ԺՈՂՈՎՕՂ 2:7 - Գրաբար Աստվածաշունչ (1895)

⁷ Ստացայ ծառայս եւ աղախնայս, եւ ընդոծինք եղեն ինձ. եւ ստացուածք անդւոց եւ հօտից բազում եղեն ինձ քան զամենեցուն՝ որ յառաջ եղեալ էին քան զիս յԵրուսաղէմ։

ԺՈՂՈՎՕՂ 2:7 Iomraidhean Croise

ԾՆՈՒՆԴՔ 13:2

Եւ Աբրամ էր մեծատուն յոյժ անասնով եւ արծաթով եւ ոսկւով։

ԾՆՈՒՆԴՔ 14:14

Եւ իբրեւ լուաւ Աբրամ թէ գերի վարեցաւ եղբօրորդին իւր Ղովտ, համարեցաւ զընդոծինսն իւր երեք հարեւր եւ ութեւտասն։

ԾՆՈՒՆԴՔ 15:3

Եւ ասէ Աբրամ. Որովհետեւ ինձ ոչ ետուր զաւակ, ընդոծինն իմ ժառանգեսցէ զիս։

ԹԱԳԱՒՈՐՈՒԹԵԱՆՑ ԵՐՐՈՐԴ 4:23

եւ տասն եզն ընտիր, եւ քսան կով արօտական, եւ հարեւր ոչխար. թող զեղջերու եւ զայծեամն եւ զընտիր ընտիր հաւուց պարարելոց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:4

Եւ Մովսա արքայ Մովաբայ էր նեկաթ, եւ տայր արքային Իսրայելի հարկս՝ հարեւր հազար մաքեաց եւ հարեւր հազար խոյոց գեղմնաւորաց։

ՄՆԱՑՈՐԴԱՑ ԵՐԿՐՈՐԴ 26:10

Եւ շինեաց աշտարակս յանապատին, եւ փորեաց ջրհորս բազումս, վասն զի անասուն բազում էր նորա ի Սեփեղա եւ ի դաշտին, եւ այգեգործք ի լերինն եւ ի Կարմեղոս. քանզի սիրէր զերկրագործութիւն։

ԵԶՐ 2:55

Որդիք ծառայից Սողոմոնի, որդիք Սոտէ, որդիք Սոփերաթ, որդիք Փակդուրայ,

ԵԶՐ 2:58

Ամենայն որդիք Նաթանայ՝՝ եւ որդիք ծառայից Սողոմոնի, երեք հարեւր իննսուն եւ երկու։

ԳԻՐՔ ՆԷԵՄԵԱՅ 7:57

Որդիք ծառայիցն Սողոմոնի, որդիք Սուտի, որդիք Սոփերաթ որդիք Փարեդայ,

ԳԻՐՔ ՅՈԲԱՅ 1:3

Եւ էին խաշինք նորա՝ եւթն հազար ոչխար, ուղտք երեք հազարք, լուծք եզանց հինգ հարեւր, եւ էշք մատակք արօտականք հինգ հարեւր. եւ սպասք բազում յոյժ, եւ գործք մեծամեծք էին նորա ի վերայ երկրի.՝՝ եւ էր այրն այն ազնուական քան զամենայն արեւելեայսն։

ԳԻՐՔ ՅՈԲԱՅ 42:12

Եւ Տէր օրհնեաց զվերջինն Յոբայ քան զառաջինն. եւ էին խաշինք նորա՝ ոչխարք բեւր եւ չորեքհազար, ուղտք վեց հազարք, լուծք եզանց հազար, էշք մատակք արօտականք հազար։

ԱՒԵՏԱՐԱՆ ԸՍՏ ՂՈՒԿԱՍՈՒ 12:45

Ապա թէ ասիցէ ծառայն այն ի սրտի իւրում. Յամէ տէր իմ ի գալ. եւ սկսանիցի հարկանել զծառայսն եւ զաղախնայսն, ուտել եւ ըմպել եւ արբենալ,