ԳՈՐԾՔ ԱՌԱՔԵԼՈՑ 3:16 - Գրաբար Աստվածաշունչ (1895)

¹⁶ Եւ հաւատովք անուան նորա զսա զոր տեսանէք եւ գիտէք՝ հաստատեաց անուն նորա. եւ հաւատքն որ նովաւ՝ ետուն դմա զառողջութիւնս զայս յանդիման ձեր ամենեցուն։

ԳՈՐԾՔ ԱՌԱՔԵԼՈՑ 3:16 Iomraidhean Croise

Մատթեոսի Աւետարան 14:29

Եւ նա ասէ. Եկ։ Եւ իջեալ ի նաւէն Պետրոս՝ գնաց ի վերայ ջուրցն, եւ եկն՝՝ առ Յիսուս։

Մատթեոսի Աւետարան 9:22

Իսկ Յիսուս իբրեւ դարձաւ եւ ետես զնա, ասէ. Քաջալերեաց, դուստր, հաւատք քո կեցուցին զքեզ։ Եւ փրկեցաւ կինն ի ժամէն յայնմանէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:12

Ամէն ամէն ասեմ ձեզ թէ որ հաւատայն յիս, զգործսն զոր ես գործեմ, եւ նա գործեսցէ, եւ մեծամեծս եւս քան զնոյնս գործեսցէ. զի ես առ Հայր երթամ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 7:23

Իսկ արդ եթէ թլփատութիւն առնու մարդ ի շաբաթու, զի մի՛ օրէնքն Մովսիսի լուծցին, ընդ իս ցասուցեա՞լ էք զի ողջոյն իսկ մարդ բժշկեցի ի շաբաթու։

ԳՈՐԾՔ ԱՌԱՔԵԼՈՑ 14:9

ասէ մեծաձայն. Քեզ ասեմ յանուն Տեառն մերոյ Յիսուսի Քրիստոսի.՝՝ Յոտն կաց ի վերայ ոտից քոց ուղիղ։ Եւ վազվազէր եւ գնայր։

ԳՈՐԾՔ ԱՌԱՔԵԼՈՑ 16:18

Եւ զայս առնէր ի բազում աւուրս. զայրացեալ Պաւղոս՝ դարձաւ եւ ասէ ցայսն. Պատուիրեմ քեզ յանուն Յիսուսի Քրիստոսի ելանել ի դմանէ։ Եւ ել ի նմին ժամու։

ԳՈՐԾՔ ԱՌԱՔԵԼՈՑ 3:6

Եւ ասէ Պետրոս. Արծաթ եւ ոսկի ոչ ունիմ, բայց զոր ունիմս՝ զայս տաց քեզ. յանուն Յիսուսի Քրիստոսի Նազովրեցւոյ արի եւ գնա։

ԳՈՐԾՔ ԱՌԱՔԵԼՈՑ 3:8

Ի վեր վազեաց եւ սկսաւ գնալ, եւ եմուտ ընդ նոսա ի տաճարն, գնայր եւ վազվազէր եւ օրհնէր զԱստուած։

ԳՈՐԾՔ ԱՌԱՔԵԼՈՑ 4:10

Յայտնի լիցի ամենեցուն ձեզ եւ ամենայն ժողովրդեանդ Իսրայելի, զի յանուն Յիսուսի Քրիստոսի Նազովրեցւոյ զոր դուքն խաչեցէք, զոր Աստուած յարոյց ի մեռելոց, նովաւ սա կայ աւասիկ առաջի ձեր ողջացեալ։

ԳՈՐԾՔ ԱՌԱՔԵԼՈՑ 4:30

ի ձգել զձեռն քո ի բժշկութիւն, եւ նշանս եւ արուեստս լինել անուամբն սրբոյ Որդւոյ քո Յիսուսի։

ԳՈՐԾՔ ԱՌԱՔԵԼՈՑ 4:7

Եւ կացուցեալ զնոսա ի մէջ՝ հարցանէին. Որո՞վ զօրութեամբ կամ որո՞վ անուամբ արարէք դուք զայս։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 3:22

Քանզի արդարութիւնն Աստուծոյ ի հաւատոց անտի Յիսուսի Քրիստոսի յամենայն հաւատացեալս՝՝. եւ ոչինչ է խտիր։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 13:2

Եւ եթէ ունիցիմ զմարգարէութիւն, եւ գիտիցեմ զխորհուրդս ամենայն եւ զամենայն գիտութիւն, եւ եթէ ունիցիմ զամենայն հաւատս մինչեւ զլերինս փոփոխելոյ, եւ սէր ոչ ունիցիմ, ոչինչ եմ։

ԵՐԿՐՈՐԴՈՒՄՆ ՕՐԻՆԱՑ 32:4

Աստուած՝ որոյ ճշմարիտ են գործք նորա, եւ ամենայն ճանապարհք նորա իրաւամբք, Աստուած հաւատարիմ է եւ ոչ գոյ ի նմա անիրաւութիւն, արդար եւ անարատ է Տէր։