ԹԱԳԱՒՈՐՈՒԹԵԱՆՑ ԵՐԿՐՈՐԴ 24:6 - Գրաբար Աստվածաշունչ (1895)

⁶ եւ անցին ընդ Գաղաադ, եւ ի Թաբասոն եւ յԵսթոն եւ յԱդասէ. եւ հասին ի Դան՝՝, եւ պատեցան զՍիդոնաւ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:6 Iomraidhean Croise

ԾՆՈՒՆԴՔ 10:15

Եւ Քանան ծնաւ զՍիդոն զանդրանիկ իւր, եւ զՔետացին

ԾՆՈՒՆԴՔ 31:21

Եւ գնաց ինքն եւ ամենայն որ ինչ իւր էր, եւ յարուցեալ անց ընդ Գետ եւ դիմեաց ի լեառն Գաղաադու։

ԹԻՒՔ 32:1

Եւ անասուն բազում էր որդւոցն Իսրայելի, որդւոցն՝՝ Ռուբենի եւ որդւոցն Գադայ զեղեալ յոյժ. եւ տեսին զերկիրն Յազերայ եւ զերկիրն Գաղաադու, եւ էր տեղին տեղի խաշանց։

ԹԻՒՔ 32:39

Եւ գնաց որդի՝՝ Մաքիրայ որդւոյ Մանասէի ի Գաղաադ եւ առ զնա, եւ կորոյս՝՝ զԱմովրհացին որ բնակեալ էր ի նմա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:8

Եւ մատնեաց զնոսա Տէր ընդ ձեռամբ Իսրայելի, եւ կոտորեալ զնոսա՝ արարին հալածական մինչեւ ցմեծն Սիդոն, եւ մինչեւ ցՄասրեփովթմայիմ, եւ մինչեւ ցդաշտն Մասեփայ ընդ արեւելս. եւ կոտորեաց զնոսա մինչեւ չմնալոյ ի նոցանէ ապրեալ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:28

եւ յԱքրան, եւ յՌովբ, եւ յԱմմովն, եւ ի Կանայի մինչեւ ի Սիդոն մեծ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:47

Եւ ել սահման որդւոցն Դանայ ի նոցանէն։ Այս է ժառանգութիւն ցեղի որդւոցն Դանայ՝ ըստ տոհմից իւրեանց, քաղաքք եւ աւանք նոցա։ Եւ ոչ ջնջեցին որդիքն Դանայ զԱմովրհացին զնեղիչն իւրեանց ի լերինն. եւ ոչ թողուին զնոսա Ամովրհացիքն իջանել ի հովիտսն, եւ նեղէին ի նոցանէ զսահմանս բաժնի իւրեանց։՝՝ Եւ գնացին որդիքն Դանայ եւ ետուն պատերազմ ընդ Ղեսեմայ, եւ առին զնա եւ հարին զնա սրով սուսերի. եւ ժառանգեցին զնա եւ բնակեցին ի նմա. եւ անուանեցին զՂեսեմ՝ Դան, ըստ անուան հօրն իւրեանց։

ԴԱՏԱՒՈՐՔ 1:31

Եւ Ասեր ոչ եբարձ զբնակիչսն Ակքովայ, եւ եղեւ նմա հարկատու. եւ զբնակիչսն Դովրայ,՝՝ եւ զբնակիչսն Սիդոնի, եւ զբնակիչսն Աքլափայ, եւ զԱքազիփ եւ զԵլփա եւ զԱփեկ եւ զՌովբ.