ԱՌ ԿՈՂՈՍԱՑԻՍ ԹՈՒՂԹ 3:8 - Գրաբար Աստվածաշունչ (1895)

⁸ Արդ ի բաց թօթափեցէք եւ դուք զայն ամենայն. զբարկութիւն, զսրտմտութիւն, զչարութիւն, զհայհոյութիւն, զխեղկատակութիւն ի բերանոց ձերոց։

ԱՌ ԿՈՂՈՍԱՑԻՍ ԹՈՒՂԹ 3:8 Iomraidhean Croise

ԳԻՐՔ ՍԱՂՄՈՍԱՑ 37:8

զի անձն իմ լի եղեւ չարչարանօք, եւ ոչ գոյ բժշկութիւն մարմնոյ իմոյ։

ԱՌԱԿՔ ՍՈՂՈՄՈՆԻ 17:14

Իշխանութիւն բանից տայ սկիզբն արդարութեան. եւ առաջնորդ լինի կարօտութեան՝ հակառակութիւն եւ կռիւ։՝՝

ԱՌԱԿՔ ՍՈՂՈՄՈՆԻ 19:19

Այր չարաբար՝ բազումս տուժեսցի, եւ եթէ եւս ժանտանայցէ՝ եւ զանձն եւս դիցէ ի վերայ։

ԱՌԱԿՔ ՍՈՂՈՄՈՆԻ 29:22

Այր բարկացող յարուցանէ զհակառակութիւն, եւ այր հեզ՝ դադարեցոյց զմեղս, եւ այր սրտմտող փորեաց զմեղս՝՝։

Մատթեոսի Աւետարան 5:22

Այլ ես ասեմ ձեզ եթէ. Ամենայն որ բարկանայ եղբօր իւրում տարապարտուց՝ պարտաւոր լիցի դատաստանի. եւ որ ասիցէ ցեղբայր իւր Յիմար՝ պարտաւոր լիցի ատենի. եւ որ ասիցէ ցեղբայր իւր Մորոս՝ պարտաւոր լիցի ի գեհեն հրոյն։

ԱՒԵՏԱՐԱՆ ԸՍՏ ՄԱՐԿՈՍԻ 7:22

գողութիւնք, սպանութիւնք, ագահութիւնք, չարութիւնք, նենգութիւնք, գիջութիւնք, չարակնութիւն, հայհոյութիւն, ամբարտաւանութիւն, անզգամութիւն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 13:13

Իբրեւ ի տուընջեան զգաստացեալք շրջեսցուք. մի՛ անառակութեամբք եւ արբեցութեամբք, եւ մի՛ խառն անկողնովք եւ պղծութեամբք, եւ մի՛ նախանձու եւ հակառակութեամբ.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 3:3

Ուր եւ արդ են իսկ ի ձեզ հեռ եւ նախանձ, ո՞չ ապաքէն մարմնաւոր էք եւ ըստ մարդկան գնայք։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 12:20

Այլ երկնչիմ, գուցէ եկեալ, ոչ որպէս ես կամիմն՝ գտանիցեմ զձեզ. եւ ես գտանիցիմ ձեզ՝ որպէս եւ դուք ոչ կամիցիք. գուցէ դարձեալ՝ հեռ, նախանձ, սրտմտութիւնք, գրգռութիւնք, չարախօսութիւնք, քսութիւնք, հպարտութիւնք, ամբարտաւանութիւնք, խռովութիւնք.

ԱՌ ԳԱՂԱՏԱՑԻՍ ԹՈՒՂԹ 5:15

Ապա եթէ զմիմեանս խածատիցէք եւ ուտիցէք, զգոյշ լերուք, գուցէ ի միմեանց սատակիցիք։

ԱՌ ԳԱՂԱՏԱՑԻՍ ԹՈՒՂԹ 5:20

կռապաշտութիւն, կախարդութիւն, թշնամութիւն, հեռ, նախանձ, բարկութիւն, հակառակութիւնք, երկպառակութիւնք, հերձուածք,

ԱՌ ԳԱՂԱՏԱՑԻՍ ԹՈՒՂԹ 5:26

Եւ մի՛ լիցուք սնապարծք՝ միմեանց ձայն տալով եւ ընդ միմեանս նախանձելով։

ԱՌ ԵՓԵՍԱՑԻՍ ԹՈՒՂԹ 4:22

ի բաց մերկանալ ի ձէնջ ըստ առաջին գնացիցն զմարդն հին, զապականեալն ցանկութեամբք խաբէութեանն.

ԱՌ ԵՓԵՍԱՑԻՍ ԹՈՒՂԹ 4:25

Վասն որոյ ի բաց ընկեցէք զստութիւն, խօսեցարուք զճշմարտութիւն իւրաքանչիւր ընդ ընկերի իւրում, զի եմք միմեանց անդամք։

ԱՌ ԵՓԵՍԱՑԻՍ ԹՈՒՂԹ 4:26

Բարկանայք, եւ մի՛ մեղանչէք. արեգակն ի վերայ բարկութեան ձերոյ մի՛ մտցէ։

ԱՌ ԵՓԵՍԱՑԻՍ ԹՈՒՂԹ 4:29

Ամենայն բան տգեղ ի բերանոյ ձերմէ մի՛ ելցէ, այլ որ ինչ բարին է ի շինած պիտոյից, զի տացէ շնորհս այնոցիկ որ լսենն։

ԱՌ ԵՓԵՍԱՑԻՍ ԹՈՒՂԹ 5:4

եւ զազրութիւն կամ խօսք յիմարութեան կամ խեղկատակութիւն որ ոչ վայելէ, այլ մանաւանդ գոհութիւն։

ԱՌ ԿՈՂՈՍԱՑԻՍ ԹՈՒՂԹ 3:5

Սպանէք այսուհետեւ զանդամս ձեր զերկրաւորս. ի բաց ընկեցէք՝՝ զպոռնկութիւն, զպղծութիւն, զբիծ, զցանկութիւն չարեաց, եւ զագահութիւն՝ որ է կռապաշտութիւն.

ԱՌ ԿՈՂՈՍԱՑԻՍ ԹՈՒՂԹ 3:9

Մի՛ ստէք միմեանց. մերկացարուք զհին մարդն գործովքն իւրովք.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:13

որ յառաջագոյն հայհոյիչն էի եւ հալածիչ եւ թշնամանիչ, այլ գտի ողորմութիւն, զի զայն յանգիտութեան եւ յանհաւանութեան գործէի.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 1:20

որոց սակի են Հիմենոս եւ Աղեքսանդրոս, զորս մատնեցի Սատանայի, զի խրատեսցին չհայհոյել։

ԱՌ ԵԲՐԱՅԵՑԻՍ ԹՈՒՂԹ 12:1

Այսուհետեւ եւ մեք որ այսչափ շուրջ զմեւք մածեալ ունիմք զբազմութիւն վկայից, զհպարտութիւն զամենայն ի բաց ընկեսցուք եւ զմեղս կարեւորս, համբերութեամբ ընթասցուք ի պատերազմ որ առաջի կայ մեզ.

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:7

Ո՞չ նոքա հայհոյեն զբարւոք անունն որ կոչեցեալ է ի վերայ ձեր։

ՊԵՏՐՈՍԻ ԱՌԱՋԻՆ՝՝ 2:1

Ի բաց թօթափել այսուհետեւ զամենայն չարութիւն եւ զամենայն նենգութիւն եւ զկեղծաւորութիւնս եւ զնախանձ եւ զամենայն չարախօսութիւն,

ԹՈՒՂԹ ՊԵՏՐՈՍԻ ԵՐԿՐՈՐԴ 2:18

Քանզի մեծաբանս սնոտեաց բարբառեալ պատրեն գիջութեամբք, ցանկութեամբք մարմնոյ զայնոսիկ՝ որ ստոյգն փախչիցին յայնցանէ՝ որ ի մոլորութեանն շրջիցին.

ԹՈՒՂԹ ՊԵՏՐՈՍԻ ԵՐԿՐՈՐԴ 2:7

Եւ զարդարն զՂովտ ձանձրացեալ յանկարգ գիջութեան գնացից՝ փրկեաց.

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:13

անսաստ ալիք ծովու, որ միշտ փրփրեն զիւրեանց անձանցն զամօթ. աստեղք մոլարք, որոց վիհ խաւարին յաւիտենից պահեալ է։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:8

Ըստ նմին օրինակի եւ սոքա իբրեւ քնով դանդաչեալք՝ զմարմին պղծեն, զտէրութիւնս քամահեն, զփառսն հայհոյեն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 16:9

Եւ տուաւ նմա խորշակահար առնել զմարդիկ հրով. եւ տապացան մարդիկ ի տապ մեծ, եւ հայհոյեցին զԱստուած որ ունի իշխանութիւն ի վերայ հարուածոցս այսոցիկ. եւ ոչ ապաշխարեցին ի փառս Աստուծոյ։