ԹԱԳԱՒՈՐՈՒԹԵԱՆՑ ԵՐԿՐՈՐԴ 2:13 - Գրաբար Աստվածաշունչ (1895)

¹³ Եւ Յովաբ որդի Շարուհեայ եւ ծառայք Դաւթի ելին ի Քեբրոնէ, եւ դիպեցան միմեանց ի վերայ աղբերն Գաբաւոնի. եւ նստան նոքա անտի աղբերն Գաբաւոնի, եւ սոքա աստի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:13 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:18

Եւ անդ էին երեք որդիքն Շարուհեայ, Յովաբ եւ Աբեսսա եւ Ասայէլ. եւ Ասայէլ թեթեւ էր ոտիւք իբրեւ զմի յայծեմանց ի դաշտի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 20:23

Եւ Յովաբ էր ի վերայ ամենայն զօրուն Իսրայելի. եւ Բանեա որդի Յովիդայեայ՝ ի վերայ Քերեթայն եւ Ոփելեթայն.

ԹԱԳԱՒՈՐՈՒԹԵԱՆՑ ԵՐԿՐՈՐԴ 20:8

Եւ մինչդեռ էին նոքա առ վիմին մեծի որ ի Գաբաւոն, եւ Ամեսայի եմուտ առաջի նոցա. եւ Յովաբ զգեցեալ էր վարապանակս զրահից, եւ ի վերայ նորա սուսեր ընդ մէջ՝ ծպնեալ առ միջովն պատենիւք հանդերձ, եւ այն էր թերաքամեալ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:24

Եւ այս անուանք են զօրաւորացն Դաւթի արքայի.՝՝ Ասայէլ եղբայր Յովաբայ, նա էր ի մէջ երեսնիցն. Եղէանան՝ որդի Աղիուդայ հօրեղբօր նորա ի Բեթղեհեմ՝՝,

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:16

Եւ Յովաբ որդի Շարուհեայ էր ի վերայ զօրուն, եւ Յովսափատ որդի Աքիայ ի վերայ յիշատակաց.

ԹԱԳԱՒՈՐՈՒԹԵԱՆՑ ԵՐՐՈՐԴ 1:7

Եւ եղեն բանք նորա ընդ Յովաբայ որդւոյ Շարուհեայ եւ ընդ Աբիաթարայ քահանայի. եւ օգնէին Ադոնիայ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:5

Եւ դու ինքնին գիտես, զոր ինչ արար ինձ Յովաբ որդի Շարուհեայ, զոր ինչ արար ընդ երկուս իշխանս զօրաց Իսրայելի՝ ընդ Աբեններ որդի Ներեայ եւ ընդ Ամեսայի որդի Յեթերայ, եւ սպան զնոսա, եւ խնդրեաց զարիւն պատերազմի ի խաղաղութեան, եւ ետ զարիւն անպարտ ի կեանս իւրում,՝՝ ի մէջ իւր եւ ի կօշիկս ոտից իւրոց։

ՄՆԱՑՈՐԴԱՑ ԱՌԱՋԻՆ 11:6

Եւ ասէ Դաւիթ. Ամենայն որ հարցէ զՅեբուսացին յառաջագոյն, եղիցի իշխան եւ զօրավար։ Եւ ել յառաջ ի վերայ նորա Յովաբ որդի Շարուհեայ, եւ եղեւ իշխան։

ՄՆԱՑՈՐԴԱՑ ԱՌԱՋԻՆ 2:16

Եւ քորք նոցա Շարուհեա եւ Աբիգեա. եւ որդիք Շարուհեայ՝ Աբեսսա եւ Յովաբ եւ Ասայէլ, երեք։

ՄՆԱՑՈՐԴԱՑ ԱՌԱՋԻՆ 27:7

Յամսեանն չորրորդի՝ Ասայէլ եղբայր Յովաբու, եւ Զաբդէաս որդի նորա եւ եղբարք իւր՝՝ զկնի նորա. եւ ընտրութիւնք բաժնի նորա քսան եւ չորս հազարք։

ՄԱՐԳԱՐԷՈՒԹԻՒՆ ԵՐԵՄԵԱՅ 41:12

ժողովեցին զամենայն զօրականն իւրեանց, եւ խաղացին երթալ տալ պատերազմ ընդ Իսմայելի որդւոյ Նաթանայ. եւ գտին զնա ի վերայ ջուրցն բազմաց որ էին ի Գաբաւոն։

ԹԱԳԱՒՈՐՈՒԹԵԱՆՑ ԱՌԱՋԻՆ 26:6

Պատասխանի ետ Դաւիթ եւ ասէ ցԱքիմելէք Քետացի եւ ցԱբեսսա որդի Շարուհեայ եղբայր Յովաբայ, եւ ասէ. Ո՞ մտցէ ընդ իս առ Սաւուղ ի բանակն։ Եւ ասէ Աբեսսա. Ես մտից ընդ քեզ։