ԺՈՂՈՎՕՂ 2:16 - Գրաբար Աստվածաշունչ (1895)

¹⁶ վասն զի ոչ գոյ յիշատակ իմաստնոյն ընդ անզգամին յաւիտեան. զի արդարեւ իսկ յաւուրսն որ գալոց են ամենայն ինչ մոռացօնք են. եւ զիա՞րդ մեռանիցի իմաստունն ընդ անմտին։

ԺՈՂՈՎՕՂ 2:16 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:33

Եւ ա՛ռ ողբս արքայ ի վերայ Աբեններայ, եւ ասէ. Միթէ որպէս մեռանիցի անզգա՞մ, մեռաւ Աբեններ. եթէ ըստ մահուան Նաբաղա՞յ մեռաւ Աբեններ.՝՝

ԳԻՐՔ ՍԱՂՄՈՍԱՑ 103:16

Յագեսցին ծառքն Տեառն, եւ մայրքն Լիբանանու զորս դու տնկեցեր։

ԳԻՐՔ ՍԱՂՄՈՍԱՑ 49:10

Իմ է ամենայն գազան անտառի, երէ լերանց եւ ամենայն անասուն՝՝։

ԳԻՐՔ ՍԱՂՄՈՍԱՑ 88:12

Քո են երկինք եւ քո է երկիր, զաշխարհս լրիւ իւրով դու հաստատեցեր։

ԵԼՔ 1:6

Վախճանեցաւ Յովսէփ եւ ամենայն եղբարք նորա, եւ ամենայն ազգն այն։

ԵԼՔ 1:8

Եկաց այլ թագաւոր՝՝ որ ոչ գիտէր զՅովսէփ։

ԱՌԱԿՔ ՍՈՂՈՄՈՆԻ 14:8

Իմաստութիւն խորագիտաց՝ ծանիցէ զճանապարհս նոցա, անմտութիւն անզգամաց՝ մոլորութեամբ։

ԺՈՂՈՎՕՂ 1:11

Ոչ գոյ յիշատակ առաջնոցն, նա եւ ոչ վերջնոցն որ լինելոց են. ոչ գոյ յիշատակ նոցա ընդ լինելոցսն ի վախճանի։

ԺՈՂՈՎՕՂ 2:14

Իմաստնոյն աչք իւր ի գլուխ իւրում, եւ որ անմիտն է՝ ընդ խաւար գնայ. եւ գիտացի ես թէ պատահար մի պատահելոց է ամենեցուն նոցա։

ԺՈՂՈՎՕՂ 2:15

Եւ ասացի ես ի սրտի իմում, թէ՝ Որպէս պատահարն անզգամին՝ եւ ինձ իսկ պատահեսցէ նոյն, եւ ընդէ՞ր իմաստնացայ. եւ զաւելորդս՝՝ խօսեցայ ի սրտի իմում. զի եւ այս իսկ ունայնութիւն է. զի անզգամն յաւելորդացն խօսի.՝՝

ԺՈՂՈՎՕՂ 6:8

Զի՞նչ առաւելութիւն է իմաստնոյն քան զանմտին, քանզի տնանկն գիտէ երթալ առաջի կենաց իւրոց՝՝։

ԺՈՂՈՎՕՂ 7:2

Բարի է անուն բարի քան զեւղ բարի, եւ օր մահուան իւրոյ՝ քան զօր ծննդեան իւրոյ։

ԺՈՂՈՎՕՂ 8:10

Եւ ապա տեսի ես ամպարիշտս մուծեալս ի գերեզմանս. եւ ի սրբոց անտի գնացին, եւ սուգ առին ի քաղաքին, զի՝՝ այնպէս արարին. սակայն եւ այն ընդունայնութիւն է։

ԺՈՂՈՎՕՂ 9:15

Եւ գտցի ի նմա այր մի տնանկ եւ իմաստուն եւ ապրեցուցանիցէ նա զքաղաքն իմաստութեամբ իւրով, եւ մարդ ոչ յիշեաց զայրն զայն տնանկ։

ԺՈՂՈՎՕՂ 9:5

Քանզի որ կենդանիքն են՝ գիտեն նոքա թէ մեռանելոց են. եւ մեռեալքն ոչ են գիտակ եւ ոչ իմիք. եւ ոչ եւս գոն նոցա վարձք՝ զի մոռացաւ յիշատակ նոցա.

ՄԱՐԳԱՐԷՈՒԹԻՒՆ ՄԱՂԱՔԻԱՅ 3:16

Զայս տրտնջեցին՝՝ երկիւղածքն Տեառն իւրաքանչիւր ընդ ընկերի իւրում. եւ անսաց Տէր, եւ լուաւ եւ գրեաց գիր յիշատակի առաջի երկիւղածաց Տեառն, եւ որոց սարսեն յանուանէ՝՝ նորա։

ԱՌ ԵԲՐԱՅԵՑԻՍ ԹՈՒՂԹ 9:27

Եւ զոր օրինակ կայ մնայ մարդկան մի անգամ մեռանել եւ յետ այնորիկ դատաստան,