ԵԼՔ 12:16 - Գրաբար Աստվածաշունչ (1895)

¹⁶ Եւ օրն առաջին կոչեսցի սուրբ, եւ օրն եւթներորդ նուիրեալ եղիցի ձեզ՝՝ սուրբ. զամենայն գործ սպասու մի՛ գործիցէք ի նմա, բայց միայն որ գործիցի ամենայն անձին՝՝ այն միայն գործեսցի ձեզ։

ԵԼՔ 12:16 Iomraidhean Croise

ԵԼՔ 16:23

Ասէ ցնոսա Մովսէս. Այս բան է զոր խօսեցաւ Տէր. Շաբաթ հանգիստ սուրբ Տեառն վաղիւ, որ ինչ եփելոց էք՝ եփեցէք, եւ որ ինչ հասուցանելոց էք՝ հասուցէք, եւ զամենայն զաւելորդն թողուցուք յամանս մինչեւ ցառաւօտ։

ԵԼՔ 16:29

Տեսէք զի Տէր ետ ձեզ զօրս զայս շաբաթ, վասն այնորիկ ինքն ետ ձեզ յաւուրն վեցերորդի հաց երկուց աւուրց. նստարուք իւրաքանչիւր ի տունս ձեր,՝՝ եւ մի՛ ոք ելանիցէ ի տեղւոջէ իւրմէ յաւուրն եւթներորդի։

ԵԼՔ 16:5

Եւ եղիցի յաւուրն վեցերորդի պատրաստեսցեն զոր ինչ բերիցենն, եւ եղիցի կրկին քան զայն զոր օրըստօրէն ժողովիցեն։

ԵԼՔ 20:10

Յաւուրն եւթներորդի շաբաթ Տեառն Աստուծոյ քո. մի՛ գործեսցես ի նմա զամենայն գործ քո, դու եւ ուստր քո եւ դուստր քո, ծառայ քո եւ աղախին քո, եզն քո եւ էշ քո եւ ամենայն անասուն քո, եւ եկն՝՝ քո եւ պանդուխտն որ ի քեզ։

ԵԼՔ 34:18

Զտօն բաղարջակերաց պահեսցես. զեւթն օր բաղարջ կերիցես, որպէս պատուիրեցի քեզ, ի ժամանակի իւրում յամսեանն կանխոց. զի յամսեանն կանխոց ելեր յԵգիպտոսէ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:13

Մի՛ յաճախէք. եթէ մատուցանիցէք ինձ նաշիհ՝ զուր է, եւ՝՝ խունկք ձեր պիղծ են ինձ. զգլուխս ամսոց ձերոց եւ զշաբաթս եւ զօրն մեծ ոչ առնում յանձն. զպահս եւ զդատարկութիւնս եւ՝՝

ՂԵՒՏԱԿԱՆ 23:21

Եւ կոչեսջիք զօրն զայն անուանեալ կոչեցեալ,՝՝ սուրբ եղիցի ձեզ. զամենայն գործ սպասաւորութեան մի՛ գործիցէք ի նմա. օրէն յաւիտենական եղիցի յազգս ձեր յամենայն բնակութեան ձերում։

ՂԵՒՏԱԿԱՆ 23:27

Ի տասներորդում աւուր ամսոյն եւթներորդի, որ օրն քաւութեան է, կոչեցեալ սուրբ եղիցի ձեզ. եւ խոնարհեցուսջիք զանձինս ձեր յիններորդ օրէն յերեկորեայ՝՝, եւ մատուսջիք ողջակէզս Տեառն։

ՂԵՒՏԱԿԱՆ 23:35

Եւ օրն առաջին կոչեցեալ սուրբ. զամենայն գործ սպասաւորութեան մի՛ գործիցէք։

ԹԻՒՔ 28:18

Եւ օրն առաջին կոչեցեալ՝՝ սուրբ լիցի ձեզ, զամենայն գործ սպասաւորութեան մի՛ գործիցէք.

ԹԻՒՔ 28:25

Եւ օրն եւթներորդ կոչեցեալ՝՝ սուրբ եղիցի ձեզ. զամենայն գործ սպասաւորութեան մի՛ գործիցէք ի նմա։

ԹԻՒՔ 28:26

Եւ յաւուրն նորեաց յորժամ մատուցանիցէք զոհ Տեառն զեւթներորդացն, կոչեցեալ սուրբ եղիցի ձեզ. զամենայն գործ սպասաւորութեան մի՛ գործիցէք.

ԹԻՒՔ 29:1

Եւ յամսեանն եւթներորդի որ օր մի իցէ ամսոյն, կոչեցեալ սուրբ եղիցի ձեզ. զամենայն գործ սպասաւորութեան մի՛ գործիցէք. օր նշանակելոյ եղիցի ձեզ։

ԹԻՒՔ 29:12

Եւ յաւուրն հնգետասաներորդի նորին եւթներորդի ամսոյ՝ կոչեցեալ սուրբ եղիցի ձեզ. զամենայն գործ սպասաւորութեան մի՛ գործիցէք, եւ տօնեսջիք զնա տօն Տեառն զեւթն օր։

ԱՒԵՏԱՐԱՆ ԸՍՏ ՅՈՎՀԱՆՆՈՒ 19:31

Իսկ Հրեայքն, քանզի ուրբաթ էր, զի մի՛ անդէն ի խաչին ագանիցին մարմինքն մինչեւ ցշաբաթն, (զի էր օր մեծ շաբաթուն այնորիկ,) աղաչեցին զՊիղատոս զի խորտակեսցեն զբարձս նոցա եւ բարձցին։

ԵՐԿՐՈՐԴՈՒՄՆ ՕՐԻՆԱՑ 16:8

Զվեց օր կերիցես բաղարջ, եւ յաւուրն եւթներորդի ելք տօն Տեառն Աստուծոյ քո. մի՛ գործեսցես ի նմա զամենայն գործ բայց որ ինչ գործիցի անձին՝՝։