ԱՌ ԵՓԵՍԱՑԻՍ ԹՈՒՂԹ 4:25 - Գրաբար Աստվածաշունչ (1895)

²⁵ Վասն որոյ ի բաց ընկեցէք զստութիւն, խօսեցարուք զճշմարտութիւն իւրաքանչիւր ընդ ընկերի իւրում, զի եմք միմեանց անդամք։

ԱՌ ԵՓԵՍԱՑԻՍ ԹՈՒՂԹ 4:25 Iomraidhean Croise

ԹԱԳԱՒՈՐՈՒԹԵԱՆՑ ԵՐՐՈՐԴ 13:18

Եւ ասէ ցնա. Եւ ես մարգարէ եմ իբրեւ զքեզ. եւ հրեշտակ Տեառն խօսեցաւ ընդ իս եւ ասէ. Դարձո զնա առ քեզ ի տուն քո, եւ կերիցէ հաց եւ արբցէ ջուր։ Եւ ստեաց նմա։

ԳԻՐՔ ՍԱՂՄՈՍԱՑ 15:2

Պահեա զիս, Աստուած, զի ես ի քեզ յուսացայ. ասացի Տեառն. Տէր իմ ես դու, եւ բարիք իմ ինձ ի քէն են։

ԳԻՐՔ ՍԱՂՄՈՍԱՑ 52:3

Աստուած յերկնից նայեցաւ յամենայն որդիս մարդկան, տեսանել թէ իցէ՛ ոք իմաստուն որ խնդրիցէ զԱստուած։

ԵԼՔ 23:7

Յամենայն ի զուր բանէ՝՝ ի բաց լինիցիս, եւ զանպարտն եւ զարդարն մի՛ սպանանիցես. եւ զամպարիշտն մի՛ ապրեցուցանիցես վասն կաշառի՝՝։

ԱՌԱԿՔ ՍՈՂՈՄՈՆԻ 12:17

Եւ զյայտնի հաւատս պատմէ արդար՝՝. վկայ անօրինաց նենգաւոր է։

ԱՌԱԿՔ ՍՈՂՈՄՈՆԻ 12:19

Շրթունք ճշմարիտք հաստատեն զվկայութիւն, վկայ վաղվաղուկ՝ ունի՝՝ լեզու անիրաւ։

ԱՌԱԿՔ ՍՈՂՈՄՈՆԻ 12:22

Պիղծ են առաջի Տեառն շրթունք սուտք, իսկ որ առնէ զհաւատս՝ ընդունելի է նմա։

ԱՌԱԿՔ ՍՈՂՈՄՈՆԻ 21:6

Որ կուտէ զգանձս ստութեամբ լեզուի՝ զհետ երթայ սնոտեաց, եւ հասանէ յորոգայթս մահու։

ԱՌԱԿՔ ՍՈՂՈՄՈՆԻ 24:28

Մի՛ լինիր վկայ սուտ՝ ընկերի քում, եւ մի՛ լայնիր շրթամբք քովք։

ԱՌԱԿՔ ՍՈՂՈՄՈՆԻ 6:17

աչք թշնամանողի, լեզու անիրաւ, ձեռք որ հեղուն զարիւն արդար,

ԱՌԱԿՔ ՍՈՂՈՄՈՆԻ 8:7

Զի զճշմարտութիւն խոկասցէ կոկորդ իմ, եւ պիղծ են առաջի իմ շրթունք սուտք։

ՄԱՐԳԱՐԷՈՒԹԻՒՆ ԵՍԱՅԵԱՅ 63:8

Եւ ասաց՝ եթէ՝ Ժողովուրդ իմ են որդիքն իմ, եւ ոչ անարգեսցեն զիս. եւ եղեւ նոցա ի փրկութիւն յամենայն նեղութենէ նոցա։

ՄԱՐԳԱՐԷՈՒԹԻՒՆ ԵՍԱՅԵԱՅ 9:15

(զծերն եւ զակնառուն՝ այն առաջն է, եւ զմարգարէն որ զանօրէնութիւնն ուսուցանէր՝ այն վերջն է։)

ՄԱՐԳԱՐԷՈՒԹԻՒՆ ՈՎՍԵԱՅ 4:2

Անէծք եւ ստութիւն եւ սպանութիւն եւ գողութիւն եւ շնութիւն հեղեալ ի վերայ երկրի՝՝, եւ արիւն ընդ արիւնս խառնին։

ՂԵՒՏԱԿԱՆ 19:11

Մի՛ գողանայցէք, եւ մի՛ ստիցէք, եւ մի՛ զրպարտիցէք իւրաքանչիւր զընկեր իւր։

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:16

Այս բանք են զոր առնիցէք. Խօսեցարուք զճշմարտութիւն իւրաքանչիւր ընդ ընկերի իւրում, եւ դատաստան խաղաղութեան եւ արդար դատեցարուք ի դրունս ձեր.

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:19

Այսպէս ասէ Տէր ամենակալ. Պահքն չորրորդք եւ պահքն հինգերորդք, պահքն եւթներորդք եւ պահքն տասներորդք՝ եղիցին տանդ Յուդայ ի խնդութիւն եւ յուրախութիւն եւ ի տօնս բարութեանց. եւ ուրախ լիջիք,՝՝ եւ զճշմարտութիւն եւ զխաղաղութիւն սիրեցէք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 8:44

Դուք ի հօրէ ի Սատանայէ էք, եւ զցանկութիւնս հօրն ձերոյ կամիք առնել. զի նա մարդասպան էր ի սկզբանէ, եւ ի ճշմարտութեան ոչ եկաց, զի ոչ գոյ ճշմարտութիւն ի նմա. յորժամ խօսիցի սուտ, յիւրոց անտի խօսի. զի սուտ է եւ հայր նորա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:5

նոյնպէս եւ բազումքս մի մարմին եմք ի Քրիստոս, այլ իւրաքանչիւր միմեանց անդամք եմք։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 10:17

Զի մի հաց, մի՛ մարմին եմք բազումքս, զի ամենեքին ի միոջէ հացէ անտի վայելեմք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 7:14

Զի զինչ եւ պարծեցայ առ նմա վասն ձեր՝ ոչ ամաչեցի, այլ որպէս զամենայն ճշմարտութեամբ խօսեցաք ընդ ձեզ, նոյնպէս եւ պարծանքն մեր առ Տիտոս ճշմարիտ եղեն։

ԱՌ ԵՓԵՍԱՑԻՍ ԹՈՒՂԹ 4:15

այլ ճշմարտեալք սիրով՝ աճեցուսցուք ի նա զամենայն, որ է գլուխ, Քրիստոս.

ԱՌ ԵՓԵՍԱՑԻՍ ԹՈՒՂԹ 4:22

ի բաց մերկանալ ի ձէնջ ըստ առաջին գնացիցն զմարդն հին, զապականեալն ցանկութեամբք խաբէութեանն.

ԱՌ ԵՓԵՍԱՑԻՍ ԹՈՒՂԹ 4:31

Ամենայն դառնութիւն եւ բարկութիւն եւ սրտմտութիւն եւ աղաղակ եւ հայհոյութիւն բարձցի ի ձէնջ ամենայն չարութեամբն հանդերձ։

ԱՌ ԵՓԵՍԱՑԻՍ ԹՈՒՂԹ 5:30

զի անդամք եմք մարմնոյ նորա, ի մարմնոյ նորա եւ յոսկերաց նորա։

ԱՌ ԿՈՂՈՍԱՑԻՍ ԹՈՒՂԹ 3:8

Արդ ի բաց թօթափեցէք եւ դուք զայն ամենայն. զբարկութիւն, զսրտմտութիւն, զչարութիւն, զհայհոյութիւն, զխեղկատակութիւն ի բերանոց ձերոց։

ԱՌ ԿՈՂՈՍԱՑԻՍ ԹՈՒՂԹ 3:9

Մի՛ ստէք միմեանց. մերկացարուք զհին մարդն գործովքն իւրովք.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:10

պոռնկաց, արուագիտաց, մարդելուզաց, ստոց, ստերդմանց, եւ եթէ այլ ինչ իցէ հակառակ ողջամիտ վարդապետութեանս,

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:2

կեղծաւորութեամբ ստաբանք, խարեալք իւրեանց խղճիւն մտաց.

ԱՌ ՏԻՏՈՍ ԹՈՒՂԹ 1:12

Ասաց ոմն ի նոցանէ, իւրեանց իսկ մարգարէ. Կրետացիք հանապազասուտք, չարաճճիք, դատարկապորտք։

ԱՌ ՏԻՏՈՍ ԹՈՒՂԹ 1:2

յուսով կենացն յաւիտենից, զոր խոստացաւ անսուտն Աստուած յառաջ քան զժամանակս յաւիտենից,

ԱՌ ԵԲՐԱՅԵՑԻՍ ԹՈՒՂԹ 12:1

Այսուհետեւ եւ մեք որ այսչափ շուրջ զմեւք մածեալ ունիմք զբազմութիւն վկայից, զհպարտութիւն զամենայն ի բաց ընկեսցուք եւ զմեղս կարեւորս, համբերութեամբ ընթասցուք ի պատերազմ որ առաջի կայ մեզ.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:21

Որով ի բաց թօթափեալ զամենայն աղտեղութիւն եւ զյաւելուածս չարեաց, հեզութեամբ ընդունիջիք զբանն ընդաբոյս, որ կարօղն է կեցուցանել զոգիս ձեր։

ՊԵՏՐՈՍԻ ԱՌԱՋԻՆ՝՝ 2:1

Ի բաց թօթափել այսուհետեւ զամենայն չարութիւն եւ զամենայն նենգութիւն եւ զկեղծաւորութիւնս եւ զնախանձ եւ զամենայն չարախօսութիւն,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 21:8

Եւ ծուլացն եւ անհաւատից, սպանողաց եւ պոռնկաց եւ կախարդաց եւ կռապաշտից եւ դեղատուաց՝՝, եւ ամենայն ստոց՝ ամպարշտաց, որոց՝՝ բաժինն իւրեանց ի լճին այրեցելոյ հրով եւ ծծմբով, որ է մահն երկրորդ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 22:15

Այլ ելցեն արտաքս շունք եւ դեղատուք եւ սպանողք եւ կռապաշտք, եւ ամենեքեան որ սիրեն զստութիւն։

ԴԱՏԱՒՈՐՔ 16:11

Եւ ասէ ցնա. Եթէ կապելով կապեսցեն զիս եւթն կարովք նորովք, որովք չիցէ գործեալ գործ, տկարացայց եւ եղէց իբրեւ զմի ի մարդկանէ։