ԹԱԳԱՒՈՐՈՒԹԵԱՆՑ ԵՐԿՐՈՐԴ 3:27 - Գրաբար Աստվածաշունչ (1895)

²⁷ Եւ դարձոյց զԱբեններ ի Քեբրոն, եւ խոտորեցոյց զնա Յովաբ ի կողմանց դրանն խօսել ընդ նմա դաւաճանութեամբ. եւ եհար ընդ սնակուշտն, եւ մեռաւ. վասն արեանն Ասայելի եղբօր Յովաբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:27 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 13:26

Եւ ասէ Աբիսողոմ. Ապա թէ ոչ՝ գոնէ եկեսցէ ընդ իս Ամոն եղբայր իմ։ Եւ ասէ արքայ. Ընդէ՞ր երթիցէ ընդ քեզ Ամոն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:13

Եւ ցԱմեսայի ասասջիք. Ո՞չ ոսկր իմ եւ մարմին իմ ես դու, եւ արդ օն եւ օն արասցէ ինձ Աստուած եւ օն եւ օն յաւելցէ, եթէ ոչ իշխան զօրուն լինիցիս առաջի իմ զամենայն աւուրս փոխանակ Յովաբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:26

Եւ ել Յովաբ ի Դաւթէ, եւ արձակեաց հրեշտակս զկնի Աբեններայ, եւ դարձուցին զնա ի ջրհորոյ անտի Սէիրմայ. եւ Դաւիթ ոչ գիտէր։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:28

Եւ լուաւ Դաւիթ յետ այնորիկ եւ ասէ. Անպարտ եմ ես եւ թագաւորութիւն իմ ի Տեառնէ մինչեւ ցյաւիտեան՝ յարենէն Աբեններայ որդւոյ Ներեայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 4:1

Եւ լուաւ Յեբուսթէ որդի Սաւուղայ եթէ մեռաւ Աբեններ ի Քեբրոն, լուծան ձեռք իւր, եւ ամենայն արք Իսրայելի լքան։

ԹԱԳԱՒՈՐՈՒԹԵԱՆՑ ԵՐՐՈՐԴ 2:32

Դարձոյց Տէր զարիւն անիրաւութեան նորա ի նորին գլուխ, որպէս պատահեաց երկուց արանց արդարոց եւ քաջաց քան զնա, եւ սպան զնոսա սրով, եւ հայր իմ ոչ գիտաց զարիւն նոցա՝՝, զԱբեններ որդի Ներեայ՝ զսպարապետն Իսրայելի, եւ զԱմեսայի որդի Յեթերայ՝ զսպարապետն Յուդայ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:5

Եւ դու ինքնին գիտես, զոր ինչ արար ինձ Յովաբ որդի Շարուհեայ, զոր ինչ արար ընդ երկուս իշխանս զօրաց Իսրայելի՝ ընդ Աբեններ որդի Ներեայ եւ ընդ Ամեսայի որդի Յեթերայ, եւ սպան զնոսա, եւ խնդրեաց զարիւն պատերազմի ի խաղաղութեան, եւ ետ զարիւն անպարտ ի կեանս իւրում,՝՝ ի մէջ իւր եւ ի կօշիկս ոտից իւրոց։

ՄՆԱՑՈՐԴԱՑ ԱՌԱՋԻՆ 27:21

եւ կիսոյ ցեղին Մանասէի որ էր ի Գաղաադ՝ Յադայի որդի Զաքարեայ. որդւոցն Բենիամինի՝ Ասիէլ որդի Աբեններայ,

ԱՌԱԿՔ ՍՈՂՈՄՈՆԻ 26:26

Որ խղխայթէ զթշնամութիւն, յայտ առնէ զնենգութիւն. սուզանէ զվնաս իւր բանգէտն յատենի։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 41:2

Եւ յարեաւ Իսմայէլ որդի Նաթանայ, եւ տասնեքին արքն որ ընդ նմա, եւ եհար զԳոդողիա որդի Աքիկամայ որդւոյ Սափանայ սրով, եւ սպան զնա, զոր կացուցեալ էր արքային Բաբելացւոց ի վերայ երկրին.

ԹԻՒՔ 35:19

մերձաւոր արեանն սպանցէ զսպանօղն. յորժամ պատահեսցէ նմա՝ սպանցէ զնա։

ԹԻՒՔ 35:20

Եւ եթէ առ թշնամութեան մղեսցէ զնա, եւ ձգեսցէ նմա զամենայն անօթ խարդախութեամբ եւ մեռանիցի,

ԵՐԿՐՈՐԴՈՒՄՆ ՕՐԻՆԱՑ 27:24

Անիծեալ՝ որ հարկանիցէ զընկեր իւր նենգութեամբ. եւ ասասցէ ամենայն ժողովուրդն. Եղիցի։