ԺՈՂՈՎՕՂ 9:2 - Գրաբար Աստվածաշունչ (1895)

² Եւ ունայնութիւն է յամենայնի. պատահար է՝՝ յարդարն եւ յամպարիշտն, ի բարին եւ ի չարն, ի սրբումն եւ ի պղծում, որ մատուցանէ պատարագ՝ եւ որ ոչն մատուցանէ. որպէս որ բարին է՝ եւ որպէս որ մեղանչէն, որպէս որ երդնուն՝ եւ որպէս որ յերդմանէն երկուցեալ է։

ԺՈՂՈՎՕՂ 9:2 Iomraidhean Croise

ԾՆՈՒՆԴՔ 24:3

եւ երդմնեցուցից զքեզ ի Տէր, յԱստուած երկնից եւ յԱստուած երկրի, զի մի՛ առցես կին որդւոյ իմում Իսահակայ ի դստերաց Քանանացւոց յորոց միջի ես բնակեմ։

ԳԻՐՔ ՅՈԲԱՅ 9:22

Վասն որոյ ասացի, թէ զմեծն եւ զհզօրն կորուսանէ բարկութիւն։

ԳԻՐՔ ՍԱՂՄՈՍԱՑ 73:3

Համբարձ զձեռն քո ի վերայ ամբարտաւանութեան նոցա՝՝ ի սպառ. որ ինչ անիրաւեցաւ թշնամին ի սրբութեան քում։

ԺՈՂՈՎՕՂ 2:26

Զի մարդոյ բարւոյ՝ առաջի երեսաց իւրոց ետ զիմաստութիւն եւ զգիտութիւն եւ զուրախութիւն, եւ մեղանչականին ետ զբաղումն յաճախել եւ ժողովել եւ տալ բարւոյն առաջի երեսաց Աստուծոյ. սակայն եւ այն ունայնութիւն է եւ յօժարութիւն ոգւոյ։

ԺՈՂՈՎՕՂ 3:19

Սակայն եւ ի մէջ նոցա՝՝ պատահար է որդւոց մարդկան, եւ պատահար է անասնոց, եւ պատահար յամենեսին ի նոսա. որպէս մահ սորա՝ նոյնպէս եւ մահ նորա եւ շունչ է յամենեսին. եւ զի՞նչ առաւելութիւն եղեւ մարդոյ քան զանասնոյ. եւ ոչ ինչ. զի ամենայն ինչ ընդունայն է։

ԺՈՂՈՎՕՂ 6:6

Եւ եթէ եկաց նա զհազար ամաց ելս, եւ զբարութիւն ինչ ոչ ետես, միթէ ո՞չ երթայցէ ամենայն ի մի տեղի։

ԺՈՂՈՎՕՂ 7:18

Մի՛ ամպարշտեր կարի, եւ մի՛ լինիր խիստ՝ զի մի՛՝՝ տարաժամ մեռցիս։

ԺՈՂՈՎՕՂ 7:2

Բարի է անուն բարի քան զեւղ բարի, եւ օր մահուան իւրոյ՝ քան զօր ծննդեան իւրոյ։

ԺՈՂՈՎՕՂ 9:11

Դարձայ եւ տեսի ի ներքոյ արեգական, զի ոչ թեթեւաց են ընթացք, եւ ոչ զօրաւորաց պատերազմ, եւ ոչ իմաստնոց հաց, եւ ոչ հանճարեղաց մեծութիւն, եւ ոչ գիտնոց շնորհք. զի ժամանակ եւ պատահար պատահէ ամենեցուն նոցա։

ԺՈՂՈՎՕՂ 9:3

Այս է որ չարն է յամենայնի՝ որ արարեալն է ընդ արեգակամբ, զի պատահար է յամենայնի. քանզի սիրտ որդւոց մարդկան լի եղեւ չարութեամբ, եւ զբաղումն ի սիրտս նոցա ի կենդանութեան իւրեանց, եւ զկնի նոցա՝՝ առ մեռեալսն։

ՄԱՐԳԱՐԷՈՒԹԻՒՆ ԵՐԵՄԵԱՅ 43:6

զարս եւ զկանայս եւ զմանկտի, եւ զդստերս թագաւորին, եւ զանձինս որ մնացեալ էին ի Նաբուզարդանայ դահճապետէ առ Գոդողեայ որդւոյ Աքիկամայ որդւոյ Սափանայ, եւ զԵրեմիա մարգարէ եւ զԲարուք որդի Ներեայ,

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:15

Եւ արդ մեք երանեմք այլոց, եւ բարեշէն են ամենեքին որ գործեն զանօրէնութիւն, եւ ընդդէմ դարձան Աստուծոյ եւ կեցին։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:18

Եւ դարձջիք եւ տեսջիք ի մէջ արդարոյն եւ ի մէջ անօրինին, եւ ի մէջ ծառայելոյն Աստուծոյ՝ եւ ի մէջ չծառայելոյն։

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:5

Եւ հասից ի վերայ ձեր դատաստանաւ. եւ եղէց վկայ արագ ի վերայ կախարդաց եւ կանանց շնացելոց, եւ ի վերայ այնոցիկ ոյք երդնուցուն յանուն իմ՝՝ ստութեամբ, եւ որ հատանիցեն զվարձս վարձկանի, եւ որ յաղթահարիցեն զայրիս եւ կռփիցեն զորբս, եւ որ խոտորիցեն զիրաւունս պանդխտին, եւ որ ոչ երկնչիցին յինէն, ասէ Տէր ամենակալ։

ԹԱԳԱՒՈՐՈՒԹԵԱՆՑ ԱՌԱՋԻՆ 14:26

Եւ եմուտ զօրն ի մեղուանոցն, եւ անցանէին քրթմնջելով՝՝. եւ չէր ոք որ դարձուցանէր զձեռն իւր ի բերան իւր. քանզի երկեաւ ժողովուրդն յերդմանէն Տեառն։