ԺՈՂՈՎՕՂ 10:1 - Գրաբար Աստվածաշունչ (1895)

¹ Ճանճք մեռեալք զազրացուցանեն զեւղս անուշունս. պատուական է սակաւիկ ինչ յիմաստութենէ, քան զմեծ փառս անմտութեամբ՝՝։

ԺՈՂՈՎՕՂ 10:1 Iomraidhean Croise

ՄՆԱՑՈՐԴԱՑ ԵՐԿՐՈՐԴ 19:2

Եւ ել ընդ առաջ նորա Յէու որդի Անանեայ մարգարէ, եւ ասէ նա ցարքայ Յովսափատ. Եթէ մեղաւորին դու օգնե՞ս, եւ կամ ատելւոյն ի Տեառնէ բարեկա՞մ լինիս. վասն այդորիկ եղեւ ի վերայ քո բարկութիւն ի Տեառնէ։

ԳԻՐՔ ՆԷԵՄԵԱՅ 13:26

Եւ ասեմ ցնոսա՝՝. Ո՞չ յայդմ ամենայնի մեղաւ Սողոմոն թագաւոր Իսրայելի. եւ ո՞վ էր իբրեւ զնա իմաստուն յամենայն թագաւորս մեր՝՝. եւ սիրելի էր նա Աստուծոյ, եւ կացոյց զնա Աստուած թագաւոր ի վերայ ամենայն Իսրայելի. եւ զայսպիսի սիրելի Աստուծոյ եւ զիմաստուն եւ զմեծ թագաւոր՝ խոտորեցուցին եւ յանցուցին ի մեղս կանայք այլազգեաց՝՝։

ԳԻՐՔ ՆԷԵՄԵԱՅ 6:13

Եւ Տուբիաս եւ Սանաբաղատ կալան վարձկանս, եւ ժողովս բազումս վասն իմ, զի երկեայց եւ մտից ի տուն Տեառն եւ՝՝ մեղայց. եւ դիցեն ի վերայ իմ անուն չար։

ԳԻՐՔ ՅՈԲԱՅ 6:3

քան զաւազ ծովու ծանրագոյն լինէր. նա ուրեմն բանք իմ անզգամք են։

ԵԼՔ 30:25

Եւ արասցես զայն եւղ յօծումն սրբութեան, եւղ եփեալ ըստ արուեստի իւղագործաց, եւղ յօծումն սրբութեան լինիցի։

ԺՈՂՈՎՕՂ 9:18

Բարի է իմաստութիւն քան զանօթս պատերազմի, եւ յանցաւոր մի կորուսանէ զօրութիւնս բազումս։

ՄԱՐԳԱՐԷՈՒԹԻՒՆ ԱՆԳԵԱՅ 2:12

Եթէ առնուցու մարդ միս սուրբ ի դրօշակ հանդերձի իւրոյ, եւ մերձեսցի ձորձք իւր՝՝ ի հաց կամ ի թան կամ ի գինի կամ յեւղ, կամ յամենայն կերակուրս, իցէ՞ թէ սրբեսցի։ Պատասխանի ետուն քահանայքն եւ ասեն. Ոչ։

ՄԱՐԳԱՐԷՈՒԹԻՒՆ ԱՆԳԵԱՅ 2:13

Եւ ասէ Անգէոս. Թէ մերձենայցէ պիղծն կամ անսուրբն՝՝ ոգւով յամենայն ինչ յայնպիսեաց՝ իցէ՞ թէ պղծեսցի։ Պատասխանի ետուն քահանայքն եւ ասեն. Պղծի։