ԹԱԳԱՒՈՐՈՒԹԵԱՆՑ ԵՐԿՐՈՐԴ 3:8 - Գրաբար Աստվածաշունչ (1895)

⁸ Եւ բարկացաւ Աբեններ յոյժ վասն բանին Յեբուսթեայ, եւ ասէ ցնա Աբեններ. Միթէ շան գլո՞ւխ իցեմ ես, որ արարի ողորմութիւն այսօր ի վերայ տանն Սաւուղայ հօր քո, եւ ի վերայ եղբարց եւ ի վերայ բարեկամաց, եւ ոչ եղէ անձնատուր ի տունն՝՝ Դաւթի. եւ խնդրես յինէն այսօր վրէժ կնոջ միոյ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:9

Եւ ասէ Աբեսսա որդի Շարուհեայ ցԴաւիթ. Ընդէ՞ր անիծանէ այնպէս շուն մի մեռեալ զտէր իմ զարքայ. անցից եւ առից զգլուխ նորա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:8

Եւ Աբեններ որդի Ներեայ զօրավար Սաւուղայ առ զՅեբուսթէ զորդի Սաւուղայ, եւ տարաւ զնա ի բանակն,

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:18

եւ արդ արարէք, զի Տէր խօսեցաւ վասն Դաւթի եւ ասէ. Ձեռամբ ծառայի իմոյ Դաւթի փրկեցից զԻսրայէլ ի ձեռաց այլազգեացն եւ ի ձեռաց ամենայն թշնամեաց իւրեանց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:9

Օն եւ օն արասցէ Աստուած Աբեններայ եւ օն եւ օն յաւելցէ նմա, եթէ ոչ որպէս երդուաւ Տէր Դաւթի, այնպէս արարից նմա.

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:2

Եւ յերէկն եւ յեռանդ մինչ էր Սաւուղ թագաւոր ի վերայ մեր, դու էիր որ մուծանէիր եւ հանէիր զԻսրայէլ. եւ ասաց քեզ Տէր. Դու հովուեսցես ժողովրդեան իմոյ Իսրայելի, եւ դու լիցիս առաջնորդ ի վերայ Իսրայելի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 9:8

Եւ երկիր եպագ Մեմփիբոսթէ եւ ասէ. Ո՞վ է ծառայ քո, զի հայեցար ի շուն մի մեռեալ նմանող ինձ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:13

Եւ ասէ Ազայէլ. Ո՞վ է ծառայ քո շուն մի, եթէ առնիցէ զբանդ զայդ։ Եւ ասէ Եղիսէ. Եցոյց ինձ Տէր թագաւորել քեզ ի վերայ Ասորւոց։

ԳԻՐՔ ՍԱՂՄՈՍԱՑ 76:10

Կամ մոռասցի՞ գթալ Աստուած իմ եւ եւս, կամ արգելցէ՞ զգթութիւն իւր բարկութեամբ իւրով։ Հանգիստ։

ՄԱՐԳԱՐԷՈՒԹԻՒՆ ԵՍԱՅԵԱՅ 37:23

Զո՞ նախատեցեր եւ գրգռեցեր, եւ առ ո՞ բարձրացուցեր զբարբառ քո, եւ ոչ ամբարձեր զաչս քո ի բարձունս ի Սուրբն Իսրայելի։

ԵՐԿՐՈՐԴՈՒՄՆ ՕՐԻՆԱՑ 23:18

Մի՛ տարցիս զկապէնս պոռնկի, եւ մի՛ զշանսխուրս ի տուն Աստուծոյ քո յամենայն ուխտս. զի պիղծ են առաջի Տեառն Աստուծոյ քո երկոքեան։

ԹԱԳԱՒՈՐՈՒԹԵԱՆՑ ԱՌԱՋԻՆ 15:28

Եւ ասէ ցնա Սամուէլ. Պատառեաց Տէր զթագաւորութիւնդ ի ձեռաց քոց յԻսրայելէ այսօր, եւ տացէ զդա ընկերի քում լաւագունի քան զքեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:43

Եւ ասէ այլազգին ցԴաւիթ. Զիա՞րդ. շո՞ւն եմ ես զի ցպով եւ քարամբք գաս ի վերայ իմ։ Եւ ասէ Դաւիթ. Նա եւ վատթար եւս ես քան զշուն՝՝։ Եւ նզովեաց այլազգին զԴաւիթ դիօքն իւրովք։