ԳՈՐԾՔ ԱՌԱՔԵԼՈՑ 21:2 - Գրաբար Աստվածաշունչ (1895)

² Եւ գտեալ նաւ մի զի երթայր ի Փիւնիկէ, ելեալ ի նա գնացաք։

ԳՈՐԾՔ ԱՌԱՔԵԼՈՑ 21:2 Iomraidhean Croise

ՄԱՐԳԱՐԷՈՒԹԻՒՆ ՅՈՎՆԱՆՈՒ 1:3

Եւ յարեաւ Յովնան փախչել ի Թարսիս յերեսաց Տեառն. էջ ի Յոպպէ եւ եգիտ նաւ որ երթայր ի Թարսիս, ետ գինս եւ եմուտ ի նա՝ նաւել ընդ նոսա ի Թարսիս յերեսաց Տեառն։

ԳՈՐԾՔ ԱՌԱՔԵԼՈՑ 11:19

Եւ ցրուեալքն ի նեղութենէն որ եղեւ ի վերայ Ստեփանոսի՝ հասին մինչեւ ի Փիւնիկէ եւ ի Կիպրոս եւ յԱնտիոքիա. ոչ ումեք խօսէին զբանն, բայց միայն Հրէից։

ԳՈՐԾՔ ԱՌԱՔԵԼՈՑ 15:3

Նոքա յուղարկեալք յեկեղեցւոյն՝ շրջեցան ընդ Փիւնիկէ եւ ընդ Սամարիա. պատմէին զդարձն հեթանոսաց, եւ առնէին ուրախութիւն մեծ ամենայն եղբարց։

ԳՈՐԾՔ ԱՌԱՔԵԼՈՑ 21:3

Եւ յայտ եղեալ Կիպրեայ՝ թողաք զնա ի ձախակողմն, նաւեցաք յԱսորիս եւ իջաք ի Տիւրոս, քանզի անդ էր նաւն թափելոց զբեռինսն։

ԳՈՐԾՔ ԱՌԱՔԵԼՈՑ 27:6

Եւ անդ գտեալ հարիւրապետին նաւ մի Աղեքսանդրացի որ երթայր յԻտալիա՝ եմոյծ զմեզ անդր։