ԵԼՔ 12:10 - Գրաբար Աստվածաշունչ (1895)

¹⁰ Եւ ոչ թողուցուք ի նմանէ յայգ. եւ ոսկր մի՛ բեկանիցէք ի նմանէ.՝՝ եւ որ ինչ մնայցէ ի նմանէ յայգ՝ հրով այրեսջիք։

ԵԼՔ 12:10 Iomraidhean Croise

ԵԼՔ 16:19

Եւ ասէ ցնոսա Մովսէս. Մի՛ ոք թողուցու այտի յայգ։

ԵԼՔ 23:18

Եւ մի՛ զոհեսցես ի վերայ խմորոյ զարիւն զոհից քոց, եւ մի՛ ագցի ճարպ տօնի իմոյ մինչեւ ցառաւօտ։

ԵԼՔ 29:34

Ապա թէ մնայցէ ի մսոյ զոհին կատարման եւ ի հացէ անտի յայգ, այրեսցես զնշխարն հրով, եւ մի՛ կերիցի, զի սրբութիւն Տեառն է։

ԵԼՔ 34:25

Մի՛ զենուցուս ի վերայ խմորելոյ զարիւն զոհից իմոց, եւ մի՛ ելանիցէ յայգ զենումն տօնի զատկի։

ՂԵՒՏԱԿԱՆ 19:6

Յաւուր յորում մատուցանիցէք՝ կերիցի, եւ ի վաղիւ անդր. եւ եթէ մնասցէ մինչեւ ցօրն երրորդ, հրով այրեսցի։

ՂԵՒՏԱԿԱՆ 22:30

ի նմին աւուր կերիցի, եւ մի՛ թողուցուք ի մսոյ անտի յայգ. զի ես եմ Տէր։

ԹԻՒՔ 9:12

եւ մի՛ թողուցուն ինչ ի նմանէ յայգ, եւ ոսկր մի՛ բեկանիցեն ի նմանէ. ըստ օրինի զատկին արասցեն զնա։