ԹԱԳԱՒՈՐՈՒԹԵԱՆՑ ԵՐԿՐՈՐԴ 17:8 - Գրաբար Աստվածաշունչ (1895)

⁸ Եւ ասէ Քուսի. Դու ինքնին գիտես զհայր քո եւ զարս նորա, զի կարի զօրաւորք են յոյժ, եւ դառնացեալք ոգւով իբրեւ զարջ մի որդեկոտոր ի վայրի եւ զայրացեալ ի դաշտի՝՝. եւ հայր քո այր պատերազմող, եւ ոչ տայ դուլ՝՝ զօրուն.

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:8 Iomraidhean Croise

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:18

Եւ ամենայն ծառայք նորա մի ըստ միոջէ անցանէին առ նովաւ, եւ ամենայն Քերեթին եւ Ոփելեթին, եւ ամենայն Գեթացիք, վեց հարեւր այր եկեալ հետեւակք ի Գեթայ, անցանէին առաջի Դաւթի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:9

եւ ահա ինքն ղօղեալ իցէ ի միում ի բլրոց կամ ի միում ուրեք ի տեղեաց. եւ եղիցի յանկանել ի վերայ նոցա զառաջինն հարկանիցէ՝՝, եւ լսիցէ որ լսիցէ, եւ ասիցէ թէ՝ Եղեւ խորտակումն ժողովրդեանն որ զկնի Աբիսողոմայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:16

Եւ գունդք այլազգեացն էին ի Բեթղեհեմ։՝՝ Եւ հատին երեք զօրավարք զբանակն այլազգեաց, եւ հանին ջուր ի ջրհորոյն Բեթղեհեմի որ առ դրանն, եւ առին եւ եկին առ Դաւիթ. եւ ոչ կամեցաւ ըմպել զայն, այլ նուիրեաց զայն Տեառն.

ԹԱԳԱՒՈՐՈՒԹԵԱՆՑ ԵՐԿՐՈՐԴ 23:18

Եւ Աբեսսա եղբայր Յովաբայ որդի Շարուհեայ, ինքն իշխան ի մէջ երիցն. եւ նա կանգնեաց զնիզակն իւր ի վերայ երեքհարիւրոց վիրաւորաց. եւ նորա անուն ի մէջ երիցն.

ԹԱԳԱՒՈՐՈՒԹԵԱՆՑ ՉՈՐՐՈՐԴ 2:24

Դարձաւ ի թիկունս իւր եւ ետես զնոսա. եւ անէծ զնոսա յանուն Տեառն եւ ասէ. Որդիք յանցանաց եւ դատարկութեան՝՝։ Եւ ելին երկու արջք յանտառէն եւ պատառեցին ի նոցանէ քառասուն եւ երկուս մանկունս։

ԱՌԱԿՔ ՍՈՂՈՄՈՆԻ 17:12

Անկցի հոգ ի սիրտ առն իմաստնոյ, եւ անմիտք խորհին զչարիս։՝՝

ԱՌԱԿՔ ՍՈՂՈՄՈՆԻ 28:15

Առեւծ քաղցեալ եւ գայլ ծարաւի, որ աղքատ է՝ եւ՝՝ բուռն լինիցի ազգի տնանկի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 19:2

եւ ասասցես. Զի՞ է զի եղեւ մայր քո՝՝ ի մէջ առիւծուց, կորիւնդ ի մէջ առիւծուց բազմացոյց զկորիւնս իւր։

ՄԱՐԳԱՐԷՈՒԹԻՒՆ ՈՎՍԵԱՅ 13:8

Պատահեցից նոցա իբրեւ արջ քաղցեալ, եւ պատառեցից զառագաստ սրտից նոցա, եւ կերիցեն զնոսա կորիւնք անտառի՝՝, եւ գազանք վայրի կեղեքեսցեն զնոսա։

ԴԱՏԱՒՈՐՔ 18:25

Եւ ասեն ցնա որդիքն Դանայ. Մի՛ լուիցի ձայն քո զկնի մեր, գուցէ պատահիցեն քեզ արք դառնացեալք ոգւով, եւ դնիցեն զանձն քո եւ զանձն տան քո։

ԹԱԳԱՒՈՐՈՒԹԵԱՆՑ ԱՌԱՋԻՆ 16:18

Պատասխանի ետ մի ոմն ի մանկտւոյ նորա եւ ասէ. Ահա տեսի զորդի Յեսսեայ զԲեթղեհեմացի, եւ գիտէ սաղմոս, եւ այր իմաստուն եւ այր պատերազմօղ, եւ այր հանճարեղ եւ ճարտարաբան, եւ այր գեղեցիկ տեսլեամբ, եւ Տէր ընդ նմա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:50

Եւ զօրացաւ Դաւիթ քան զայլազգին պարսիւքն եւ քարիւն, եւ եհար զայլազգին եւ սպան զնա. եւ սուր չէր ի ձեռին նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 23:23

Եւ քննեսջիք եւ տեսջիք յամենայն տեղեաց ուր թաքուցեալ իցէ, եւ դարձջիք առ իս պատրաստութեամբ, եւ երթիցուք ընդ ձեզ. եւ եղիցի եթէ իցէ յերկրին, խուզեցից զնա ամենայն հազարաւորօք՝՝ Յուդայ։