ԹԱԳԱՒՈՐՈՒԹԵԱՆՑ ԵՐԿՐՈՐԴ 2:19 - Գրաբար Աստվածաշունչ (1895)

¹⁹ Եւ պնդեցաւ Ասայէլ զհետ Աբեններեայ, եւ ոչ խոտորեցաւ երթալ յաջ եւ ոչ յահեակ ի հետոց Աբեններեայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:19 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:18

Եւ անդ էին երեք որդիքն Շարուհեայ, Յովաբ եւ Աբեսսա եւ Ասայէլ. եւ Ասայէլ թեթեւ էր ոտիւք իբրեւ զմի յայծեմանց ի դաշտի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:20

Եւ հայեցաւ Աբեններ ի թիկունս իւր եւ ասէ. Եթէ դո՞ւ իցես Ասայէլ։ Եւ ասէ. Ես եմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:21

Եւ ասէ ցնա Աբեններ. Խոտորեա դու յաջ կամ յահեակ, եւ կալ քեզ մի ի մանկտւոյդ, եւ առ դու քեզ զսպառազինութիւն նորա։ Եւ ոչ կամեցաւ Ասայէլ խոտորել ի հետոց նորա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:27

Եւ դարձոյց զԱբեններ ի Քեբրոն, եւ խոտորեցոյց զնա Յովաբ ի կողմանց դրանն խօսել ընդ նմա դաւաճանութեամբ. եւ եհար ընդ սնակուշտն, եւ մեռաւ. վասն արեանն Ասայելի եղբօր Յովաբայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 3:30

Եւ Յովաբ եւ Աբեսսա եղբայր նորա սպասէին Աբեններայ՝՝, փոխանակ զի սպան զԱսայէլ զեղբայր նոցա ի Գաբաւոն ի պատերազմին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 22:2

Եւ արար ուղղութիւն առաջի Տեառն, եւ գնաց յամենայն ճանապարհս Դաւթի հօր իւրոյ, եւ ոչ խոտորեցաւ յաջ կամ յահեակ։

ԱՌԱԿՔ ՍՈՂՈՄՈՆԻ 4:27

Մի՛ խոտորիցիս յաջ եւ մի՛ յահեակ, դարձո զոտն քո ի ճանապարհէ չարէ։ Զի զճանապարհս որ յաջմէ են՝ գիտէ Աստուած, թեւր են ճանապարհք՝ որ ի ձախմէ են. այլ ինքն ուղիղ արասցէ զշաւիղս քո, եւ զճանապարհս քո խաղաղութեամբ յառաջեցուսցէ։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:7

Արդ զօրացիր եւ քաջ լեր յոյժ, պահել եւ առնել ըստ ամենայն օրինացն որպէս պատուիրեաց քեզ Մովսէս ծառայ իմ. եւ մի՛ խոտորիցիս ի նոցանէ յաջ կամ յահեակ, զի խելամուտ լիցիս ամենայնի զինչ եւ գործեսցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:6

Արդ զօրացարուք յոյժ զգուշանալ եւ առնել զամենայն գրեալս ի գիրս օրինացն Մովսիսի, զի մի՛ խոտորիցիք ի նմանէ յաջ կամ յահեակ.