ԵԼՔ 19:1 - Գրաբար Աստվածաշունչ (1895)

¹ Յամսեանն երրորդի ելանելոյ որդւոցն Իսրայելի յերկրէն Եգիպտացւոց, յաւուրն յայնմիկ եկին յանապատն Սինայ։

ԵԼՔ 19:1 Iomraidhean Croise

ԵԼՔ 12:2

Ամիսս այս եղիցի ձեզ սկիզբն ամսոց. առաջին եղիցի ձեզ յամիսս տարւոյ։

ԵԼՔ 12:51

Եւ եղեւ յաւուր յայնմիկ եհան Տէր զորդիսն Իսրայելի յերկրէն Եգիպտացւոց հանդերձ զօրութեամբ իւրեանց։

ԵԼՔ 12:6

Եւ եղիցի ձեզ պահեալ մինչեւ ի չորս եւ ի տասն աւուր ամսոյս այսորիկ. եւ զենցեն զնա ամենայն բազմութիւն ժողովրդեան որդւոցն Իսրայելի ընդ երեկս։

ԵԼՔ 16:1

Չուեցին յԵղիմայ, եւ եկին ամենայն ժողովուրդ որդւոցն Իսրայելի յանապատն ի Սին, որ է ընդ Եղիմ եւ ընդ Սինա, յաւուր հնգետասաներորդի յերկրորդի ամսեան ելանելոյ նոցա յերկրէն Եգիպտացւոց։

ԵԼՔ 3:12

Եւ ասէ. Ես եղէց ընդ քեզ. եւ այս եղիցի քեզ նշան թէ ես առաքեցի զքեզ հանել՝՝ զժողովուրդ իմ յԵգիպտոսէ, պաշտեսջիք զԱստուած ի լերինս յայսմիկ։

ԵԼՔ 40:2

Յամսեանն առաջնում յամսամտի ամսոյն կանգնեսցես զխորանն, զյարկ վկայութեանն։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:10

Եւ հանի զնոսա յերկրէն Եգիպտացւոց, եւ ածի զնոսա յանապատն.

ԹԻՒՔ 1:1

Եւ խօսեցաւ Տէր ընդ Մովսիսի յանապատին Սինայի, ի խորանին վկայութեան, ի միում՝ ամսեանն երկրորդի, յամին երկրորդի ելանելոյ նոցա յերկրէն Եգիպտացւոց, ասէ.

ԹԻՒՔ 10:12

Եւ չուեցին որդիքն Իսրայելի հանդերձ աղխիւքն՝՝ իւրեանց յանապատէն Սինայի. եւ եկաց ամպն յանապատին Փառանու։

ԹԻՒՔ 3:14

Եւ խօսեցաւ Տէր ընդ Մովսիսի յանապատին Սինայի եւ ասէ.

ԹԻՒՔ 33:15

Չուեցին յՌափիդիմայ, եւ բանակեցան յանապատին Սինայ։

ԵՐԿՐՈՐԴՈՒՄՆ ՕՐԻՆԱՑ 1:6

Տէր Աստուած մեր խօսեցաւ ընդ մեզ ի Քորեբ եւ ասէ. Շատ լիցի ձեզ բնակելդ ի լերինս յայսմ.

ԵՐԿՐՈՐԴՈՒՄՆ ՕՐԻՆԱՑ 4:10

Զօրն յորում կացէք դուք ի Քորեբ առաջի Տեառն Աստուծոյ ձերոյ յաւուրն եկեղեցւոյ՝՝, յորժամ ասաց ցիս Տէր, թէ Եկեղեցացո առ իս զժողովուրդդ, եւ լուիցեն զպատգամս իմ զոր ուսուցից երկնչել յինէն զամենայն աւուրս որչափ կենդանի իցեն դոքա ի վերայ երկրի, եւ ուսուսցեն զորդիս իւրեանց։

ԵՐԿՐՈՐԴՈՒՄՆ ՕՐԻՆԱՑ 4:15

Եւ զգուշացարուք յոյժ անձանց ձերոց. զի նմանութիւն ինչ ոչ տեսէք յաւուրն յայնմիկ յորում խօսեցաւ ընդ ձեզ Տէր ի Քորեբ լերինն ի միջոյ հրոյն.

ԵՐԿՐՈՐԴՈՒՄՆ ՕՐԻՆԱՑ 5:2

Տէր Աստուած մեր ուխտեաց ձեզ ուխտ ի Քորեբ։