ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 3:10 - Գրաբար Աստվածաշունչ (1895)

¹⁰ Քանզի մինչ առ ձեզն իսկ էաք, զայս պատուիրէաք ձեզ, թէ՝ Որ ոչն կամիցի գործել, եւ կերիցէ մի՛։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 3:10 Iomraidhean Croise

ԾՆՈՒՆԴՔ 3:19

Քրտամբք երեսաց քոց կերիցես զհաց քո, մինչեւ դարձցիս յերկիր ուստի առար. զի հող էիր եւ ի հող դարձցիս։

ԱՌԱԿՔ ՍՈՂՈՄՈՆԻ 13:4

Ի կարօտութեան է ամենայն վատ, ձեռք ժրաց ի դարմանս։՝՝

ԱՌԱԿՔ ՍՈՂՈՄՈՆԻ 20:4

Թէպէտ եւ նախատի վատ՝ ոչ ամաչէ, նոյնպէս եւ որ առնու ցորեան փոխ ամարանի։՝՝

ԱՌԱԿՔ ՍՈՂՈՄՈՆԻ 21:25

Ցանկութիւնք սպանանեն զվատ՝՝, զի ոչ յօժարեն ձեռք նորա գործել ինչ։

ԱՒԵՏԱՐԱՆ ԸՍՏ ՂՈՒԿԱՍՈՒ 24:44

Եւ ասէ ցնոսա. Այս բանք են զոր խօսեցայ ընդ ձեզ, մինչ առ ձեզն էի թէ՝ Պարտ է լնուլ ամենայն գրելոցն յօրէնսն Մովսիսի եւ ի մարգարէս եւ ի սաղմոսս վասն իմ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:4

Այլ եւ զայս խօսեցայ ընդ ձեզ, զի յորժամ եկեսցէ ժամանակ, յիշիցէք թէ ես ասացի ձեզ. զայս ի սկզբանէ ոչ ասացի ձեզ, քանզի ընդ ձեզ էի։

ԳՈՐԾՔ ԱՌԱՔԵԼՈՑ 20:18

Եւ իբրեւ եկին առ նա, ասէ ցնոսա. Դուք ձեզէն գիտէք յօրէ յառաջնմէ յորմէ եկի յԱսիա, ո՛րպէս ընդ ձեզ զամենայն ժամանակսն եղէ.

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 3:4

քանզի մինչ առ ձեզն իսկ էաք, յառաջագոյն ասէաք ձեզ թէ նեղութիւնք հասանելոց են ի վերայ մեր, որպէս եւ եղեւ իսկ, եւ գիտացէք։

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 4:11

հանդարտել եւ գործել զիւրաքանչիւր, եւ գործել ձեռօք ձերովք, որպէս եւ պատուիրեցաք ձեզ, զի գնայցէք պարկեշտութեամբ առ արտաքինսն, եւ մի՛ իւիք կարօտեալք իցէք։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 2:5

Ո՞չ յիշիցէք զի մինչ առ ձեզն իսկ էի, ասէի զայս։