ԵԼՔ 27:3 - Գրաբար Աստվածաշունչ (1895)

³ Եւ արասցես պսակ սեղանոյն, եւ զնուարտանն՝՝ նորա, եւ զտաշտսն եւ զմսահանսն եւ զկրակարանսն, եւ զամենայն սպասն արասցես պղնձի։

ԵԼՔ 27:3 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 7:40

Եւ արար Քիրամ զսանսն եւ զջեռուցիչսն եւ զտաշտսն. եւ կատարեաց Քիրամ առնել զամենայն գործն զոր արար արքայի Սողոմոնի ի տան Տեառն.

ԹԱԳԱՒՈՐՈՒԹԵԱՆՑ ԵՐՐՈՐԴ 7:45

եւ զսանսն եւ զջեռուցիչսն զերեսին եւ զտաշտսն, եւ զամենայն կահն զոր արար Քիրամ արքայի Սողոմոնի ի տանն Տեառն եւ սիւնք քառասուն եւ ութ տանն արքայի եւ տանն Տեառն. զամենայն գործ զարքայի պատրաստեաց Քիրամ պղնձի համօրէն. եւ ոչ գոյր կշիռ պղնձոյն որով արար զամենայն զգործսն զայնոսիկ ի բազմութենէ անտի յոյժ, եւ ոչ գոյր չափ կշռոյ պղնձոյն՝՝ փայլնոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 7:50

եւ զդրանդսն եւ զբեւեռսն՝՝ եւ զտաշտսն եւ զսկաւառակսն եւ զտուփսն՝՝ ոսկիս զուտ, եւ զդրունս տանն ներքնոյ, զսրբութեան սրբութեանցն, եւ զդրունս տան տաճարին՝ ոսկիս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:14

Եւ զսանսն եւ զկատսայսն եւ զտաշտսն եւ զտուփս, եւ զամենայն անօթս պղնձիս որովք պաշտէին՝ առին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:15

Եւ զբուրուառսն եւ զափսեայսն զարծաթիս եւ զոսկիս ա՛ռ դահճապետն.

ՄՆԱՑՈՐԴԱՑ ԱՌԱՋԻՆ 28:17

եւ զմսահանացն եւ զնուիրանոցացն եւ զտաշտիցն ոսկեղինաց, եւ զկշիռս ոսկւոյ եւ արծաթոյ, եւ զտփոցն զիւրաքանչիւր ուրուք՝՝։

ՄՆԱՑՈՐԴԱՑ ԵՐԿՐՈՐԴ 4:11

Եւ արար Քիրամ զմսահանսն եւ զկատսայս եւ զկասկարայս սեղանոյն, եւ զամենայն զկահն նորա՝՝։ Եւ կատարեաց Քիրամ առնել զամենայն գործն զոր հրամայեաց արքայն Սողոմոն ի տանն Աստուծոյ։

ՄՆԱՑՈՐԴԱՑ ԵՐԿՐՈՐԴ 4:16

եւ զկասկարայս եւ զբառնալիսն եւ զսանսն՝՝ եւ զմսահանսն, եւ զամենայն կահ նոցա զոր արար Քիրամ, եւ տարաւ՝՝ արքայի Սողոմոնի ի տունն Տեառն ի մաքուր պղնձոյ։

ԵԼՔ 24:6

Եւ առեալ Մովսիսի զկէս արեանն արկ ի խառնելիսն, եւ զկէս արեանն եհեղ առաջի սեղանոյն։

ԵԼՔ 27:19

Եւ ամենայն կահ խորանին եւ ամենայն գործի նորա՝՝ եւ ամենայն ցիցք սրահին՝ պղնձիք։

ԵԼՔ 27:2

Եւ արասցես զեղջեւրս նորա ի վերայ չորեցունց անկեանց իւրոց, զի անդստին ընտրեալ իցեն եղջեւրքն. եւ պատեսցես զնա պղնձով։

ԵԼՔ 27:4

Եւ արասցես նմա գահաւորակ վանդակակերպ պղնձի. եւ արասցես գահաւորակին չորս օղամանեակս պղնձիս ի չորեցունց կողմանէ։

ԵԼՔ 38:3

Եւ արար զամենայն կահ սեղանոյն, զխարիսխսն եւ զբլշակն եւ զտաշտսն եւ զմսահանսն եւ զբուրուառսն. եւ զամենայն կահ նորա արար պղնձի։

ՂԵՒՏԱԿԱՆ 16:12

Եւ առցէ լի բուրուառաւ կայծակունս հրոյ ի սեղանոյ անտի որ է առաջի Տեառն, եւ լցցէ զձեռս իւր խնկով հանդերձանացն մանր աղացելով, եւ տարցի ի ներքս քան զվարագոյրն։

ԹԻՒՔ 4:14

եւ դիցեն ի վերայ նորա զսպասն որովք պաշտիցեն ի վերայ նորա, եւ զբուրուառս եւ զմսահանս եւ զտաշտսն, եւ զծածկիչսն եւ՝՝ զամենայն սպաս սեղանոյն, եւ արկցեն ի վերայ նորա նուարտան մաշկեղէն կապուտակ. եւ անցուսցեն ընդ նա զլծակսն։ Եւ առցեն հանդերձ ծիրանի եւ ծածկեսցեն զաւազանն եւ զխարիսխս նորա, եւ արկցեն զնովաւ մաշկ կապուտակ, եւ դիցեն ի վերայ լծակացն։՝՝