԱԳԱՒՈՐՈՒԹԵԱՆՑ ԵՐՐՈՐԴ 19:8

Եւ յարեաւ եկեր եւ արբ, եւ գնաց զօրութեամբ կերակրոյն այնորիկ զքառասուն տիւ եւ զքառասուն գիշեր, մինչեւ ցլեառնն Աստուծոյ ի Քորէբ։

ԳԻՐՔ ՍԱՂՄՈՍԱՑ 106:19

Աղաղակեցին առ Տէր ի նեղութեան իւրեանց, ի վշտաց նոցա ապրեցոյց զնոսա։

ԵԼՔ 17:6

Եւ ես հասեալ կայցեմ անդ յառաջագոյն քան զքեզ ի վերայ վիմին ի Քորեբ. եւ հարցես զվէմն եւ ելցէ ի նմանէ ջուր, եւ արբցէ ժողովուրդդ։ Եւ արար այնպէս Մովսէս առաջի որդւոցն Իսրայելի։

ԵԼՔ 18:12

Եւ առ Յոթոր աներն Մովսիսի ողջակէզս եւ զոհս Աստուծոյ. եւ գնացին Մովսէս եւ Ահարոն եւ ամենայն ծերքն Իսրայելի՝ ուտել հաց ընդ աներոյն Մովսիսի առաջի Տեառն։

ԵԼՔ 19:11

եւ պատրաստեսցին աւուրն երրորդի. զի յաւուրն երրորդի իջցէ Տէր յանդիման ամենայն ժողովրդեանդ ի լեառնդ Սինա։

ԵԼՔ 19:2

Չուեցին յՌափիդիմայ եւ եկին յանապատն Սինայի, եւ բանակեցան յանապատի անդ. եւ բանակեցաւ Իսրայէլ անդ հանդէպ լերինն։

ԵԼՔ 19:3

Եւ Մովսէս ել ի լեառնն Աստուծոյ՝՝. եւ կոչեաց զնա Աստուած ի լեռնէ անտի եւ ասէ. Այսպէս ասասցես տանն Յակոբայ, եւ պատմեսցես որդւոցն Իսրայելի։

ԵԼՔ 2:16

Եւ քրմին Մադիանացւոց էին դստերք եւթն, որ արածէին զխաշինս հօր իւրեանց,՝՝ եկեալ էին հանել ջուր, մինչեւ լցին զաւազանսն՝ արբուցանել խաշանց հօրն իւրեանց։

ԵԼՔ 2:18

Եւ եկին առ Հռագուէլ հայրն իւրեանց եւ նա ասէ ցնոսա. Զի՞ է զի յարեւու եկիք այսօր։

ԵԼՔ 2:21

Եւ բնակեցաւ Մովսէս առ առնն, եւ ետ զՍեպփովրա դուստր իւր Մովսիսի կնութեան։

ԵԼՔ 24:13

Յարեաւ Մովսէս եւ Յեսու պաշտօնեայ նորա, եւ ելին ի լեառնն Աստուծոյ.

ԵԼՔ 3:12

Եւ ասէ. Ես եղէց ընդ քեզ. եւ այս եղիցի քեզ նշան թէ ես առաքեցի զքեզ հանել՝՝ զժողովուրդ իմ յԵգիպտոսէ, պաշտեսջիք զԱստուած ի լերինս յայսմիկ։

ԵԼՔ 3:5

Եւ ասէ. Մի՛ մերձենար այսր. լոյծ զկօշիկս քո յոտից քոց, զի տեղիդ յորում կաս դու ի դմա՝ երկիր սուրբ է։

ԵԼՔ 33:6

Եւ մերկացան որդիքն Իսրայելի զզարդ իւրեանց, եւ զպատմուճանս իւրեանց՝՝ ի Քորեբ լերին։

ԵԼՔ 4:18

Գնաց Մովսէս եւ դարձաւ առ Յոթոր աներ իւր եւ ասէ ցնա. Դարձայց եւ երթայց առ եղբարս իմ որ յԵգիպտոս, եւ տեսից, թէ տակաւին կենդանի՞ իցեն։ Եւ ասէ Յոթոր ցՄովսէս. Ողջ երթ։

ԵԼՔ 4:27

Եւ ասէ Տէր ցԱհարոն. Երթ ընդ առաջ Մովսիսի յանապատն։ Եւ գնաց եւ պատահեաց նմա ի լերինն Աստուծոյ, եւ համբուրեաց զնա։

ՄԱՐԳԱՐԷՈՒԹԻՒՆ ԱՄՈՎՍԱՅ 1:1

Պատգամք Ամովսայ որ եղեն յԱկկարիմ՝՝ Թեկուայ, զորս ետես ի վերայ Երուսաղեմի յաւուրս Ոզիայ արքայի Հրէաստանի, եւ յաւուրս Յերոբովամայ որդւոյ Յովասայ արքայի Իսրայելի, երկուք ամօք յառաջ քան զգետնաշարժն. եւ ասէ.

ՄԱՐԳԱՐԷՈՒԹԻՒՆ ՄԱՂԱՔԻԱՅ 4:4

Յիշեցէք զօրէնսն Մովսիսի ծառայի իմոյ, որպէս պատուիրեցի նմա ի Քորէբ, զամենայն զհրամանս եւ զիրաւունս։

ԹԻՒՔ 10:29

Եւ ասէ Մովսէս ցՅոբաբ որդի Հռագուելի Մադիանացի, ցաներն Մովսիսի. Ահա մեք չուեմք ի տեղին զոր ասաց Տէր տալ զնա մեզ. եկ ընդ մեզ, եւ բարի արասցուք քեզ. զի Տէր խոստացաւ բարութիւնս Իսրայելի։

ԹԻՒՔ 10:33

Եւ չուեցին ի լեռնէ անտի Տեառն երեքօրեայ ճանապարհ. եւ տապանակ ուխտին Տեառն յառաջագոյն քան զնոսա երթայր երեքօրեայ ճանապարհաւ, դիտել նոցա հանգիստ։

ԱՒԵՏԱՐԱՆ ԸՍՏ ՂՈՒԿԱՍՈՒ 2:8

Եւ հովիւք էին ի տեղւոջն յայնմիկ բացօթեագք, որ պահէին զպահպանութիւնս գիշերոյ հօտից իւրեանց։

ԳՈՐԾՔ ԱՌԱՔԵԼՈՑ 7:30

Եւ ի կատարել ամացն քառասնից՝ երեւեցաւ նմա յանապատի լերինն Սինայ հրեշտակ Տեառն ի բոց հրոյ մորենւոյն։

ԵՐԿՐՈՐԴՈՒՄՆ ՕՐԻՆԱՑ 1:2

(Մետասանօրեայ ճանապարհ ի Քորեբայ ցլեառն Սէիր՝՝ մինչեւ ցԿադեսբառնեայ)։

ԵՐԿՐՈՐԴՈՒՄՆ ՕՐԻՆԱՑ 1:6

Տէր Աստուած մեր խօսեցաւ ընդ մեզ ի Քորեբ եւ ասէ. Շատ լիցի ձեզ բնակելդ ի լերինս յայսմ.

ԵՐԿՐՈՐԴՈՒՄՆ ՕՐԻՆԱՑ 4:10

Զօրն յորում կացէք դուք ի Քորեբ առաջի Տեառն Աստուծոյ ձերոյ յաւուրն եկեղեցւոյ՝՝, յորժամ ասաց ցիս Տէր, թէ Եկեղեցացո առ իս զժողովուրդդ, եւ լուիցեն զպատգամս իմ զոր ուսուցից երկնչել յինէն զամենայն աւուրս որչափ կենդանի իցեն դոքա ի վերայ երկրի, եւ ուսուսցեն զորդիս իւրեանց։

ԴԱՏԱՒՈՐՔ 4:11

Եւ մերձաւորք Կինեցւոյն մեկնեցան՝՝ ի Կինեայ՝ յորդւոցն Յովբաբայ աներոյն Մովսիսի, եւ եհար զխորան իւր առ կաղնեաւն հանգուցելոցն՝ որ է մերձ ի Կադէս։

ԹԱԳԱՒՈՐՈՒԹԵԱՆՑ ԱՌԱՋԻՆ 16:11

Եւ ասէ Սամուէլ ցՅեսսէ. Ա՞յդչափ են մանկտիդ։ Եւ ասէ. Կայ մեւս եւս փոքրիկ եւ արածէ խաշն։ Եւ ասէ Սամուէլ ցՅեսսէ. Առաքեա եւ ած զնա. զի ոչ բազմեսցուք մինչեւ ի գալ նորա այսր։